ەستەر 8:1—17
8 سول كۇنى احاشۆەروش پاتشا حاماننىڭ+ بار مەنشىگىن ەستەر پاتشايىمعا بەردى. ەستەر پاتشاعا ماردوحاي وزىنە كىم بولىپ كەلەتىنىن+ ايتقان سوڭ، ماردوحاي ونىڭ الدىنا كەلدى.
2 سوندا پاتشا حاماننان الىپ قويعان ٴمورلى جۇزىگىن شەشىپ+، ماردوحايعا بەردى. ال ەستەر ماردوحايدى حاماننىڭ بار مەنشىگىنىڭ ۇستىنەن قاراۋشى ەتىپ قويدى+.
3 ەستەر قايتادان پاتشامەن سويلەستى. ول پاتشانىڭ اياعىنا جىعىلىپ، ەڭىرەپ جىلاپ، اگاگتىڭ ۇرپاعى حاماننىڭ ياھۋديلەرگە قارسى جاساعان زۇلىمدىعى مەن قۇرعان جوسپارىنىڭ+ بەتىن قايتارۋدى سۇراپ جالبارىندى.
4 پاتشا التىن اساتاياعىن ەستەرگە قاراي سوزدى+، سوندا ول تۇرەگەلىپ، پاتشانىڭ الدىندا تۇردى دا،
5 وعان: «ەگەر پاتشام ماقۇل كورسە، ماعان ىقىلاسى تۇسسە، ٵرى بۇل ٸستى دۇرىس دەپ تاپسا، سونداي-اق كوڭىلىنە جاققان بولسام، اگاگتىڭ+ ۇرپاعى حامەدات ۇلى حاماننىڭ، سول قاسكۇنەمنىڭ، پاتشانىڭ باعىنىشتى ايماقتارىنداعى ياھۋديلەردىڭ كوزىن قۇرتۋ جايلى جازعان قۇجاتتارىنىڭ كۇشىن جوياتىن جارلىق شىعارىلسا ەكەن+.
6 حالقىم اپاتقا ۇشىرايىن دەپ جاتسا، بۇعان قالاي قاراپ تۇرامىن؟ تۋىستارىم قىرىلىپ جاتسا، قالاي شىداپ تۇرامىن؟»— دەدى.
7 احاشۆەروش پاتشا ەستەر پاتشايىم مەن ياھۋدي ماردوحايعا بىلاي دەدى: «مىنە، مەن حاماننىڭ بار مەنشىگىن ەستەرگە بەردىم+، ال ٶزىن ياھۋديلەرگە قاسكۇنەمدىك جاساماق بولعانى ٷشىن بورەنەگە ىلگىزدىم+.
8 ياھۋديلەردىڭ يگىلىگى ٷشىن نەنى دۇرىس دەپ تاپساڭدار، سونى پاتشانىڭ اتىنان جازىپ، پاتشانىڭ ٴمورلى جۇزىگىمەن بەكىتىڭدەر. ويتكەنى پاتشانىڭ اتىمەن جازىلىپ، پاتشانىڭ ٴمورلى جۇزىگىمەن بەكىتىلگەن جارلىقتى وزگەرتۋگە بولمايدى+».
9 وسى ايتىلعانعا ساي، پاتشانىڭ حاتشىلارى ٷشىنشى ايدىڭ، ياعني سيۆان* ايىنىڭ، جيىرما ٷشىنشى كۇنى شاقىرىلدى. ولار ماردوحايدىڭ ياھۋديلەرگە، ساتراپتارعا+، امىرشىلەرگە جانە ٷندىستان مەن ەفيوپياعا دەيىنگى جەردى الىپ جاتقان 127 ايماقتاعى اكىمدەرگە+ بۇيىرعاندارىنىڭ بارلىعىن، ٵربىر ايماققا ٶز قارپىندە، ٵربىر حالىققا ٶز تىلىندە، سونداي-اق ياھۋديلەرگە ٶز قارپى مەن ٶز تىلىندە جازدى.
10 ول بۇنى احاشۆەروش پاتشانىڭ اتىنان جازىپ، پاتشانىڭ ٴمورلى جۇزىگىمەن+ بەكىتتى. ٴسۇيتىپ، جازىلعان قۇجاتتاردى جۇيرىك اتتارعا مىنگەن شابارماندار ارقىلى جان-جاققا جىبەردى. ولاردىڭ مىنگەن اتتارى پاتشا قوراسىنداعى حات-حابار جىبەرۋگە ارنالعان سايگۇلىكتەر ەدى.
11 سول قۇجاتتاردا پاتشا بارلىق قالالارداعى ياھۋديلەرگە باس قوسىپ، ٶز ومىرلەرىن قورعاۋعا جانە وزدەرىنە شابۋىلداعان كەز كەلگەن حالىقتىڭ نە ايماقتىڭ جاساعىن كۇل-تالقان ەتۋگە، ٴتىپتى ايەلدەرى مەن بالا-شاعاسىن قىرىپ-جويۋعا، سونداي-اق دۇنيە-مۇلكىن ولجالاۋعا رۇقسات ەتكەن بولاتىن+.
12 مۇنىڭ ٴبارى احاشۆەروش پاتشاعا باعىنىشتى ايماقتاردىڭ بارىندە ٴبىر كۇندە، ياعني ون ەكىنشى ايدىڭ، ادار* ايىنىڭ، ون ٷشىنشى كۇنى جۇزەگە اسىرىلۋ كەرەك ەدى+.
13 بارلىق ايماقتاردا بۇل قۇجاتتىڭ كوشىرمەسى زاڭ رەتىندە قابىلدانۋى، سونداي-اق ياھۋديلەر جاۋلارىنان ٶش الۋعا دايىن بولۋ ٷشىن، بارشا جۇرتقا جاريالانۋى كەرەك ەدى+.
14 پاتشا قوراسىنداعى حات-حابار جىبەرۋگە ارنالعان سايگۇلىكتەرگە مىنگەن حابارشىلار، پاتشانىڭ بۇيرىعىنا ساي، تەزدەتىپ جان-جاققا اتتانىپ كەتتى. بۇل جارلىق سۋزى+ بەكىنىسىندە دە جاريالاندى.
15 ماردوحاي ۇستىنە كوك جانە اق ماتادان تىگىلگەن پاتشا كيىمىن، باسىنا ۇلكەن التىن ٴتاج كيىپ، كۇلگىن جۇننەن ادەمىلەپ توقىلعان شاپان جامىلىپ+، پاتشانىڭ الدىنان شىقتى. سۋزى قالاسىندا جۇرتتىڭ قۋانىشتى داۋىستارى ەستىلىپ جاتتى.
16 ياھۋديلەر ازاتتىققا جەتىپ، ٴماز-مەيرام بولىپ، سي-قۇرمەتكە بولەندى.
17 پاتشانىڭ جارلىعى ٵرى زاڭى جەتكەن ايماقتار مەن قالالاردىڭ بارىندە ياھۋديلەر شات-شادىمان بولىپ، توي-دۋمان قۇرىپ، مەرەكەلەپ جاتتى. ەلدەگى حالىقتاردىڭ ىشىنەن كوپ ادام ياھۋديلەردىڭ سەنىمىن قابىلدادى+، ويتكەنى ولاردى ياھۋديلەردىڭ الدىندا قورقىنىش بيلەدى.
