ەزەكيەل 35:1—15
-
سەيىر تاۋلارى تۋرالى پايعامبارلىق (1—15)
35 ەحوبا تاعى دا ماعان ٴسوزىن ارناپ بىلاي دەدى:
2 «ادام ۇلى، ٴجۇزىڭدى سەيىردىڭ+ تاۋلى وڭىرىنە بۇر دا، وعان قارسى پايعامبارلىق ەتىپ+،
3 حابارىمدى جەتكىز! الەمنىڭ ٵمىرشىسى ەحوبا مىنانى ايتادى: —ەي، سەيىردىڭ تاۋلى ٶڭىرى، مەن ساعان قارسى شىعامىن! قولىمدى سوزامىن دا، سەنى قاڭىراعان ەلسىز دالاعا اينالدىرامىن+.
4 قالالارىڭدى جەرمەن-جەكسەن ەتكەنىمدە، قاڭىراعان ەلسىز دالاعا اينالاسىڭ+. سوندا مەنىڭ ەحوبا ەكەنىمدى بىلەتىن بولاسىڭ.
5 ويتكەنى ەجەلدەن بەرى يسرايلدىكتەرمەن وشتەسۋىڭدى قويمادىڭ+، سونداي-اق اپاتقا ۇشىراپ، ٴبىرجولا جازالانعان كەزدەرىندە سەن ولاردى سەمسەرمەن قىردىڭ+.
6 سوندىقتان الەمنىڭ ٵمىرشىسى ەحوبا بىلاي دەيدى: —ٶز اتىممەن انت ەتەمىن*، مەن سەنىڭ قانىڭ توگىلەدى دەپ شەشىپ قويدىم؛ قانتوگىس سەنىڭ قىر سوڭىڭنان قالمايتىن بولادى+. قاندى جەك كورىپ ەدىڭ، ەندى ول سەنىڭ قىر سوڭىڭنان قالمايدى+.
7 مەن تاۋلى ٶڭىرىڭدى قاڭىراعان ەلسىز دالاعا اينالدىرامىن+، سەن ارقىلى ەشكىم ٵرى دە وتپەيدى، كەرى دە قايتپايتىن بولادى.
8 تاۋ-توبەلەرىڭدى ولىكتەرگە تولتىرامىن. قىر-قىرقالارىڭ، جازىقتارىڭ مەن ساي-سالالارىڭدا سەمسەردەن ولگەندەر سۇلاپ جاتاتىن بولادى.
9 مەن سەنى ماڭگىلىككە قاڭىراتىپ بوس قالدىرامىن، قالالارىڭ دا ەلسىز قالادى+. سوندا مەنىڭ ەحوبا ەكەنىمدى بىلەتىن بولاسىڭ.
10 مەن، ەحوبا، يسرايل مەن ياھۋدا حالقىنىڭ اراسىندا بولعانىما قاراماي، سەن: «مىنا ەكى حالىق تا، ەل دە مەنىكى بولادى، ٴبىز ەكەۋىن دە يەمدەنەمىز»+،— دەگەن ەدىڭ.
11 سول ٷشىن الەمنىڭ ٵمىرشىسى ەحوبا مىنانى ايتادى: —ولاردى جەك كورىپ، بويىڭدى اشۋ مەن قىزعانىش بيلەگەن ەدى+، سوندىقتان ٶز اتىممەن انت ەتەمىن*، مەن دە ساعان قارسى سولاي ارەكەت ەتەمىن. سەنى سوتتاعان كەزىمدە، ولار مەنىڭ كىم ەكەنىمدى بىلەتىن بولادى.
12 سوندا يسرايلدىڭ تاۋلارىنا قاتىستى: «ولار قاڭىراپ بوس قالىپ، بىزگە جالماپ قويۋعا بەرىلدى!»— دەپ، مەنمەنسي ايتقان سوزدەرىڭنىڭ ٴبارىن مەن، ەحوبا، ەستىگەنىمدى بىلەتىن بولاسىڭ.
13 مۇنىمەن قويماي، ماعان قارسى پاڭدانا سويلەپ، ابدەن ٴبوستىڭ+. مەن بۇنى دا ەستىدىم.
14 الەمنىڭ ٵمىرشىسى ەحوبا بىلاي دەيدى: —سەنى قاڭىراعان ەلسىز دالاعا اينالدىرعانىمدا، بۇكىل جەر شات-شادىمان بولادى.
15 يسرايل ٷيىنىڭ يەلىگىندەگى جەر قاڭىراپ بوس قالعاندا قۋانعانىڭ ٷشىن، سولاردىڭ كۇيىن سەنىڭ باسىڭا كەلتىرەمىن+. ەي، سەيىردىڭ تاۋلى ٶڭىرى، ٴيا، كۇللى ەدوم+ جەرى، سەن ۇيىندىگە اينالىپ، قاڭىراپ بوس قالاسىڭ. سوندا جۇرت مەنىڭ ەحوبا ەكەنىمدى بىلەتىن بولادى.
سىلتەمەلەر
^ نەمەسە «ٶزىمنىڭ ٴتىرى ەكەنىمدەي حاق ٴسوزىم».
^ نەمەسە «ٶزىمنىڭ ٴتىرى ەكەنىمدەي حاق ٴسوزىم».
