ەشۋا 13:1—33
13 ەشۋا جاسى ۇلعايىپ، قارتايدى+. سوندىقتان ەحوبا وعان بىلاي دەدى: «سەن جاسىڭ ۇلعايىپ، قارتايدىڭ، ال يەلەنبەگەن جەرلەرىڭ ٵلى وتە كوپ.
2 يەلىككە الىنباعان جەرلەر مىنالار+: فىلىستىرلەر مەن گەسۋرلىكتەردىڭ كۇللى ايماقتارى+
3 (ياعني مىسىردىڭ شىعىسىنداعى ٴنىل سالاسىنان سولتۇستىكتەگى قاناحاندىقتاردىڭ جەرى+ بولىپ ەسەپتەلەتىن ەكروننىڭ شەگاراسىنا دەيىنگى جەر). سونداي-اق فىلىستىرلەردىڭ بەس بيلەۋشىسىنىڭ+، ياعني گازالىقتار، ازوتتىقتار+، اشكەلوندىقتار+، عاتتىقتار+ مەن ەكروندىقتاردىڭ+ بيلەۋشىلەرىنىڭ جەرى جانە اببالىقتاردىڭ+
4 وڭتۇستىككە قاراي سوزىلاتىن جەرى؛ قاناحاندىقتاردىڭ بۇكىل جەرى، سونداي-اق سيدوندىقتارعا+ تيەسىلى مەعارا، امورلىقتاردىڭ شەگاراسىنداعى افەككە دەيىنگى ايماق،
5 گەبالدىقتاردىڭ+ بۇكىل جەرى، حەرمون تاۋىنىڭ ەتەگىندەگى باعال-عادتان لەبو-حاماتقا+ دەيىنگى شىعىستاعى كۇللى ليۆان جەرى،
6 ليۆاننان+ ميسرەفوت-مايمگە+ دەيىنگى تاۋلى وڭىردە تۇراتىنداردىڭ جانە سيدوندىقتاردىڭ+ كۇللى جەرى. يسرايلدىكتەردىڭ الدىندا ولاردى جەرلەرىنەن ٶزىم قۋىپ شىعامىن+. تەك مەن بۇيىرعانداي، وسى جەرلەردى يسرايلگە مۇرالى يەلىككە بەر+.
7 وسى جەرلەردى توعىز رۋ مەن ماناسا رۋىنىڭ جارتىسىنا مۇرالى يەلىك رەتىندە ٴبولىپ بەر+».
8 ال ماناسا رۋىنىڭ ەكىنشى جارتىسى جانە رۋبەندىكتەر مەن عادتىقتار يورداننىڭ شىعىس جاعىنداعى مۇسا بەرگەن جەردەن ٶز ۇلەستەرىن الىپ قويدى. ەحوبانىڭ قىزمەتشىسى مۇسا ولارعا مىنا جەردى بەردى+:
9 ارنون اڭعارىمەن+ ۇشتاسىپ جاتقان اروگەردەن+ باستاپ اڭعاردىڭ ورتاسىنداعى قالانى، ديبونعا دەيىنگى مەدەبا ٷستىرتىن تۇگەلىمەن،
10 حەشبوندا بيلىك ەتكەن امورلىقتاردىڭ پاتشاسى سيحوننىڭ بارلىق قالالارىمەن قوسا، امموندىقتاردىڭ شەگاراسىنا دەيىنگى جەردى+،
11 سونداي-اق عالاقاتتى، گەسۋرلىكتەر مەن ماعاقاتتىقتاردىڭ ايماعىن+، بۇكىل حەرمون تاۋىن، سالكاعا+ دەيىنگى باشان+ جەرىن تۇگەلىمەن،
12 اشتاروت پەن ەدرەيدە بيلىك ەتكەن باشان پاتشاسى وگتىڭ (ول رەفايمدەردىڭ سوڭعىسى بولعان+) بيلىگىندەگى جەردىڭ بارلىعى. مۇسا وسىلاردىڭ ٴبارىن جەڭىپ، جەرلەرىن جاۋلاپ الدى+.
13 ٴبىراق يسرايلدىكتەر گەسۋرلىكتەر مەن ماعاقاتتىقتاردىڭ جەرلەرىن جاۋلاپ المادى+. ولار ٵلى كۇنگە دەيىن يسرايلدىكتەردىڭ اراسىندا تۇرادى.
14 مۇسا لەۋىلىكتەرگە عانا مۇرالى يەلىك بەرمەدى+. ولاردىڭ يەلىگى يسرايل قۇدايى ەحوبا ۋادە ەتكەندەي+، حالىقتىڭ وعان شالىپ ورتەگەن قۇرباندىقتارى بولماق ەدى+.
15 سوسىن ول رۋبەندىكتەردىڭ اۋلەتتەرىنە مۇرالى يەلىك بەردى.
16 ولاردىڭ ۇلەسىنە ارنون اڭعارىمەن ۇشتاسىپ جاتقان اروگەردەن باستاپ اڭعاردىڭ ورتاسىنداعى قالا، مەدەبا ٷستىرتى تۇگەلىمەن،
17 حەشبون، ونىڭ ۇستىرتتە ورنالاسقان كۇللى قالاشىقتارى+، ديبون، باموت-باعال، بەت-باعال-مەعون+،
18 ياحاس+، كەدەموت+، مەفاعات+،
19 كيرياتايىم، سيبما+، اڭعارداعى تاۋدا ورنالاسقان سەرەت-شاحار،
20 بەت-پەعور، فيزگا جوتالارى+، بەت-ەشيموت+،
21 ۇستىرتتەگى كۇللى قالالار، حەشبوندا+ بيلىك ەتكەن امورلىقتاردىڭ پاتشاسى سيحوننىڭ بارلىق جەرى ٴتيدى. مۇسا پاتشانىڭ ٶزىن جانە مادياننىڭ باسشىلارى ەبي، رەكەم، سۋر، حۇر جانە رەبانى+، سونداي-اق سيحوننىڭ سول جەردە تۇراتىن باسشىلارىن* كۇيرەتتى+.
22 يسرايلدىكتەر سەمسەرمەن ولتىرگەندەردىڭ اراسىندا ساۋەگەي+ بەعور ۇلى بالاعام+ دا بولدى.
23 رۋبەندىكتەردىڭ شەگاراسى يوردانمەن شەكتەستى. قالالارى جانە ەلدى مەكەندەرىمەن قوسا، وسى ايماق رۋبەن رۋىنىڭ اۋلەتتەرىنە مۇرالى يەلىككە بەرىلدى.
24 بۇدان كەيىن مۇسا عاد رۋىنىڭ اۋلەتتەرىنە مۇرالى يەلىك بەردى.
25 ولاردىڭ ۇلەسى مىناۋ بولدى: جازەر+، عالاقاتتىڭ كۇللى قالالارى، امموندىقتار+ جەرىنىڭ رابباعا+ قارسى ورنالاسقان اروگەرگە دەيىنگى جارتىسى،
26 حەشبوننان+ رامات-ميسپا مەن بەتونيمگە دەيىن، ماحانايمنەن+ دەبير شەگاراسىنا دەيىن،
27 اڭعارداعى بەت-حارام، بەت-نيمرا+، سۋقوت+، سافون جانە حەشبون پاتشاسى سيحوننىڭ+ بيلىگىندەگى جەردىڭ قالعان بولىگى. ولاردىڭ جەرىنىڭ شەگاراسى يورداننىڭ شىعىس جاعىمەن سوزىلىپ، كينەرەت تەڭىزىمەن*+ ۇشتاسادى.
28 وسى قالالار مەن ەلدى مەكەندەر عاد رۋىنىڭ اۋلەتتەرىنە مۇرالى يەلىككە بەرىلدى.
29 بۇدان كەيىن مۇسا ماناسا رۋىنىڭ جارتىسىنا اۋلەتتەرى بويىنشا مۇرالى يەلىك بەردى+.
30 ولاردىڭ ۇلەسىنە كەلەسى جەرلەر ٴتيدى: ماحانايمنەن+ باستاپ وگ پاتشانىڭ يەلىگىندە بولعان بۇكىل باشان جەرى، سونداي-اق باشان ايماعىندا ورنالاسقان جايىردىڭ+ شاتىرلى اۋىلدارىنىڭ ٴبارى جانە 60 قالاشىق.
31 ال عالاقاتتىڭ جارتىسى مەن باشانداعى وگ پاتشانىڭ يەلىگىندە بولعان اشتاروت پەن ەدرەي+ قالالارى ماناسادان تۋعان ماحير ۇلدارىنىڭ+ جارتىسىنىڭ اۋلەتتەرىنە بەرىلدى.
32 يەريحوننىڭ شىعىسىندا، يورداننىڭ ارعى جاعىنداعى مواب ٴشول دالاسىندا بولعاندارىندا مۇسا وسى جەرلەردى ولارعا مۇرالى يەلىك رەتىندە بەردى+.
33 ٴبىراق لەۋى رۋىنا مۇسا مۇرالى يەلىك بەرمەدى+. ويتكەنى قۇدايدىڭ ۋادەسىنە ساي، ولاردىڭ مۇرالى يەلىگى يسرايل قۇدايى ەحوبانىڭ ٶزى ەدى+.
سىلتەمەلەر
^ ياعني سيحونعا تاۋەلدى پاتشالاردى.
^ «گەنەسارەت كولى»، «عاليلەيا تەڭىزى» دەپ تە اتالادى.
