ەزەكيەل 41:1—26
41 بۇدان كەيىن ول مەنى سىرتقى عيباداتحاناعا* اكەلدى دە، ونىڭ كىرەبەرىسىنىڭ ەكى جاعىنداعى تىرەكتەردى ولشەدى. ولاردىڭ ٵربىرىنىڭ ەنى التى شىنتاق* ەكەن.
2 كىرەبەرىستىڭ ەنى بولسا ون، ال ەكى جاعىنداعى تىرەكتەرىنىڭ باسقا تۇسىنان ولشەگەندەگى ەنى بەس شىنتاقتى قۇرادى. ول سىرتقى عيباداتحانانىڭ ۇزىندىعىن ولشەپ ەدى، 40 شىنتاق، ال ەنى 20 شىنتاق بولىپ شىقتى.
3 سوسىن ول ىشكە* قاراي ٶتىپ، كىرەبەرىستەگى تىرەكتىڭ ەنىن ولشەپ ەدى، ٴبىر تۇسىنان ەكى، باسقا تۇسىنان جەتى شىنتاق بولدى. ال كىرەبەرىستىڭ ەنى التى شىنتاق ەكەن.
4 سىرتقى عيباداتحانادان كەيىنگى بولمەنىڭ ٸشىن ولشەگەندە، ەنى دە، ۇزىندىعى دا 20 شىنتاق بولدى+. سوسىن ول ماعان: «بۇل — ەڭ قاسيەتتى بولمە+»،— دەدى.
5 وسىدان كەيىن ول عيباداتحانانىڭ قابىرعاسىن ولشەدى، ونىڭ قالىڭدىعى التى شىنتاق، ال اينالاسىنداعى جاناما بولمەلەردىڭ ەنى ٴتورت شىنتاقتان بولدى+.
6 جاناما بولمەلەر ٴبىرىنىڭ ۇستىنە ٴبىرى، ٷش قابات بولىپ ورنالاسىپتى. ٵر قاباتتا 30 بولمەدەن بار ەكەن. جاناما بولمەلەردىڭ ارقالىقتارىنا تىرەك بولۋ ٷشىن عيباداتحانانىڭ قابىرعاسى اينالا كەرتپەشتەلىپ جاسالىپتى. وسىلايشا ارقالىقتار عيباداتحانا قابىرعاسىنا كىرمەي، كەرتپەشتەردىڭ ۇستىندە تۇردى+.
7 عيباداتحانانىڭ ەكى جاعىندا اينالما باسپالداقتار بولدى+. تومەنگى قاباتتان ورتاڭعىعا، ودان جوعارعى قاباتقا كوتەرىلگەن سايىن بولمەلەردىڭ ەنى كەڭەيە بەردى.
8 مەن عيباداتحانانىڭ بيىك تۇعىردىڭ ۇستىندە ورنالاسقانىن كوردىم، تۇعىر عيباداتحانانىڭ بارلىق جاعىنان شىعىڭقى بولىپ كورىنىپ تۇردى. جاناما بولمەلەردىڭ نەگىزى بولىپ تۇرعان وسى تۇعىردىڭ بيىكتىگى ولشەۋىش تاياقتىڭ بار ۇزىندىعىنا، ياعني التى شىنتاققا تەڭ بولدى.
9 بولمەلەردىڭ سىرتقى قابىرعاسىنىڭ قالىڭدىعى بەس شىنتاق ەكەن. تۇعىر عيباداتحاناعا جاناستىرىلا سالىنعان بولمەلەردەن سىرتقا قاراي شىعىپ تۇردى*.
10 قوس قاناتتا ورنالاسقان اس بولمەلەر+ مەن عيباداتحانانىڭ اراسىنداعى كەڭىستىكتىڭ ەنى 20 شىنتاقتان بولدى.
11 عيباداتحانانىڭ وڭتۇستىك جانە سولتۇستىك قاناتىندا جاناما بولمەلەرگە كىرەتىن جەر بار ەكەن. ول تۇعىردىڭ شىعىڭقى جەرى مەن بولمەلەردىڭ اراسىندا بولاتىن. ال شىعىڭقى جەردىڭ ەنى بەس شىنتاق ەدى.
12 عيباداتحانا مەن باسقا عيماراتتاردىڭ اراسىندا اشىق كەڭىستىك بار ەدى، ونىڭ ارعى جاعىندا، ياعني باتىس جاقتا، ٴبىر عيمارات تۇردى. ونى ولشەگەندە، ەنى 70، ۇزىندىعى 90، ال قابىرعاسىنىڭ قالىڭدىعى بەس شىنتاق بولىپ شىقتى.
13 الگى كىسى عيباداتحانانى ولشەگەندە، ۇزىندىعى 100 شىنتاق بولدى. اشىق كەڭىستىكتى جانە عيماراتتى* دۋالدارىمەن قوسا ولشەپ ەدى، ولاردىڭ جالپى ۇزىندىعى دا 100 شىنتاق بولىپ شىقتى.
14 ەكى جاعىنداعى اشىق كەڭىستىكتى قوسا العاندا، عيباداتحانانىڭ شىعىسقا قاراپ تۇرعان الدىڭعى جاعىنىڭ ەنى 100 شىنتاق ەكەن.
15 ول اشىق كەڭىستىكتىڭ ارعى جاعىنداعى عيمارات پەن ەكى جاعىنداعى شاعىن بولمەلەردى ولشەپ ەدى، ۇزىندىعى 100 شىنتاق بولدى.
بۇعان قوسا ول سىرتقى جانە ىشكى عيباداتحانا+ مەن اۋلاعا قاراپ تۇرعان كىرەبەرىس ٴدالىزدى ولشەدى.
16 سونداي-اق وسى ٷش بولمەنىڭ بوساعالارىن، سىرتقا قاراعان جاعى تارلاۋ، ىشكى جاعى كەڭدەۋ تەرەزەلەرى+ مەن دالىزدەرىن ولشەدى. بوساعادان باستاپ قابىرعالار ەدەننەن تەرەزەلەرگە دەيىن اينالا اعاش تاقتايمەن قاپتالىپتى+. تەرەزەلەر دە قاپتالعان ەكەن.
17 كىرەبەرىستىڭ توبە جاعى مەن ىشكى عيباداتحانانىڭ ىشكى جانە سىرتقى قابىرعالارىنىڭ اينالا ٶز ولشەمى بولدى.
18 قابىرعالارعا كەرۋبتەر+ مەن پالما اعاشىنىڭ بەينەلەرى+ ٴتۇسىرىلىپتى. ٵر پالمانىڭ ەكى جاعىندا ٴبىر-ٴبىر كەرۋبتەن تۇردى. كەرۋبتەردىڭ ەكى بەتى بار ەكەن.
19 ٴبىر جاعىنداعى كەرۋب پالماعا ادامدىكىندەي، ال ەكىنشى جاعىنداعى كەرۋب ارىستاندىكىندەي جۇزىمەن قاراپ تۇردى+. عيباداتحانانىڭ بۇكىل قابىرعاسىنا وسىنداي بەينەلەر سالىنعان ەكەن.
20 عيباداتحانانىڭ قابىرعالارىنا كەرۋبتەر مەن پالما اعاشىنىڭ بەينەلەرى ەدەننەن كىرەبەرىستىڭ توبە جاعىنا دەيىن تۇسىرىلگەن ەدى.
21 سىرتقى عيباداتحانانىڭ ەسىگىنىڭ جاقتاۋلارى* ٴتورت بۇرىشتى ەكەن+. قاسيەتتى ورىننىڭ* الدىندا
22 اعاش قۇرباندىق ۇستەلىنە+ ۇقسايتىن بىردەڭە تۇردى. ونىڭ بيىكتىگى ٷش، ۇزىندىعى ەكى شىنتاق ەدى. ال ٴتورت بۇرىشىنداعى تىرەكتەرى، تۇعىرى مەن قابىرعالارى اعاشتان جاسالىپتى. الگى كىسى ماعان: «بۇل — ەحوبانىڭ الدىندا تۇرعان ۇستەل+»،— دەدى.
23 سىرتقى عيباداتحانا مەن قاسيەتتى ورىننىڭ ٴارقايسىسىنىڭ جارما ەسىكتەرى بار ەكەن+.
24 ەسىكتەردىڭ بۇكتەمەلى قوس جارمالارى بولدى.
25 قابىرعالارىنداعى سياقتى، عيباداتحانانىڭ ەسىكتەرىنە دە كەرۋبتەر مەن پالما اعاشىنىڭ بەينەلەرى ويىلىپ سالىنىپتى+. كىرەبەرىس ٴدالىزدىڭ سىرت جاق ماڭدايشاسىندا اعاش ەرنەۋ بولدى.
26 كىرەبەرىس ٴدالىز بەن عيباداتحانانىڭ جاناما بولمەلەرىنىڭ ەكى جاق قابىرعاسىندا جانە عيباداتحانانىڭ ەرنەۋىندە اينالا پالما اعاشىنىڭ بەينەلەرى، سونداي-اق سىرتقا قاراعان جاعى تارلاۋ تەرەزەلەر بولدى+.
سىلتەمەلەر
^ مۇنداعى عيباداتحانا ٴسوزى 41، 42-تاراۋلاردا سىرتقى عيباداتحاناعا (قاسيەتتى بولمەگە) نە بۇكىل عيباداتحانانىڭ وزىنە (قاسيەتتى بولمە مەن ەڭ قاسيەتتى بولمەنى قوسا العانداعى عيباداتحانا عيماراتىنا) نۇسقايدى.
^ مۇندا ۇزىن شىنتاق جايلى ايتىلىپ تۇر. B14 قوسىمشاسىن قاراڭىز.
^ ياعني ىشكى عيباداتحاناعا، نەمەسە ەڭ قاسيەتتى بولمەگە.
^ عيباداتحانانى اينالا ٴبىر اياق جول بولعان بولسا كەرەك.
^ ياعني عيباداتحانانىڭ باتىس جاعىنداعى عيماراتتى.
^ قاسيەتتى بولمەنىڭ ەسىگىنىڭ جاقتاۋلارى جايلى ايتىلىپ تۇرسا كەرەك.
^ ەڭ قاسيەتتى بولمە جونىندە ايتىلىپ تۇرسا كەرەك.
