ەزەكيەل 42:1—20
42 سوسىن ول مەنى سولتۇستىك جاقتاعى سىرتقى اۋلاعا الىپ شىقتى دا+، اشىق كەڭىستىكتىڭ ارعى جاعىندا+، ال ىرگەلەس تۇرعان عيماراتتىڭ سولتۇستىگىندە+ ورنالاسقان اس بولمەلەر كەشەنىنە اپاردى.
2 سولتۇستىكتەگى كىرەبەرىس جاقتان ولشەگەندە كەشەننىڭ ۇزىندىعى 100، ەنى 50 شىنتاق* ەدى.
3 ول ەنى 20 شىنتاق+ ىشكى اۋلا مەن سىرتقى اۋلاداعى تاس توسەلگەن جەردىڭ اراسىندا تۇردى. كەشەن ٴبىر-بىرىنە قاراما-قارسى ورنالاسقان ٵرى ورىنجايلارى بار ٷش قاباتتى ەكى عيماراتتان تۇرادى ەكەن.
4 وسى ەكى عيماراتتىڭ اراسىنان ەنى 10، ۇزىندىعى 100 شىنتاق جول* ٶتىپ جاتتى+. ال بولمەلەردىڭ كىرەبەرىستەرى سولتۇستىككە قاراپ تۇردى.
5 كەشەننىڭ ورىنجايلارى جوعارى قاراي ۇلكەيە تۇسەتىندىكتەن، جوعارعى قاباتتاعى اس بولمەلەر ورتاڭعى جانە تومەندەگى بولمەلەرگە قاراعاندا كىشىرەك بولاتىن.
6 اس بولمەلەر ٷش قاباتتى بولعانمەن، ولاردىڭ سىرتقى جانە ىشكى اۋلاداعى سياقتى باعانالارى جوق ەدى. سوندىقتان جوعارعى قاباتتاعى بولمەلەردىڭ ەدەنى ورتاڭعى جانە تومەنگىلەرىنەن كىشىلەۋ ەدى.
7 عيباداتحانا جاقتاعى اس بولمەلەرگە قارسى تاس دۋال ورنالاسىپتى. ول سىرتقى اۋلا جاقتاعى اس بولمەلەرگە جاناستىرىلا سالىنىپتى. ونىڭ ۇزىندىعى 50 شىنتاق ەدى،
8 سەبەبى سىرتقى اۋلا جاقتاعى اس بولمەلەردىڭ ۇزىندىعى 50 شىنتاق بولاتىن. ال عيباداتحانا جاقتاعىلاردىكى 100 شىنتاقتى قۇرايتىن.
9 سىرتقى اۋلادان اس بولمەلەرگە شىعىس جاقتان كىرۋگە بولاتىن.
10 وڭتۇستىكتە دە اشىق كەڭىستىك پەن عيماراتقا ىرگەلەس اس بولمەلەر كەشەنى بولدى. ونىڭ دا شىعىس جاقتاعى تاس دۋالىنىڭ ٸش جاعىندا اس بولمەلەر بار ەكەن+.
11 سولتۇستىكتەگىدەي، كەشەن عيماراتتارىنىڭ اراسىنان جول ٶتىپ جاتتى+. سونداي-اق اس بولمەلەردىڭ ۇزىندىعى، ەنى، شىعاتىن جەرلەرى مەن قۇرىلىسى دا بىردەي ەدى. كىرەبەرىستەرى دە
12 سولتۇستىكتەگى اس بولمەلەردىكىندەي ەكەن. ال جولدىڭ باسىندا، شىعىس جاقتاعى تاس دۋالدىڭ الدىندا، كىرەتىن جەر بولدى+.
13 الگى كىسى ماعان بىلاي دەدى: «اشىق كەڭىستىكتىڭ سولتۇستىگى مەن وڭتۇستىگىندەگى اس بولمەلەر+ قاسيەتتى. وندا ەحوبانىڭ الدىندا قىزمەت اتقاراتىن ٴدىني قىزمەتكەرلەر ەڭ قاسيەتتى قۇرباندىقتاردان جەيدى+. ولار ەڭ قاسيەتتى قۇرباندىقتاردى، استىق تارتۋلارىن، كۇنا ٷشىن اكەلىنەتىن جانە ايىپ قۇرباندىقتارىن وسى بولمەلەرگە قويادى، ويتكەنى بۇل — قاسيەتتى ورىن+.
14 ولار ىشكە كىرسە، قىزمەت اتقارعاندا كيەتىن كيىمدەرىن+ اۋىستىرمايىنشا، قاسيەتتى ورىننان سىرتقى اۋلاعا شىقپاۋى كەرەك، ويتكەنى بۇل كيىمدەر قاسيەتتى. باسقا ادامداردىڭ جۇرۋىنە بولاتىن جەرلەرگە بارۋ ٷشىن ولار كيىمدەرىن اۋىستىرادى».
15 ىشكى عيباداتحانا ايماعىن ولشەپ بىتكەن سوڭ، ول مەنى شىعىسقا قارايتىن قاقپا عيماراتى ارقىلى الىپ شىعىپ+، بۇكىل اۋماقتى ولشەدى.
16 ول ولشەۋىش تاياعىمەن* شىعىس جاعىن ولشەپ ەدى، ٴبىر شەتىنەن ەكىنشىسىنە دەيىن 500 تاياق بولىپ شىقتى.
17 سولتۇستىك جاعىن ولشەپ ەدى، 500 تاياق بولىپ شىقتى.
18 وڭتۇستىك جاعىن ولشەپ ەدى، 500 تاياق بولىپ شىقتى.
19 سوسىن اينالىپ ٶتىپ، باتىس جاعىن ولشەگەندە، ول دا 500 تاياق بولدى.
20 ول اۋماقتىڭ ٴتورت جاعىن دا ولشەپ شىقتى. اۋماق قاسيەتتى مەن قاسيەتتى ەمەس جەردى ٴبولىپ تۇرۋ ٷشىن+ دۋالمەن قورشالعان ەكەن+. دۋالدىڭ ۇزىندىعى مەن ەنى 500 تاياقتان بولدى+.
سىلتەمەلەر
^ مۇندا ۇزىن شىنتاق جايلى ايتىلىپ تۇر. B14 قوسىمشاسىن قاراڭىز.
^ گرەك سەپتۋاگينتىنە ساي، «ۇزىندىعى 100 شىنتاق جول». ەۆرەي ماتىنىنە ساي، «1 شىنتاق جول». B14 قوسىمشاسىن قاراڭىز.
^ B14 قوسىمشاسىن قاراڭىز.
