ەزەكيەل 48:1—35
48 سولتۇستىك شەگارادان باستاپ اتتارى بويىنشا تىزبەكتەلگەن رۋلار مىنالار: داننىڭ ۇلەسى+ حەتلون جولىنىڭ بويىمەن لەبو-حامات+ پەن حاسار-ەنانعا دەيىن، سوسىن داماسكىنىڭ شەگاراسىن بويلاي سولتۇستىككە، حاماتقا+ قاراي وتەدى. ونىڭ شىعىس جانە باتىس شەگارالارى دا بار.
2 ٵشيردىڭ ۇلەسى+ شىعىستان باتىسقا قاراي دانمەن شەگارالاس جاتىر.
3 ٴنافتاليمنىڭ ۇلەسى+ شىعىستان باتىسقا قاراي اشيرمەن شەگارالاس جاتىر.
4 ماناسانىڭ ۇلەسى+ شىعىستان باتىسقا قاراي نافتاليممەن شەگارالاس جاتىر.
5 ەفرەمنىڭ ۇلەسى شىعىستان باتىسقا قاراي ماناسامەن شەگارالاس جاتىر+.
6 رۋبەننىڭ ۇلەسى شىعىستان باتىسقا قاراي ەفرەممەن شەگارالاس جاتىر+.
7 ياھۋدانىڭ ۇلەسى شىعىستان باتىسقا قاراي رۋبەنمەن شەگارالاس جاتىر+.
8 ياھۋدانىڭ ۇلەسىمەن شىعىستان باتىسقا قاراي شەگارالاسىپ جاتقان جەردى ەنى 25000 شىنتاق* بولاتىنداي ەتىپ ەرەكشە ماقساتقا ارناپ تارتۋ رەتىندە ٴبولىپ قويىڭدار+. ونىڭ ۇزىندىعى وزگە رۋلاردىڭ ۇلەستەرىنىڭ شىعىستان باتىسقا دەيىنگى ۇزىندىعىنا تەڭ بولسىن. ال ونىڭ ورتاسىندا عيباداتحانا ورنالاسادى.
9 ەحوباعا ارناپ ٴبولىنۋى ٴتيىس تارتۋدىڭ ۇزىندىعى 25000، ەنى 10000 شىنتاق بولسىن.
10 بۇل ٴدىني قىزمەتكەرلەرگە ارنالعان كيەلى تارتۋ بولادى+. كيەلى تارتۋدىڭ سولتۇستىگى مەن وڭتۇستىگى 25000، باتىسى مەن شىعىسى 10000 شىنتاقتان بولادى. ال ورتاسىندا ەحوبانىڭ عيباداتحاناسى ورنالاسسىن.
11 ول يسرايلدىكتەر دە، لەۋىلىكتەر دە مەنەن تەرىس اينالىپ كەتكەندە+، مەنىڭ جولىمنان تايماعان ٵرى الدىمدا مىندەتتەرىن اتقارىپ جۇرگەن سادىق ۇلدارىنان شىققان+ قاسيەتتى ٴدىني قىزمەتكەرلەرگە ارنالعان.
12 ولارعا تارتۋ رەتىندە ەرەكشە بولىنگەن جەردەن ۇلەس بەرىلەدى. بۇل ەڭ قاسيەتتى جاي بولادى، ٵرى لەۋىلىكتەردىڭ جەرىمەن شەگارالاس جاتادى.
13 ٴدىني قىزمەتكەرلەردىڭ ۇلەسىنىڭ ىرگەسىنەن لەۋىلىكتەرگە ۇلەس بەرىلەدى. ونىڭ ۇزىندىعى 25000، ەنى 10000 شىنتاق بولادى. (بۇكىل ۇزىندىعى 25000، ەنى 10000 شىنتاق بولۋ كەرەك.)
14 وسى تاڭداۋلى جەردىڭ ەشقايسىسىن ساتۋعا، ايىرباستاۋعا نە وزگەلەرگە بەرۋگە بولمايدى، سەبەبى ول ەحوبا ٷشىن كيەلى بولىپ ەسەپتەلەدى.
15 ەنى 5000، ۇزىندىعى 25000 شىنتاق بولاتىن قالعان جەر جالپى قولدانىسقا+، ياعني ٷي سالىپ، مال جايۋعا بەرىلەدى. قالا وسى جەردىڭ ورتاسىندا ورنالاسۋى كەرەك+.
16 قالانىڭ ولشەمدەرى كەلەسىدەي: سولتۇستىك جانە وڭتۇستىك شەگارالارى 4500 شىنتاقتان، شىعىس جانە باتىس شەگارالارى دا 4500 شىنتاقتان.
17 جايىلىمدارى سولتۇستىك پەن وڭتۇستىككە قاراي 250 شىنتاق، شىعىس پەن باتىسقا قاراي دا 250 شىنتاق بولادى.
18 قالعان جەردىڭ ۇزىندىعى كيەلى تارتۋدىڭ ۇزىندىعىنا تەڭ+، ياعني شىعىسقا جانە باتىسقا قاراي 10000 شىنتاقتان سوزىلىپ جاتىر. بۇل جەر كيەلى تارتۋمەن ىرگەلەس جاتادى، ٵرى ونىڭ ٶنىمى قالا جۇمىسشىلارىن اس-سۋمەن قامتاماسىز ەتۋ ٷشىن قولدانىلادى.
19 ونى يسرايلدىڭ كۇللى رۋلارىنان شىققان قالا جۇمىسشىلارى وڭدەيتىن بولادى+.
20 تولىق تارتۋ — ٵر جاعى 25000 شىنتاقتان تۇراتىن ٴتورتبۇرىشتى جەر. سەندەر ونى قالاعا بەرىلگەن جەرمەن قوسا، كيەلى تارتۋ رەتىندە ٴبولىپ قويۋلارىڭ كەرەك.
21 كيەلى تارتۋ مەن قالاعا بەرىلگەن جەردىڭ ەكى جاعىنان قالعان جەر تەلىمى باسشىنىڭ مەنشىگى بولادى+، ٵرى ول 25000 شىنتاققا سوزىلاتىن تارتۋدىڭ شىعىس پەن باتىس شەگارالارىن بويلاپ جاتادى. وسى ەكى جەر تەلىمى دە باسشىنىكى. ال كيەلى تارتۋ مەن عيباداتحانا سولاردىڭ ورتاسىندا ورنالاسادى.
22 لەۋىلىكتەر مەن قالاعا بەرىلگەن جەر باسشىنىڭ مەنشىگىندەگى جەرلەردىڭ اراسىندا بولادى. ال باسشىنىڭ مەنشىگىنە تيگەن جەر ياھۋدا+ مەن بەنياميننىڭ ۇلەستەرىنىڭ اراسىندا جاتادى.
23 قالعان رۋلاردىڭ ۇلەستەرى مىناداي: بەنياميننىڭ ۇلەسى شىعىستان باتىسقا قاراي سوزىلىپ جاتىر+.
24 شيموننىڭ ۇلەسى شىعىستان باتىسقا قاراي بەنيامينمەن شەگارالاس جاتىر+.
25 يساحار ۇلەسى+ شىعىستان باتىسقا قاراي شيمونمەن شەگارالاس جاتىر.
26 زابۋلوننىڭ ۇلەسى شىعىستان باتىسقا قاراي+ يساحارمەن شەگارالاس جاتىر+.
27 عادتىڭ ۇلەسى شىعىستان باتىسقا قاراي زابۋلونمەن شەگارالاس جاتىر+.
28 عادپەن شەگارالاس جاتقان وڭتۇستىك شەگارا تاماردان+ مەريبات-قادەش سۋلارىنا+، ودان ٵرى مىسىر وزەن اڭعارىنا+، ٵرى قاراي ۇلى تەڭىزگە دەيىن سوزىلادى.
29 سەندەر يسرايل رۋلارىنا مۇرا رەتىندە ٴبولىپ بەرۋلەرىڭ كەرەك جەر — وسى+. ولاردىڭ ۇلەستەرى وسىنداي بولماق+. مۇنى ايتىپ وتىرعان — الەمنىڭ ٵمىرشىسى ەحوبا.
30 قالادان شىعاتىن جەرلەر مىنالار: سولتۇستىك جاعىنداعى قابىرعانىڭ ۇزىندىعى 4500 شىنتاق+.
31 قالا قاقپالارىنىڭ اتاۋلارى يسرايل رۋلارىنىڭ اتتارىنا ساي بولادى. سولتۇستىكتە رۋبەن، ياھۋدا جانە لەۋىگە ارنالعان ٷش قاقپا بولادى.
32 شىعىس جاقتاعى قابىرعانىڭ ۇزىندىعى 4500 شىنتاق. ول جاقتا ٴجۇسىپ، بەنيامين جانە دانعا ارنالعان ٷش قاقپا بولادى.
33 وڭتۇستىك جاقتاعى قابىرعانىڭ ۇزىندىعى 4500 شىنتاق. ول جاقتا شيمون، يساحار جانە زابۋلونعا ارنالعان ٷش قاقپا ورنالاسادى.
34 باتىس جاقتاعى قابىرعانىڭ ۇزىندىعى 4500 شىنتاق. ول جاقتا عاد، اشير جانە نافتاليمگە ارنالعان ٷش قاقپا بولادى.
35 قالانىڭ اينالدىرا ۇزىندىعى 18000 شىنتاقتى قۇرايدى. سول كۇننەن باستاپ بۇل قالا «ەحوبا سول جەردە» دەپ اتالاتىن بولادى+».
سىلتەمەلەر
^ مۇندا ۇزىن شىنتاق جايلى ايتىلىپ تۇر. B14 قوسىمشاسىن قاراڭىز.