ەزەكيەل 6:1—14
6 ەحوبا تاعى دا ماعان ٴسوزىن ارناپ مىنانى ايتتى:
2 «ادام ۇلى، يسرايل تاۋلارىنا قاراپ، ولارعا قارسى پايعامبارلىق ەتىپ،
3 بىلاي دە: —ەي، يسرايل تاۋلارى، الەمنىڭ ٵمىرشىسى ەحوبانىڭ ايتقانىنا قۇلاق تۇرىڭدەر. الەمنىڭ ٵمىرشىسى ەحوبا تاۋ-توبەلەرگە، وزەندەر مەن اڭعارلارعا مىنانى ايتادى: —مەن سەندەرگە سەمسەر جىبەرىپ، عيبادات توبەلەرىڭدى تالقاندايمىن!
4 قۇرباندىق ورىندارىڭ مەن حوش ٴيىستى زاتتار تۇتەتەتىن ۇستەلدەرىڭدى دە قيراتامىن+. ولگەندەردىڭ دەنەلەرىن جەركەنىشتى پۇتتارىڭنىڭ الدىنا لاقتىرىپ تاستايمىن+.
5 يسرايل حالقىنىڭ ولىكتەرىن جەركەنىشتى پۇتتارىنىڭ الدىنا لاقتىرىپ، سۇيەكتەرىن قۇرباندىق ورىندارىنىڭ اينالاسىنا شاشىپ تاستايمىن+.
6 سەندەر تۇرعان جەرلەردىڭ بارىندە قالالار قاڭىراپ بوس قالادى+، عيبادات توبەلەرى دە جەرمەن-جەكسەن بولىپ، تالقاندالادى+. قۇرباندىق ورىندارىڭنىڭ تاس-تالقانى شىعىپ، شاشىلادى، جەركەنىشتى پۇتتارىڭ دا عايىپ بولادى. حوش ٴيىستى زات تۇتەتەتىن ۇستەلدەرىڭ قيرايدى، ٶز قولدارىڭمەن جاساعان نارسەلەرىڭ قۇرىپ كەتەدى.
7 ارالارىڭدا ولىكتەر سۇلاپ جاتادى+. سول كەزدە مەنىڭ ەحوبا ەكەنىمدى بىلەتىن بولاسىڭدار+.
8 ٴبىراق مەن ارالارىڭنان تامتىق قالدىرامىن، ويتكەنى شارتاراپقا بىتىراپ كەتكەندەرىڭدە، حالىقتار اراسىندا كەيبىرىڭ سەمسەردەن امان قالاسىڭدار+.
9 سول امان قالعاندار وزگە حالىقتار اراسىندا تۇتقىندا ٴجۇرىپ، مەنى ەستەرىنە الادى+. ولار جۇرەكتەرى وپاسىز بولىپ، مەنەن تەرىس اينالعاندارىنىڭ+ جانە جەركەنىشتى پۇتتارىنا قۇمارتا قاراعاندارىنىڭ+ ماعان قانشالىقتى اۋىر تيگەنىن تۇسىنەتىن بولادى. سوندا بارلىق زۇلىمدىقتارى مەن جەكسۇرىن قىلىقتارىنان جيرەنىپ، ۇيالادى+.
10 ولار مەنىڭ ەحوبا ەكەنىمدى ٵرى وسىنداي پالەگە ۇشىراتامىن دەپ بەكەر ايتپاعانىمدى بىلەتىن بولادى+.
11 الەمنىڭ ٵمىرشىسى ەحوبا بىلاي دەيدى: —سەن يسرايل ٷيىنىڭ جاساعان بارلىق زۇلىمدىقتارى مەن جەركەنىشتى ىستەرىن جوقتاپ، شاپالاق قاعىپ، جەر تەپكىلە. سەبەبى ولار سەمسەردەن، اشتىق پەن ىندەتتەن قىرىلادى+.
12 الىستاعىلارى ىندەتتەن، جاقىنداعىلارى سەمسەردەن، ال بۇلاردان امان قالعاندارى اشتىقتان ولەدى. وسىلاي مەن ولارعا بار قاھارىمدى توگەمىن+.
13 ولاردىڭ ٶلى دەنەلەرى جەركەنىشتى پۇتتارىنىڭ ٵربىرىن تىنىشتاندىرۋ ٷشىن حوش ٴيىستى زاتتار تۇتەتكەن جەرلەردە — جەركەنىشتى پۇتتارى مەن قۇرباندىق ورىندارىنىڭ اينالاسىندا+، تاۋ-توبەلەردىڭ باسىندا، ٵربىر جايقالعان اعاش پەن ۇلكەن تالدىڭ بۇتاقتارىنىڭ استىندا جاتادى+. سوندا سەندەر مەنىڭ ەحوبا ەكەنىمدى بىلەتىن بولاسىڭدار+.
14 ولارعا قولىمدى سوزىپ، جەرلەرىن قاڭىراتىپ بوس قالدىرامىن، تۇرعان جەرلەرىنىڭ ٴبارى ديبلانىڭ ماڭىنداعى ٴشول دالادان بەتەر جاپان تۇزگە اينالادى. سوندا ولار مەنىڭ ەحوبا ەكەنىمدى بىلەتىن بولادى».
