ەستەر 2:1—23
2 وسى جايتتان كەيىن احاشۆەروشتىڭ+ اشۋى تارقاپ، ٵستيننىڭ نە ىستەگەنىن+ جانە وعان قاتىستى قانداي شەشىم شىعارىلعانىن ەسىنە الدى+.
2 سوندا پاتشانىڭ جەكە قىزمەتشىلەرى بىلاي دەدى: «پاتشا ٷشىن جاس ٵرى سۇلۋ قىزدار ىزدەستىرىلسىن.
3 پاتشا وزىنە باعىنىشتى ايماقتاردىڭ+ بارىندە كىسىلەر تاعايىنداسىن. ولار سۇلۋ جاس قىزداردى سۋزىداعى پاتشا بەكىنىسىنە، ايەلدەر ۇيىنە*، الىپ كەلسىن. قىزدار پاتشانىڭ اتەك قىزمەتشىسى* ٵرى ايەلدەردىڭ قاراۋشىسى حەگايدىڭ قاراۋىنا بەرىلسىن+. سول جەردە ولار يىسمايمەن سىلاپ-سيپالسىن.
4 سولاردىڭ ىشىنەن پاتشاعا ۇناعان قىز ٵستيننىڭ ورنىنا پاتشايىم بولادى+». بۇل ۇسىنىس پاتشانىڭ كوڭىلىنە جاعىپ، ول تاپ سولاي ىستەتتى.
5 سۋزى+ بەكىنىسىندە بەنيامين+ رۋىنان شىققان ماردوحاي+ ەسىمدى ٴبىر ياھۋدي كىسى تۇراتىن. ول جايىردىڭ، جايىر شيمەيدىڭ، ال شيمەي قيشتىڭ ۇرپاعى ەدى.
6 كەزىندە ول بابىل پاتشاسى ناۆۋحودونوسور يەرۋساليمنەن ياھۋدا پاتشاسى ەحونيامەن+ بىرگە جەر اۋدارىپ اكەتكەن حالىقتىڭ اراسىندا بولعان.
7 ماردوحاي اكەسىنىڭ باۋىرىنىڭ قىزى حاداسسانىڭ*، ياعني ەستەردىڭ، قامقورشىسى بولاتىن+، ويتكەنى ونىڭ اكە-شەشەسى جوق ەدى. ەستەر دەنە ٴبىتىمى كەلىسكەن، سۇلۋ قىز بولدى. اكە-شەشەسى قايتىس بولعان سوڭ، ماردوحاي ونى اسىراپ الىپ، ٶز قىزىنداي باعىپ-قاقتى.
8 پاتشانىڭ جارلىعى مەن زاڭى جاريالانعاندا، كوپتەگەن جاس قىزدار سۋزىداعى بەكىنىسكە اكەلىنىپ، حەگايدىڭ قاراماعىنا بەرىلدى+. ەستەر دە پاتشا سارايىنا اكەلىنىپ، ايەلدەردىڭ قاراۋشىسى حەگايدىڭ قولىنا تاپسىرىلدى.
9 ەستەر حەگايعا ۇناپ، ونىڭ ىقىلاسىنا* يە بولدى. سوندىقتان ول بىردەن قىزدى يىسمايمەن سىلاپ-سيپاۋدى+ جانە وعان ارنايى تاعامدار بەرۋدى تاپسىردى. سونداي-اق پاتشانىڭ سارايىنان جەتى قىز تاڭداپ، ونىڭ جانىنا قوسىپ بەردى. ٴسۇيتىپ، ونى قىزمەتشى قىزدارمەن بىرگە ايەلدەر ۇيىندەگى ەڭ جاقسى ورىنعا كوشىردى.
10 ەستەر ٶز حالقى تۋرالى دا+، تۋىستارى جايلى دا ەشكىمگە ٴتىس جارمادى، سەبەبى ماردوحاي+ سولاي دەپ بۇيىرعان ەدى+.
11 ماردوحاي ەستەردىڭ جاعدايىن، ونىمەن نە بولىپ جاتقانىن ٴبىلۋ ٷشىن، كۇن سايىن ايەلدەر ٷيىنىڭ اۋلاسىنىڭ ماڭىندا ٵرى-بەرى جۇرەتىن.
12 ٵربىر قىز ٶز كەزەگىمەن احاشۆەروش پاتشانىڭ الدىنا كىرمەس بۇرىن، وعان ايەلدەرگە ارنالعان 12 ايلىق سىلاپ-سيپاۋ شارالارى جاسالاتىن، ياعني التى اي ٴمۇر+، التى اي بالزام مايى+ مەن باسقا دا ٴيىسمايلار جاعىلاتىن.
13 قىز پاتشانىڭ الدىنا كىرۋگە دايىن بولىپ، ايەلدەر ۇيىنەن پاتشا سارايىنا باراردا، وعان سۇراعان نارسەسى بەرىلەتىن.
14 ول پاتشاعا كەشكىسىن كىرىپ، تاڭەرتەڭ ايەلدەرگە ارنالعان ەكىنشى ۇيگە باراتىن. بۇل ٷي پاتشانىڭ اتەك قىزمەتشىسى ٵرى كانيزاكتاردىڭ قاراۋشىسى شاعاشقازدىڭ قاراماعىندا بولاتىن+. پاتشا قىزدى ەرەكشە ۇناتىپ، اتىن اتاپ شاقىرمايىنشا، ول پاتشانىڭ الدىنا قايتىپ كىرمەيتىن+.
15 ماردوحايدىڭ اعاسى ٵبيحايلدىڭ قىزى، ماردوحاي اسىراپ العان ەستەردىڭ+ پاتشا الدىنا كىرەتىن كەزەگى كەلگەندە، ول پاتشانىڭ اتەك قىزمەتشىسى ٵرى ايەلدەردىڭ قاراۋشىسى حەگايدىڭ ايتقان نارسەلەرىنەن باسقا ەشتەڭە سۇرامادى. (كورگەندەردىڭ ٴبارى ەستەردى ۇناتىپ جاتتى).
16 ەستەر احاشۆەروش پاتشانىڭ سارايىنا ونىڭ بيلىك قۇرۋىنىڭ جەتىنشى جىلىنىڭ+ ونىنشى ايىندا، ياعني تەبەت* ايىندا، اپارىلدى.
17 پاتشا باسقا قىزداردان گورى ەستەردى قاتتى ۇناتتى. ەستەر باسقا قىزدارعا قاراعاندا ونىڭ كوڭىلىنەن شىعىپ، ىقىلاسىنا* بولەندى. سوندىقتان ول ەستەردىڭ باسىنا پاتشايىمنىڭ باسكيىمىن كيگىزىپ، ٵستيننىڭ ورنىنا تاعايىندادى+.
18 سوسىن پاتشا ەستەردىڭ قۇرمەتىنە كۇللى ٵمىرشىسى مەن قىزمەتشىلەرىن شاقىرىپ، ۇلكەن توي جاسادى. ول وزىنە باعىنىشتى ايماقتار بويىنشا قاماۋداعىلاردى بوساتۋدى* جاريالادى، سونداي-اق ٶز بايلىعىنا لايىقتى سي-تارتۋلار ۇلەستىردى.
19 قىزداردى+ ەكىنشى رەت جيناعاندا، ماردوحاي پاتشا سارايىنىڭ قاقپاسىنىڭ الدىندا وتىرعان ەدى.
20 ەستەر، ماردوحاي بۇيىرعانداي، ٶزىنىڭ تۋىستارى جايلى دا، حالقى تۋرالى+ دا ەشكىمگە ايتپادى. ول ماردوحايدىڭ قولىندا تۇرعان كەزدەگىدەي، ونىڭ ايتقانىن بۇلجىتپاي ورىنداي بەردى+.
21 ماردوحاي پاتشا سارايىنىڭ قاقپاسىندا وتىرعان كۇندەرى پاتشانىڭ ەكى ساراي قىزمەتكەرى، بەكتان مەن تەرەش دەگەن قاقپا كۇزەتشىلەرى، پاتشاعا اشۋلانىپ، ونى ٶلتىرۋدى ويلاستىردى.
22 مۇنى ماردوحاي ٴبىلىپ قويىپ، دەرەۋ ەستەر پاتشايىمعا حابارلادى. ال ەستەر بۇل جايتتى ماردوحايدىڭ اتىنان پاتشاعا جەتكىزدى.
23 بۇل ٸس تەكسەرىلىپ، راستىعى انىقتالدى دا، الگى ەكەۋى باعاناعا ٸلىندى. ٴسۇيتىپ، وسى وقيعا پاتشانىڭ كوزىنشە جىلناما كىتابىنا تۇگەل جازىلىپ قويىلدى+.
سىلتەمەلەر
^ نەمەسە «گارەمگە».
^ ەۆرەيدىڭ بۇل ٴسوزى پىشتىرىلگەن ادامعا نۇسقايدى.
^ ماعىناسى «ميرتا گۇلى».
^ نەمەسە «اينىماس سۇيىسپەنشىلىگىنە».
^ B15 قوسىمشاسىن قاراڭىز.
^ نەمەسە «اينىماس سۇيىسپەنشىلىگىنە».
^ نەمەسە «جۇرتتى سالىقتان بوساتۋ». بۇل تىركەستىڭ ناقتى ماعىناسى بەلگىسىز.
