ەزەكيەل 39:1—29
39 «ادام ۇلى، گوگقا قارسى پايعامبارلىق+ ٴسوزىمدى جەتكىز! الەمنىڭ ٵمىرشىسى ەحوبا مىنانى ايتادى: —مەشەح پەن تۇبالدىڭ+ باس بيلەۋشىسى گوگ، مەن ساعان قارسى شىعامىن.
2 مەن سەنى كەرى اينالدىرىپ، سولتۇستىكتىڭ قيىر تۇكپىرىنەن+ شىعارامىن دا، يسرايلدىڭ تاۋلارىنا بارعىزامىن.
3 سول قولىڭنان ساداعىڭدى، ال وڭ قولىڭنان جەبەلەرىڭدى قاعىپ تۇسىرەمىن.
4 سوندا سەن بۇكىل جاساعىڭمەن جانە كۇللى حالقىڭمەن يسرايل تاۋلارىندا قۇلايسىڭ+. وسىلاي سەنى الۋان ٴتۇرلى قۇستار مەن جابايى اڭدارعا جەم قىلامىن+.
5 الەمنىڭ ٵمىرشىسى ەحوبا مىنانى ايتادى: —سەن اشىق دالادا قۇلايسىڭ+، ويتكەنى مۇنى ايتقان — مەن.
6 مەن ماگوگ جەرىنە جانە ارالداردا قاننەن-قاپەرسىز تۇرىپ جاتقاندارعا وت جىبەرەمىن+. سوندا ولار مەنىڭ ەحوبا ەكەنىمدى بىلەتىن بولادى.
7 مەن ٶز حالقىم يسرايلدىڭ اراسىندا كيەلى ەسىمىمدى تانىمال ەتەمىن دە، بۇدان بىلاي ونىڭ قورلانۋىنا جول بەرمەيمىن. سوندا حالىقتار مەنىڭ يسرايلدەگى كيەلى قۇداي ەحوبا+ ەكەنىمدى بىلەدى+.
8 مىنە، پايعامبارلىق مىندەتتى تۇردە ورىندالادى. مەن ايتقان كۇن — وسى. مۇنى ايتىپ وتىرعان — الەمنىڭ ٵمىرشىسى ەحوبا.
9 يسرايل قالالارىنىڭ تۇرعىندارى سىرتقا شىعىپ، قارۋلاردى — ۇلكەندى-كىشىلى قالقاندار، ساداقتار مەن جەبەلەر، شوقپارلار* مەن نايزالاردى — وتقا جاعادى+. ولار قارۋلاردى جەتى جىل بويى ورتەيدى.
10 دالادان وتىن، ورماننان اعاش اكەلمەي، قارۋ-جاراقتى وتىن قىلادى. ولار وزدەرىن تالان-تاراجعا سالعانداردى تالان-تاراج ەتەدى، توناعانداردى تونايدى. مۇنى ايتىپ وتىرعان — الەمنىڭ ٵمىرشىسى ەحوبا.
11 سول كۇنى مەن گوگقا+ يسرايل ەلىنەن، تەڭىزدىڭ شىعىسىنداعى جولاۋشىلار اڭعارىنان، قابىر بولاتىن جەر بەرەمىن دە، جولاۋشىلار سول جەردەن وتە الماي، بوگەلىپ قالادى. گوگ پەن ونىڭ بۇكىل شۋلى توبىرى سوندا جەرلەنەدى. وسىدان كەيىن بۇل جەر حامون-گوگ اڭعارى*+ دەپ اتالادى.
12 يسرايل ٷيى ولاردىڭ سۇيەگىن جەتى اي بويى جەرلەپ، جەردى تازارتاتىن بولادى+.
13 ولاردى كومۋگە جەردىڭ بۇكىل ادامدارى قاتىسادى. مەن ٶز داڭقىمدى پاش ەتكەن+ كۇنى بۇل ولاردى اتاق-داڭققا بولەيدى. مۇنى ايتىپ وتىرعان — الەمنىڭ ٵمىرشىسى ەحوبا.
14 ادامدار توقتاۋسىز ەلدى شارلاپ جۇرۋگە، ٵرى جەردى تازارتۋ ٷشىن، كومىلمەي قالعان ولىكتەردى جەرلەۋگە تاعايىندالادى. وسىلاي جەتى اي بويى ىزدەۋ جۇمىستارى جۇرەدى.
15 جەردى شارلاپ جۇرەتىندەر ادام سۇيەگىن كورسە، سول جەرگە بەلگى قويىپ كەتەتىن بولادى. ال ولىكتەردى جەرلەۋگە تاعايىندالعاندار ونى حامون-گوگ اڭعارىندا+ كومەدى.
16 ول جەردە حامونا* دەپ اتالاتىن قالا دا بولادى. وسىلاي جەر تازالانادى+.
17 ال سەن، ادام ۇلى، الەمنىڭ ٵمىرشىسى ەحوبانىڭ ٴسوزىن تىڭداپ ال. دالاداعى ٴتۇرلى قۇستار مەن كۇللى جابايى اڭدارعا مىنا سوزدەرىمدى جەتكىز: —ٴبارىڭ دە جينالىپ، بەرى كەلىڭدەر! وزدەرىڭە دايىنداپ جاتقان قۇرباندىعىما، يسرايل تاۋلارىندا شالىپ جاتقان ۇلكەن قۇرباندىعىما+ جان-جاقتان كەلىپ، ەت جەپ، قان ىشىڭدەر+!
18 سەندەر مىقتىلاردىڭ ەتىن جەپ، جەردىڭ باسشىلارىنىڭ — قوشقارلار، توقتىلار، ەشكىلەر مەن بۇقالاردىڭ — قانىن ىشەسىڭدەر. بۇلاردىڭ ٴبارى باشاننىڭ سەمىز مالى.
19 سەندەر مەنىڭ وزدەرىڭە ارناپ شالاتىن قۇرباندىعىمنىڭ مايىنان تويعانشا جەپ، قانىن ماس بولعانشا ىشەسىڭدەر.
20 الەمنىڭ ٵمىرشىسى ەحوبا مىنانى ايتادى: —سەندەر مەنىڭ داستارقانىمنان اتتار مەن سالت اتتىلاردى، مىقتىلار مەن نەشە ٴتۇرلى ساربازداردى جەپ تويىناسىڭدار+.
21 مەن حالىقتار اراسىندا داڭقىمدى پاش ەتەمىن، سوندا بۇكىل حالىقتار وزدەرىنە شىعارعان ۇكىمىمدى قۇدىرەتتى قولىممەن جۇزەگە اسىرعانىمدى كورەدى+.
22 سول كۇننەن باستاپ يسرايل ٷيى مەنىڭ وزدەرىنىڭ قۇدايى ەحوبا ەكەنىمدى بىلەتىن بولادى.
23 ال وزگە حالىقتارعا يسرايل ٷيىنىڭ ٶز كۇنالارى ٷشىن، ماعان ادال بولماعاندارى ٷشىن+، جەر اۋدارىلعانى بەلگىلى بولادى. مەن ولاردان ٴجۇزىمدى جاسىرىپ+، جاۋلارىنىڭ قولىنا بەردىم+، وسىلاي بارلىعى سەمسەردەن قىرىلدى.
24 مەن ارام ىستەرى مەن قىلمىستارىنا قاراي ارەكەت ەتىپ، ولاردان ٴجۇزىمدى جاسىرعان ەدىم.
25 ال ەندى الەمنىڭ ٵمىرشىسى ەحوبا مىنانى ايتادى: —مەن جاقىپتىڭ تۇتقىنعا ايدالعان ۇرپاعىن قايتارامىن+، كۇللى يسرايل ۇيىنە مەيىرىمىمدى تۇسىرەمىن+. وسىلايشا كيەلى ەسىمىمدى قىزعىشتاي قورعايمىن+.
26 ماعان جاساعان بارلىق وپاسىزدىقتارى ٷشىن ماسقارا بولعاننان كەيىن+، ولار ٶز جەرلەرىندە قاۋىپسىز ٶمىر سۇرەدى، ٵرى ەشكىم ولاردى قورقىتپايدى+.
27 حالقىمدى وزگە حالىقتار اراسىنان اكەلگەنىمدە، جاۋلارىنىڭ جەرىنەن جيناپ العانىمدا+، كوپتەگەن حالىقتاردىڭ كوزىنشە سولاردىڭ اراسىندا كيەلىلىگىمدى پاش ەتەمىن+.
28 حالىقتار اراسىنا تۇتقىنعا ايداپ، ال كەيىننەن ٴبىرىن قالدىرماي جيناپ الىپ، ٶز جەرلەرىنە اكەلگەنىمدە+، ولار مەنىڭ وزدەرىنىڭ قۇدايى ەحوبا ەكەنىمدى بىلەتىن بولادى.
29 يسرايل ۇيىنە رۋحىمدى توككەندىكتەن+، مەن ولاردان ەندى قايتىپ ٴجۇزىمدى جاسىرمايمىن+. مۇنى ايتىپ وتىرعان — الەمنىڭ ٵمىرشىسى ەحوبا».
سىلتەمەلەر
^ مۇمكىن: «اتپا نايزالار».
^ نەمەسە «گوگتىڭ شۋلى توبىرىنىڭ اڭعارى».
^ ماعىناسى «شۋلى توبىر».
