ەزەكيەل 31:1—18
-
بيىك قاراعاي ىسپەتتى مىسىر قۇلادى (1—18)
31 ون ٴبىرىنشى جىلدىڭ ٷشىنشى ايىنىڭ ٴبىرىنشى كۇنى ەحوبا تاعى دا ماعان ٴسوزىن ارناپ بىلاي دەدى:
2 «ادام ۇلى، مىسىر پاتشاسى پەرعاۋىن مەن ونىڭ شۋلى توبىرىنا مىنانى ايت+:
—سەنىڭ ۇلىلىعىڭا كىم تەڭ كەلەدى؟
3 سەن اسسيريالىققا ۇقسايسىڭ،بۇتاقتارى ادەمى دە سايالى،ۇشار باسى بۇلتتارعا دەيىن جەتەتىن بيىك ليۆان قاراعايىنا ۇقسايسىڭ.
4 ول سۋلاردىڭ ارقاسىندا ۇلكەن، تەرەڭدەگى سۋ كوزدەرىنىڭ ارقاسىندا بيىك بولىپ ٶستى.
ونىڭ وتىرعىزىلعان جەرىندە اينالا وزەندەر اعىپ،سالالارىن دالا اعاشتارىنىڭ بارىنە باعىتتادى.
5 سوندىقتان ول باسقا اعاشتاردان بيىك بولىپ ٶستى.
اينالاسىنداعى وزەندەردىڭ سۋى مول بولعاندىقتان،ونىڭ وركەندەرى كوبەيىپ، بۇتاقتارى ۇزارا بەردى.
6 اۋەدە ۇشقان قۇستاردىڭ ٴبارى ونىڭ بۇتاقتارىنا ۇيا سالدى،جابايى اڭدار كەلىپ، سونىڭ ساياسىندا بالالادى.
ۇلكەن حالىقتاردىڭ ٴبارى ونىڭ كولەڭكەسىنە قونىس تەپتى.
7 وسىلاي ول وتە كورىكتى، ال بۇتاقتارى اسا ۇزىن بولدى،ويتكەنى تامىرلارى تەرەڭدەگى مول سۋلارعا دەيىن جەتەتىن.
8 قۇدايدىڭ باعىنداعى+ قاراعايلاردىڭ ەشقايسىسى وعان تەڭ كەلمەيتىن.
ارشالاردىڭ وركەندەرى ونىكىمەن سالىستىرۋعا كەلمەيتىن.
شىنار اعاشىنىڭ بۇتاقتارى دا تەڭەسە المايتىن.
قۇداي باعىندا ونىڭ كوركىنە تەڭ كەلەر اعاش جوق ەدى.
9 مەن وعان جاپىراعى قالىڭ بۇتاقتار بەرىپ، كورىكتى ەتتىم.
شىنايى قۇدايدىڭ باعى ەدەمدەگى اعاشتاردىڭ ٴبارى وعان قىزىعاتىن.
10 ال ەندى الەمنىڭ ٵمىرشىسى ەحوبا بىلاي دەيدى: —ول ۇشار باسى بۇلتتارعا جەتەرلىكتەي بيىك بولىپ ٶسىپ، سول بيىكتىگىن بۇلداپ، جۇرەگىنە تاكاپپارلىق ۇيالاتتى.
11 سول ٷشىن مەن ونى حالىقتاردىڭ ٴبىر قۇدىرەتتى بيلەۋشىسىنىڭ قولىنا بەرەمىن دە+، سول بيلەۋشى وعان قارسى شىعادى. وسىلاي زۇلىمدىعى ٷشىن مەن ودان باس تارتامىن.
12 حالىقتار اراسىنداعى ەڭ قاتىگەز شەتەلدىكتەر ونى شاۋىپ، تاۋ باسىنا تاستاپ كەتەدى. ونىڭ جاپىراقتارى دالادا، ال سىنعان بۇتاقتارى ساي-سالالاردا شاشىلىپ جاتادى+. جەرجۇزىنىڭ ادامدارى ونىڭ ساياسىن تاستاپ، كوشىپ كەتەدى.
13 قۇلاپ جاتقان دىڭىنە قۇستار قونىپ، جاپىرىلىپ جاتقان بۇتاقتارىنا جابايى اڭدار كەلىپ تۇراقتايدى+.
14 مەن مۇنى سۋ جاعاسىنداعى ەشبىر اعاش ۇشار باسى بۇلتتارعا جەتەتىندەي بيىك بولىپ وسپەسىن، مولىنان سۋارىلاتىن ەشبىر اعاش بۇلتتارعا جەتپەسىن دەپ ىستەيمىن. ولاردىڭ ٴبارى دە ٶلىم قۇشادى، ورعا* تۇسكەلى جاتقان ادامدارمەن بىرگە جەر استىنا كىرەدى.
15 الەمنىڭ ٵمىرشىسى ەحوبا مىنانى ايتادى: —ول كورگە* تۇسكەن كۇنى جۇرت ونى جوقتاپ قايعىراتىنداي ەتەمىن. سول قاراعاي ٷشىن اعىل-تەگىل اعىپ جاتقان سۋدى توقتاتامىن، تەرەڭدەگى سۋ كوزدەرىن جاۋىپ، ولاردىڭ سالالارىن بىتەپ تاستايمىن. سول ٷشىن ليۆاندى تۇنەككە باتىرامىن، ٵرى سول ٷشىن دالا اعاشتارىنىڭ ٴبارى قۋراپ قالادى.
16 ونى ورعا تۇسكەلى جاتقاندارمەن بىرگە كورگە* تاستاعانىمدا، قۇلاعانداعى شۋىنان حالىقتار شايقالادى. ال ەدەم اعاشتارىنىڭ ٴبارى+، ليۆاننىڭ تاڭداۋلى ٵرى ەڭ جاقسىلارى، مولىنان سۋارىلاتىن اعاشتاردىڭ ٴبارى جەر استىندا جۇبانىش تابادى.
17 بۇلار دا سول قاراعايمەن بىرگە كورگە*، سەمسەردەن قازا تاپقانداردىڭ قاسىنا ٴتۇستى+. ٴيا، ولار قاراعايدىڭ ساياسىنداعى حالىقتار اراسىندا ٶمىر سۇرگەن ونىڭ قولداۋشىلارىمەن بىرگە سوندا ٴتۇستى+.
18 ەدەم اعاشتارىنىڭ قايسىسىنىڭ سالتاناتى مەن ۇلىلىعى ساعان تەڭ كەلگەن ەدى+؟ ٴبىراق سەن مىندەتتى تۇردە سول اعاشتارمەن بىرگە جەر استىنا تاستالاسىڭ. سەن سەمسەردەن قازا تاپقان سۇندەتتەلمەگەندەردىڭ قاسىندا جاتاسىڭ. پەرعاۋىن مەن ونىڭ شۋلى توبىرىمەن وسىلاي بولادى. مۇنى ايتىپ وتىرعان — الەمنىڭ ٵمىرشىسى ەحوبا».
سىلتەمەلەر
^ نەمەسە «كورگە».
^ ەۆرەيشە «شەول». تۇسىندىرمەنى قاراڭىز.
^ ەۆرەيشە «شەول». تۇسىندىرمەنى قاراڭىز.
^ ەۆرەيشە «شەول». تۇسىندىرمەنى قاراڭىز.