ەزەكيەل 46:1—24
46 الەمنىڭ ٵمىرشىسى ەحوبا مىنانى ايتادى: —ىشكى اۋلاعا اپاراتىن شىعىسقا قاراپ تۇرعان قاقپا عيماراتى+ جۇمىس كۇندەرى — التى كۇن بويى+ جابىق تۇرسىن+، ال دەمالىس كۇنى مەن جاڭا تۋعان اي مەيرامى كۇنى اشىق بولۋ كەرەك.
2 باسشى سىرتتان وسى قاقپا عيماراتىنىڭ كىرەبەرىس ٴدالىزى ارقىلى كىرىپ+، جاقتاۋلارىنىڭ جانىنا كەلىپ تۇرسىن. ٴدىني قىزمەتكەرلەر ونىڭ تۇگەل ورتەلەتىن جانە تاتۋلىق قۇرباندىقتارىن ۇسىنۋى كەرەك، ال ول بوساعادا تۇرىپ باس ٴيسىن دە، شىعىپ كەتسىن. ٴبىراق قاقپا عيماراتى كەشكە دەيىن جابىلماسىن.
3 حالىق تا دەمالىس كۇنى مەن جاڭا تۋعان اي مەيرامىندا سول قاقپا عيماراتىنىڭ كىرەبەرىسىندە ەحوباعا تاعزىم ەتسىن+.
4 باسشى دەمالىس كۇنى ەحوباعا ارناپ تۇگەل ورتەلەتىن قۇرباندىققا كەمىستىگى جوق التى ەركەك توقتى، ٴبىر قوشقار ۇسىنسىن+.
5 قوشقارعا قوسا استىق تارتۋى رەتىندە ٴبىر ەفا* ۇن بەرىلسىن، ال توقتىلارعا قوسا نە بەرە السا، سونى بەرسىن. ٵر ەفا ۇنعا قوسا ٴبىر حيننەن* ماي ۇسىنۋ كەرەك+.
6 جاڭا تۋعان اي مەيرامىندا تابىننان كەمىستىگى جوق ٴبىر بۇقا، التى ەركەك توقتى، ٴبىر قوشقار ۇسىنىلسىن. مالداردىڭ ەشقايسىسىنىڭ كەمىستىگى بولماسىن+.
7 باسشى بۇقا مەن قوشقارعا قوسا استىق تارتۋى رەتىندە ٴبىر-ٴبىر ەفادان ۇن ۇسىنسىن، ال توقتىلارعا قوسا نە بەرە السا، سونى بەرسىن. سونداي-اق ول ٵر ەفا ۇنعا قوسا ٴبىر حيننەن ماي بەرۋ كەرەك.
8 باسشى قاقپا عيماراتىنا كىرەبەرىس ٴدالىز ارقىلى كىرىپ، سول ارقىلى شىعۋى ٴتيىس+.
9 ال حالىق مەيرام كەزدەرىندە عيبادات ەتۋ ٷشىن ەحوبانىڭ الدىنا كەلگەندە+، سولتۇستىك قاقپا عيماراتى ارقىلى كىرگەندەرى+ وڭتۇستىك+، ال وڭتۇستىك قاقپا عيماراتى ارقىلى كىرگەندەرى سولتۇستىك قاقپا عيماراتى ارقىلى شىعۋلارى كەرەك. ەشكىمنىڭ كىرگەن قاقپا عيماراتى ارقىلى شىعۋىنا بولمايدى، ولار قارسى تۇرعان قاقپا عيماراتى ارقىلى شىعۋى ٴتيىس.
10 حالىق اراسىنداعى باسشى جۇرتپەن بىرگە كىرىپ، جۇرتپەن بىرگە شىعۋ كەرەك.
11 ول مەيرامداردا جانە مەرەكەلىك كەزەڭدەردە استىق تارتۋى رەتىندە ٴبىر بۇقا مەن ٴبىر قويعا ٴبىر ەفادان ۇن ۇسىنسىن، ال ەركەك توقتىلارعا قوسا نە بەرە السا، سونى بەرسىن. ال ٵر ەفا ۇنعا قوسا ٴبىر حيننەن ماي اكەلەتىن بولسىن+.
12 باسشى ەحوباعا ارنالعان ەرىكتى تارتۋ رەتىندە تۇگەل ورتەلەتىن+ نە تاتۋلىق قۇرباندىعىن ۇسىنسا، وعان شىعىسقا قاراپ تۇرعان قاقپا عيماراتى اشىلۋى كەرەك. ول ٶزىنىڭ تۇگەل ورتەلەتىن جانە تاتۋلىق قۇرباندىعىن دەمالىس كۇنىندەگىدەي+ ۇسىنسىن. باسشى شىققان سوڭ، ونىڭ ارتىنان قاقپا عيماراتىن جاۋىپ قويۋ كەرەك+.
13 كۇن سايىن تاڭەرتەڭ ەحوباعا ارنالعان تۇگەل ورتەلەتىن قۇرباندىق رەتىندە ٴبىر جاستان اسپاعان، ەش كەمىستىگى جوق ەركەك توقتى اكەلىنسىن+.
14 مۇنىمەن قاتار، كۇندە تاڭەرتەڭ استىق تارتۋى رەتىندە ٴبىر ەفا ۇننىڭ التىدان ٴبىر بولىگى ۇسىنىلسىن. بۇعان قوسا، ەحوباعا ارنالعان استىق تارتۋى رەتىندە تاڭداۋلى ۇنعا بۇركيتىن ٴبىر حين مايدىڭ ۇشتەن ٴبىر بولىگى ۇنەمى اكەلىنەتىن بولسىن. بۇل — ماڭگى باقي ورىندالۋى ٴتيىس جارلىق.
15 وسىلايشا كۇن سايىن تاڭەرتەڭ ٴبىر ەركەك توقتى، استىق تارتۋى مەن ماي تۇگەل ورتەلەتىن قۇرباندىق رەتىندە ۇنەمى ۇسىنىلاتىن بولسىن.
16 الەمنىڭ ٵمىرشىسى ەحوبا مىنانى ايتادى: —باسشى ٵر ۇلىنا مۇرالى ۇلەس رەتىندە سي بەرسە، ول سولاردىڭ مەنشىگىنە اينالادى. بۇل — ولاردىڭ مۇرا ەتكەن يەلىگى.
17 ال ەگەر باسشى قىزمەتشىلەرىنىڭ بىرىنە ٶز مۇراسىنان سي بەرسە، ول بوستاندىق جىلىنا+ دەيىن سونىڭ مەنشىگى بولادى دا، سوسىن باسشىنىڭ وزىنە قايتارىلادى. ٶز ۇلدارىنا بەرىلگەن مۇرا عانا ماڭگىلىككە سولاردىڭ مەنشىگى بولادى.
18 باسشى ەشكىمدى يەلىگىندەگى جەردەن قۋىپ جىبەرىپ، مۇرالى ۇلەسىن تارتىپ الماسىن. حالقىمنىڭ ەشبىر ادامى ٶز يەلىگىندەگى جەردەن ايىرىلىپ قالماۋ ٷشىن، ول ۇلدارىنا مۇرانى ٶز مەنشىگىنەن بەرسىن».
19 بۇدان كەيىن ول مەنى قاقپا عيماراتىنىڭ جانىنداعى كىرەتىن جەر+ ارقىلى ٴدىني قىزمەتكەرلەردىڭ سولتۇستىككە قاراپ تۇرعان قاسيەتتى اس بولمەلەرىنە اكەلدى+. قاراسام، ارت جاقتا، باتىسقا قاراي ٴبىر اشىق جەر بار ەكەن.
20 ول ماعان بىلاي دەدى: «سىرتقى اۋلاعا بىردەڭە الىپ شىعىپ، جۇرتقا كيەلىلىك تاراتپاس ٷشىن+، ٴدىني قىزمەتكەرلەر ايىپ جانە كۇنا ٷشىن اكەلىنەتىن قۇرباندىقتاردىڭ ەتىن دە، استىق تارتۋىن دا وسى جەردە پىسىرەدى+».
21 سوسىن ول مەنى سىرتقى اۋلاعا الىپ شىقتى دا، اۋلانىڭ ٴتورت بۇرىشىن ارالاتتى. ٵر بۇرىشتا شاعىن اۋلا بار ەكەن.
22 ولاردىڭ ۇزىندىعى 40، ەنى 30 شىنتاق* ەدى. تورتەۋىنىڭ دە كولەمى بىردەي.
23 شاعىن اۋلالاردىڭ تورتەۋىنىڭ دە ٸش جاعىنا اينالدىرا تاس كەرتپەشتەر قالانىپتى، ال ولاردىڭ استىڭعى جاقتارىندا قۇرباندىق ەتىن پىسىرەتىن جەرلەر سالىنىپتى.
24 بۇدان كەيىن ول ماعان: «وسى ۇيلەردە عيباداتحانا قىزمەتشىلەرى جۇرت اكەلگەن قۇرباندىقتاردىڭ ەتىن پىسىرەدى+»،— دەدى.
سىلتەمەلەر
^ B14 قوسىمشاسىن قاراڭىز.
^ B14 قوسىمشاسىن قاراڭىز.
^ مۇندا ۇزىن شىنتاق جايلى ايتىلىپ تۇر. B14 قوسىمشاسىن قاراڭىز.
