ەزەكيەل 30:1—26
30 ەحوبا تاعى دا ماعان ٴسوزىن ارناپ بىلاي دەدى:
2 «ادام ۇلى، پايعامبارلىق ەتىپ، حابارىمدى جەتكىز! الەمنىڭ ٵمىرشىسى ەحوبا مىنانى ايتادى:
—قاسىرەتكە قالدىق، سول كۇن كەلىپ قالدى!— دەپ زار جىلاڭدار!
3 ويتكەنى سول كۇن جاقىنداپ قالدى، ٴيا، ەحوبانىڭ كۇنى جاقىن+!
بۇل قارا بۇلت تونەتىن+، حالىقتار سوتتالاتىن كۇن بولماق+.
4 مىسىردىڭ باسىنا سەمسەر ۇيىرىلەدى.
وندا كوپ ادام قىرىلىپ، بايلىعى تالان-تاراجعا سالىنىپ،ىرگەتاسى تاس-تالقان بولعاندا+، ەفيوپيا ابىگەرگە تۇسەدى.
5 ەفيوپيا+، پۋت+، لۋد، كوپ ۇلتتى توپتار،حۋب، سونداي-اق كەلىسىم جاساسقان ەلدىڭ ۇلدارى* — ٴبارى دە سەمسەردەن ولەدى.
6 ەحوبا بىلاي دەيدى:
—مىسىردى قولدايتىندار دا جەر قۇشادى،ونىڭ اسقاق قۇدىرەتى بولسا قۇرىپ كەتەدى+.
ولار ميعدولدان+ سەۋەنەگە+ دەيىن سەمسەردەن قىرىلادى. مۇنى ايتىپ وتىرعان — الەمنىڭ ٵمىرشىسى ەحوبا.
7 مىسىر ەڭ ەلسىز جەرگە، ال قالالارى ەڭ بوس قالالارعا اينالادى+.
8 مەن مىسىرعا وت قويىپ، وداقتاستارىنىڭ ٴبارى كۇيرەگەندە، ولار مەنىڭ ەحوبا ەكەنىمدى بىلەتىن بولادى.
9 سول كۇنى مەن وزىنە سەنىمدى ەفيوپيانىڭ زارەسىن ۇشىرۋ ٷشىن كەمەلەرمەن حابارشىلار جىبەرەمىن. مىسىر قۇلاعان كۇنى ولار زارە-قۇتى قالماي قورقادى، بۇل كۇن مىندەتتى تۇردە كەلەدى!
10 الەمنىڭ ٵمىرشىسى ەحوبا مىنانى ايتادى: —مەن مىسىردىڭ شۋلى توبىرىن بابىل پاتشاسى ناۆۋحودونوسوردىڭ قولىمەن قۇرتامىن+.
11 مىسىردى جويۋ ٷشىن اكەلىنەتىن ونىڭ ٶزى دە، جاساقتارى دا وزگە حالىقتاردىڭ ىشىندەگى ەڭ قاتىگەزى+. ولار سەمسەرلەرىن قىنابىنان سۋىرىپ، مىسىر ەلىن ولىككە تولتىرادى+.
12 مەن ٴنىلدىڭ+ سالالارىن قۇرعاتىپ، جەرىن زۇلىم ادامدارعا ساتىپ جىبەرەمىن. شەتەلدىكتەردىڭ قولىمەن+ بۇكىل ەل مەن ونداعىنىڭ ٴبارىن قۇرتىپ، ونى بوس قالدىرامىن. مۇنى مەن، ەحوبا، ايتىپ وتىرمىن.
13 الەمنىڭ ٵمىرشىسى ەحوبا بىلاي دەيدى: —مەن جەركەنىشتى پۇتتاردى قۇرتامىن، نوفتىڭ* تۇككە تۇرعىسىز تاڭىرلەرىن دە جويامىن+. مىسىردا بۇدان بىلاي مىسىرلىق بەكزادا بولمايدى. مەن بۇل ەلگە قورقىنىش جايلاتامىن+.
14 پاتروستى+ قاڭىراتىپ بوس قالدىرامىن، زوعانعا وت قويامىن، نو*+ قالاسىنا شىعارعان ۇكىمىمدى دە جۇزەگە اسىرامىن.
15 مەن مىسىردىڭ بەرىك قامالى سينگە قاھارىمدى توگەمىن. نو تۇرعىندارىن دا جوق قىلامىن.
16 مىسىرعا وت قويامىن، ٴسيندى ۇرەي بيلەيدى، نونىڭ تاس-تالقانى شىعادى، نوفقا تال تۇستە شابۋىل جاسالادى!
17 ون* مەن پيبەسەتتىڭ جىگىتتەرى سەمسەردەن قازا تابادى، ال حالقى تۇتقىنعا ايدالادى.
18 مەن مىسىردىڭ مويىنتۇرىعىن* سىندىرعاندا+، تەحپانحەستىڭ باسىنا قارالى كۇن تۋادى. ول اسقان قۇدىرەتىنەن جۇرداي بولىپ+، ۇستىنە قارا بۇلت تونەدى. قاراماعىنداعى قالالاردىڭ تۇرعىندارى بولسا تۇتقىنعا ايدالادى+.
19 وسىلاي مەن مىسىرعا شىعارعان ۇكىمىمدى جۇزەگە اسىرامىن. سوندا ولار مەنىڭ ەحوبا ەكەنىمدى بىلەتىن بولادى».
20 ون ٴبىرىنشى جىلدىڭ ٴبىرىنشى ايىنىڭ جەتىنشى كۇنى ەحوبا ماعان ٴسوزىن ارناپ بىلاي دەدى:
21 «ادام ۇلى، مەن مىسىر پاتشاسى پەرعاۋىننىڭ قولىن سىندىردىم. ەمدەۋ ٷشىن ونىڭ قولىن ەشكىم ورامايدى، سەمسەر ۇستاي الاتىنداي نىعايتۋ ٷشىن ەشكىم تاڭبايدى.
22 سوندىقتان الەمنىڭ ٵمىرشىسى ەحوبا مىنانى ايتادى: —ٴبىلىپ قويىڭدار، مەن مىسىر پاتشاسى پەرعاۋىنعا قارسى شىعىپ+، ونىڭ ەكى قولىن، ساۋ قولىن دا، سىنعان قولىن دا، سىندىرامىن+. وسىلاي قولىنداعى سەمسەرىن ٴتۇسىرىپ تاستايمىن+.
23 بۇدان كەيىن مىسىرلىقتاردى ەل-ەلگە، جەر-جەرگە بىتىراتىپ جىبەرەمىن+.
24 مەن بابىل پاتشاسىنىڭ قولدارىن نىعايتىپ+، وعان ٶز سەمسەرىمدى ۇستاتامىن+. ال پەرعاۋىننىڭ قولدارىن سىندىرامىن، سوندا ول بابىل پاتشاسىنىڭ الدىندا ٶلىمشى بولىپ جارالانعان ادامداي قاتتى ىڭىرسيتىن بولادى.
25 مەن بابىل پاتشاسىنىڭ قولدارىن نىعايتىپ، ال پەرعاۋىننىڭ قولدارىن السىرەتەمىن. سەمسەرىمدى بابىل پاتشاسىنىڭ قولىنا بەرىپ، ول ونى مىسىر ەلىنە قارسى قولدانعاندا، ولار مەنىڭ ەحوبا ەكەنىمدى بىلەتىن بولادى+.
26 مەن مىسىرلىقتاردى ەل-ەلگە، جەر-جەرگە بىتىراتىپ جىبەرەمىن+. سوندا ولار مەنىڭ ەحوبا ەكەنىمدى بىلەتىن بولادى».
سىلتەمەلەر
^ مىسىرمەن وداقتاسقان يسرايلدىكتەر جونىندە ايتىلىپ تۇرسا كەرەك.
^ نەمەسە «مەمفيستىڭ».
^ ياعني تەبەس.
^ ياعني گەليوپوليس.
^ تۇسىندىرمەنى قاراڭىز.
