ەزەكيەل 47:1—23
47 بۇدان كەيىن ول مەنى قايتادان عيباداتحانانىڭ كىرەبەرىسىنە+ الىپ كەلدى. قاراسام، عيباداتحانا بوساعاسىنىڭ استىنان شىعىسقا قاراي سۋ اعىپ جاتىر ەكەن+، سەبەبى عيباداتحانا شىعىسقا قاراپ تۇرعان بولاتىن. سۋ عيباداتحانانىڭ وڭ جاعىنان، ال قۇرباندىق وشاعىنىڭ وڭتۇستىگىنەن اعىپ جاتتى.
2 سوسىن ول مەنى سولتۇستىك قاقپا عيماراتى+ ارقىلى الىپ شىقتى دا، سىرت جاقپەن اينالىپ، شىعىسقا قاراعان سىرتقى قاقپا عيماراتىنا اكەلدى+. سۋ قاقپانىڭ وڭ جاعىنان سىزدىقتاپ اعىپ جاتىر ەكەن.
3 الگى كىسى ولشەۋىش ٴجىبىن الىپ+، شىعىسقا قاراي ٴجۇردى دە، 1000 شىنتاق* ولشەدى. سوسىن مەنى سۋدان وتكىزدى، سۋ توبىعىمنان كەلدى.
4 ول ەكىنشى رەت 1000 شىنتاق ولشەپ، سۋدان وتكىزگەندە، سۋ تىزەمنەن كەلدى. سوسىن ول تاعى دا 1000 شىنتاق ولشەپ، سۋدان وتكىزىپ ەدى، سۋ بەلۋاردان ەكەن.
5 ول تاعى 1000 شىنتاق ولشەگەندە، مەن سۋدى كەشىپ وتە المادىم. سەبەبى ەكپىندەپ اققان سۋدىڭ تەرەڭدەپ كەتكەنى سونشا — ونى كەشىپ ەمەس، تەك ٴجۇزىپ وتۋگە بولاتىن.
6 سوندا الگى كىسى ماعان: «ادام ۇلى، سەن مىنانى كوردىڭ بە؟»— دەدى.
بۇدان كەيىن ول مەنى قايتادان وزەن جاعاسىنا ەرتىپ اكەلدى.
7 قايتىپ كەلگەنىمدە، وزەننىڭ ەكى جاعاسىندا كوپ اعاشتىڭ ٶسىپ تۇرعانىن كوردىم+.
8 الگى كىسى ماعان بىلاي دەدى: «مىنا سۋ شىعىس وڭىرىنە قاراي اعىپ، اراباعا+ قۇلديلايدى دا، تەڭىزگە* بارىپ قۇيادى. ول تەڭىزگە بارىپ قۇيعاندا+، تەڭىزدىڭ سۋى تۇشى بولادى*.
9 وزەن* اققان جەردىڭ ٴبارى تىرشىلىك يەلەرىنە تولادى. وزەن كەلىپ قۇياتىندىقتان، سول جەردە بالىق مول بولادى. تەڭىزدىڭ سۋى تۇشىلانادى، ٵرى وزەن سۋى اققان جەردىڭ بارىندە تىرشىلىك پايدا بولادى.
10 بالىقشىلار ەن-گەديدەن+ سوناۋ ەن-ەگلايمگە دەيىن تەڭىزدىڭ جاعاسىندا تۇرادى. سول جەردە اۋلار كەپتىرىلەتىن الاڭ بولادى. ۇلى تەڭىزدەگىدەي*+ بۇل تەڭىزدە دە نەشە ٴتۇرلى بالىق كوپ بولادى.
11 ال باتپاقتارى مەن شالشىقتى جەرلەرى تۇشىلانباي، تۇزدى بولىپ جاتا بەرەدى+.
12 وزەننىڭ ەكى جاعاسىندا دا ٵرتۇرلى جەمىس اعاشتارى وسەدى. ولاردىڭ جاپىراقتارى ەش قۋرامايدى، جەمىستەرى دە تاۋسىلمايدى. اعاشتار اي سايىن جەمىس بەرەدى، ويتكەنى سۋ ولارعا عيباداتحانادان اعىپ كەلەدى+. جەمىستەرى تاماق بولادى، ال جاپىراقتارى ساۋىقتىرادى+.
13 الەمنىڭ ٵمىرشىسى ەحوبا مىنانى ايتادى: —يسرايلدىڭ 12 رۋىنا مۇرا رەتىندە مىنا جەردى ٴبولىپ بەرىڭدەر، ال جۇسىپكە ەكى ۇلەس بەرىلسىن+.
14 سەندەر سول جەردى مۇرا ەتىپ، ٴارقايسىسىڭ بىردەي ۇلەس الاسىڭدار. مەن ونى اتا-بابالارىڭا بەرۋدى ۋادە ەتكەن ەدىم+، ەندى ول مۇرا رەتىندە سەندەرگە ٴتيدى.
15 جەردىڭ سولتۇستىك شەگاراسى مىنا جاقتان وتەدى: ۇلى تەڭىزدەن باستاپ حەتلونعا+ اپاراتىن جول ارقىلى سەدادقا+ قاراي ٶتىپ،
16 حامات+ پەن بەروتاعا+، ودان ٵرى داماسك پەن حامات ايماعىنىڭ اراسىنداعى سيبرايمگە دەيىن، ٵرى قاراي حاۋرانمەن+ شەگارالاس حاسەر-حاتيكونعا دەيىن سوزىلادى.
17 وسىلايشا شەگارا تەڭىزدەن باستاپ حاسار-ەنونعا+، سولتۇستىكتەگى داماسك ايماعىنىڭ شەگاراسىن بويلاپ، حاماتتىڭ شەگاراسىنا قاراي سوزىلادى+. بۇل — سولتۇستىك شەگارا.
18 شىعىس شەگارا حاۋران مەن داماسكىنىڭ اراسىنان باستالىپ عالاقات+ پەن يسرايل جەرىنىڭ اراسىنداعى يورداننىڭ بويىمەن وتەدى. شەگارادان باستاپ شىعىستاعى تەڭىزگە* دەيىنگى اراقاشىقتىق ولشەنسىن. بۇل — شىعىس شەگارا.
19 وڭتۇستىك شەگارا تاماردان باستاپ مەريبات-قادەشتىڭ سۋلارىنا دەيىن+، ودان ٵرى مىسىر وزەن اڭعارىنا، ٵرى قاراي ۇلى تەڭىزگە دەيىن سوزىلادى+. بۇل — وڭتۇستىك شەگارا.
20 باتىس شەگارا ۇلى تەڭىز بولادى. ول وڭتۇستىك شەگارادان لەبو-حاماتقا*+ قارسى جاتقان جەرگە دەيىن سوزىلادى. بۇل — باتىس شەگارا.
21 وسى جەردى يسرايلدىڭ 12 رۋى ٶزارا ٴبولىسىپ السىن.
22 سەندەر بۇل جەردى ارالارىڭا قونىس تەۋىپ، ٷبىرلى-ٴشۇبىرلى بولعان جاتجەرلىكتەرمەن مۇرالى ۇلەس رەتىندە ٴبولىسىپ الۋلارىڭ كەرەك. ولاردى جەرگىلىكتى يسرايلدىك رەتىندە قابىلداڭدار. يسرايل رۋلارىمەن بىرگە ولار دا مۇرالى ۇلەس الادى.
23 جاتجەرلىك كىسى قاي رۋدىڭ جەرىندە قونىستانعان بولسا، وعان سول جەردەن ۇلەس بەرىڭدەر. مۇنى ايتىپ وتىرعان — الەمنىڭ ٵمىرشىسى ەحوبا.
سىلتەمەلەر
^ مۇندا ۇزىن شىنتاق جايلى ايتىلىپ تۇر. B14 قوسىمشاسىن قاراڭىز.
^ ياعني ٶلى تەڭىزگە.
^ سوزبە-ٴسوز «ساۋىعادى».
^ سوزبە-ٴسوز «ەكى وزەن».
^ ياعني جەرورتا تەڭىزى.
^ ياعني ٶلى تەڭىز.
^ نەمەسە «حاماتتىڭ كىرەبەرىسىنە».