ەزەكيەل 32:1—32
32 ون ەكىنشى جىلدىڭ ون ەكىنشى ايىنىڭ ٴبىرىنشى كۇنى ەحوبا تاعى دا ماعان ٴسوزىن ارناپ بىلاي دەدى:
2 «ادام ۇلى، مىسىر پاتشاسى پەرعاۋىن تۋرالى ازالى ٵن ايتىپ، وعان مىنانى جەتكىز:
—سەن حالىقتار اراسىندا ابدان ارىستان سياقتى ەدىڭ، ٴبىراق ٷنىڭ ٶشتى.
تەڭىز قۇبىجىعىنا ۇقساپ+، سەن وزەندەرىڭنىڭ سۋىن شالپىلداتىپ ويناقتادىڭ،اياعىڭمەن سابالاپ لايلادىڭ، وزەندەردى ارامدادىڭ.
3 الەمنىڭ ٵمىرشىسى ەحوبا بىلاي دەيدى:
—مەن كوپ حالىقتاردى جىبەرىپ، ساعان اۋ سالعىزامىن.
ولار سەنى سول اۋمەن سۋدان تارتىپ شىعارادى.
4 مەن سەنى جەرگە شىعارىپ تاستايمىن،اشىق دالاعا لاقتىرىپ جىبەرەمىن.
ۇستىڭە اۋەدەگى قۇستاردى قوندىرامىن،سەنى جەرجۇزىنىڭ جابايى اڭدارىنا جەم قىلامىن+.
5 دەنەڭدى تاۋ-تاسقا لاقتىرىپ،اڭعارلاردى ولەكسەڭنىڭ قالدىقتارىمەن تولتىرامىن+.
6 سەنەن اققان قانمەن تاۋلارعا دەيىنگى جەردى سۋارامىن،ساي-سالالار دا سەنىڭ قانىڭا تولادى.
7 سەن ٴسونىپ جوق بولعاندا، مەن اسپاندى جاۋىپ تاستايمىن،جۇلدىزداردى دا كومەسكىلەيمىن.
كۇندى بۇلتتارمەن بۇركەپ قويامىن،اي دا جارقىرامايتىن بولادى+.
8 سەن ٷشىن بارلىق اسپان شىراقتارىن كومەسكىلەيمىن،جەرىڭدى قارا تۇنەككە ورايمىن.
مۇنى ايتىپ وتىرعان — الەمنىڭ ٵمىرشىسى ەحوبا.
9 حالقىڭدى ٶزىڭ بىلمەيتىن ەلدەردەگى حالىقتار اراسىنا تۇتقىنعا ايداپ+،كوپتەگەن ادامنىڭ جۇرەگىن قايعى-مۇڭعا باتىرامىن.
10 مەن سەمسەرىمدى الدارىندا جالاڭداتقاندا،كوپ حالىقتار ساعان اڭتارىلا قارايتىن بولادى،ال پاتشالارى ۇرەيلەنە قالتىرايدى.
سەن قۇلاعان كۇنى ولار ٶز جاندارى ٷشىن قورقىپ، دىرىلدەپ كەتەدى.
11 سەبەبى الەمنىڭ ٵمىرشىسى ەحوبا مىنانى ايتادى:
—بابىل پاتشاسى باسىڭا سەمسەرىن ۇيىرەدى+.
12 سەنىڭ شۋلى توبىرىڭدى مىقتى ساربازدارعا،حالىقتاردىڭ ىشىندەگى ەڭ قاتىگەزدەرىنە+، سەمسەرمەن قىرعىزامىن.
ولار مىسىردىڭ ماقتانىشىنان تۇك قالدىرمايدى،شۋلى توبىرىن تۇگەل قىرىپ تاستايدى+.
13 مىسىردىڭ كوپتەگەن وزەندەرىنىڭ بويىندا جايىلاتىن بار مالىن قۇرتامىن+.
ونىڭ سۋلارىن بۇدان بىلاي ادام اياعى دا، مال تۇياعى دا لايلامايتىن بولادى+.
14 سول كەزدە مەن ونىڭ سۋلارىن تازارتىپ، وزەندەرىن ماي سياقتى بىرقالىپتى اعاتىنداي ەتەمىن.
مۇنى ايتىپ وتىرعان — الەمنىڭ ٵمىرشىسى ەحوبا.
15 ەلدى بارىنان ايىرىپ، تۇرعىندارىن تۇگەل قىرىپ،مىسىردى قاڭىراتىپ قۋ دالاعا اينالدىرعانىمدا+،ولار مەنىڭ ەحوبا ەكەنىمدى بىلەتىن بولادى+.
16 بۇل — جوقتاۋ. جۇرت ونى سىڭسىپ ايتاتىن بولادى.
باسقا حالىقتاردىڭ ايەلدەرى مىسىر مەن ونىڭ شۋلى توبىرىن ازا تۇتىپ، وسى جوقتاۋدى سىڭسىپ ايتادى.
مۇنى ايتىپ وتىرعان — الەمنىڭ ٵمىرشىسى ەحوبا».
17 وسىدان كەيىن ون ەكىنشى جىلى ايدىڭ ون بەسىنشى كۇنى ەحوبا ماعان ٴسوزىن ارناپ بىلاي دەدى:
18 «ادام ۇلى، مىسىردىڭ شۋلى توبىرىن جوقتاپ، ونىڭ دا، مىقتى حالىقتاردىڭ قىزدارىنىڭ دا ورعا* تۇسكەلى جاتقاندارمەن بىرگە جەر استىنا تاستالاتىنىن جاريالا. وعان بىلاي دە:
19 —سەنىڭ كوركىڭ كىمنەن ارتىق؟ تومەن ٴتۇسىپ، سۇندەتتەلمەگەندەردىڭ قاسىنا بارىپ جات!
20 مىسىرلىقتار سەمسەردەن قىرىلعانداردىڭ اراسىندا قۇلاپ جاتادى+. مىسىر ەلى سەمسەردىڭ بيلىگىنە بەرىلەدى. ونى بۇكىل شۋلى توبىرىمەن قوسا ٵرى سۇيرەپ تاستاڭدار.
21 پەرعاۋىن مەن ونىڭ كومەكشىلەرىنە كور* تۇبىنەن مىقتى ساربازدار ٴتىل قاتادى. ول مىندەتتى تۇردە كومەكشىلەرىمەن قوسا تومەن ٴتۇسىپ، سەمسەردەن قىرىلعان سۇندەتتەلمەگەندەر سياقتى جاتاتىن بولادى.
22 اسسيريا دا بۇكىل جاماعاتىمەن بىرگە سوندا. سەمسەردەن قازا تاپقان ولاردىڭ قابىرلەرى پاتشالارىن اينالا ورنالاسقان+.
23 اسسيريانىڭ قابىرلەرى وردىڭ* ەڭ تۇبىندە ورنالاسقان، ال سەمسەردەن قىرىلعان بۇكىل اسكەرى ونىڭ قابىرىن اينالا سۇلاپ جاتىر. سەبەبى ٴتىرى كەزىندە ولار ادامداردى قورقىتىپ ۇستاعان ەدى.
24 ەلام+ دا سوندا جاتىر، بۇكىل شۋلى توبىرى دا ونىڭ قابىرىنىڭ اينالاسىندا جاتىر. بۇلاردىڭ ٴبارى سەمسەردەن قىرىلعاندار. ٴتىرى كەزدەرىندە ادامداردى قورقىتىپ ۇستاعان ولار سۇندەتتەلمەگەن كۇيى جەر استىنا ٴتۇستى. ەندى ولار ورعا* تۇسكەلى جاتقاندارمەن بىرگە ماسقارا بولادى.
25 ەلامعا ٶزىنىڭ شۋلى توبىرىنىڭ اراسىنان توسەك دايىندالدى. شۋلى توبىرىنىڭ قابىرلەرى ونىڭ توسەگىنىڭ اينالاسىندا. ولاردىڭ ٴبارى سۇندەتتەلمەگەندەر، ٴتىرى كەزىندە ادامداردى قورقىتىپ ۇستاعاندىقتان سەمسەردەن قىرىلعاندار. ولار ورعا* تۇسكەلى جاتقاندارمەن بىرگە ماسقارا بولادى. ەلام ولگەندەردىڭ قاسىنا قويىلدى.
26 مەشەح پەن تۇبال+ دا شۋلى توبىرلارىمەن بىرگە سوندا. شۋلى توبىرلارىنىڭ قابىرلەرى ونىڭ اينالاسىندا. بۇلاردىڭ ٴبارى سۇندەتتەلمەگەندەر، ٴتىرى كەزدەرىندە ادامداردى قورقىتىپ ۇستاعاندارى ٷشىن سەمسەرمەن تۇيرەلگەندەر.
27 ولار قارۋ-جاراقتارىمەن كورگە* تۇسكەن سۇندەتتەلمەگەن مىقتى ساربازداردىڭ قاسىندا جاتپاي ما؟ ٴتىرى كەزدەرىندە ادامداردى قورقىتىپ ۇستاعاندارى ٷشىن، ولار سەمسەرلەرىن باستارىنا جاستانادى*، كۇنالارى سۇيەكتەرىنىڭ ۇستىنە قويىلادى.
28 سەن* دە سۇندەتتەلمەگەندەر سياقتى تاس-تالقان بولىپ، سەمسەردەن قازا تاپقاندارمەن بىرگە جاتاسىڭ.
29 ەدوم+ دا، ونىڭ پاتشاسى مەن باسشىلارى دا سوندا. ولار قانشا قۋاتتى بولعانمەن، سەمسەردەن قازا بولعاندارمەن بىرگە جاتىر. ولار دا سۇندەتتەلمەگەندەرمەن+، ورعا* تۇسكەلى جاتقاندارمەن بىرگە جاتاتىن بولادى.
30 سولتۇستىكتىڭ بارلىق بەكزادالارى مەن كۇللى سيدوندىقتار+ دا سوندا. كۇش-قۋاتتارىمەن ۇرەي تۋعىزعاندارىنا قاراماستان، ولار ماسقارا بولىپ، ولگەندەرمەن بىرگە تومەن ٴتۇستى. ولار سۇندەتتەلمەيدى، سول كۇيى سەمسەردەن قىرىلعانداردىڭ قاسىنا جاتادى، ورعا* تۇسكەلى جاتقاندارمەن بىرگە ماسقارا بولادى.
31 پەرعاۋىن وسىنىڭ ٴبارىن كورگەندە، ٶز شۋلى توبىرىمەن بولعان جاعدايدان جۇبانىش تابادى+. ول بۇكىل جاساعىمەن بىرگە سەمسەردەن قازا بولادى. مۇنى ايتىپ وتىرعان — الەمنىڭ ٵمىرشىسى ەحوبا.
32 ٴتىرى كەزىندە ادامداردى قورقىتىپ ۇستاعانى ٷشىن پەرعاۋىن مەن ونىڭ شۋلى توبىرى سەمسەردەن قىرىلعان سۇندەتتەلمەگەندەرمەن بىرگە تىنىم تابادى. مۇنى ايتىپ وتىرعان — الەمنىڭ ٵمىرشىسى ەحوبا».
سىلتەمەلەر
^ نەمەسە «كورگە».
^ ەۆرەيشە «شەول». تۇسىندىرمەنى قاراڭىز.
^ نەمەسە «كوردىڭ».
^ نەمەسە «كورگە».
^ نەمەسە «كورگە».
^ ەۆرەيشە «شەول». تۇسىندىرمەنى قاراڭىز.
^ قوشەمەتپەن سەمسەرلەرىمەن قوسا كومىلگەن ساربازدار جايلى ايتىلىپ تۇرسا كەرەك.
^ بۇل ەسىمدىك پەرعاۋىنعا نە مىسىر ەلىنە نۇسقاسا كەرەك.
^ نەمەسە «كورگە».
^ نەمەسە «كورگە».
