ەشۋا 17:1—18
17 ٴجۇسىپتىڭ تۇڭعىشى+ ماناسادان+ تاراعان رۋ ٷشىن، اتاپ ايتقاندا ماناسانىڭ تۇڭعىشى عالاقاتتىڭ اكەسى ماحير+ ٷشىن، جەرەبە+ تاستالدى. ول مايتالمان جاۋىنگەر بولاتىن. ونىڭ ۇلەسىنە عالاقات پەن باشان ٴتيدى+.
2 سوسىن ماناسانىڭ ۇرپاقتارىنىڭ كەلەسى اۋلەتتەرى ٷشىن جەرەبە تاستالدى: ابيەزەر+، حەلەك، اسرەيىل، سيحەم، حەفەر جانە شەميدا. بۇلار ٴجۇسىپ ۇلى ماناسادان تاراعان ۇلداردىڭ اۋلەتتەرى+.
3 ماناسا ۇلى ماحير، ماحير ۇلى عالاقات، عالاقات ۇلى حەفەردىڭ بالاسى سالوپاحادتىڭ+ ۇلدارى بولمادى. ودان ماحلا، نوعا، حوگلا، مىلقا جانە تيرسا دەگەن قىزدار تۋدى.
4 ولار ٴدىني قىزمەتكەر ەلازارعا+، نۇن ۇلى ەشۋا مەن باسشىلارعا كەلىپ: «ەحوبا مۇساعا باۋىرلارىمىزدىڭ اراسىنان بىزگە مۇرالى يەلىك بەرۋدى بۇيىرعان ەدى»+،— دەدى. ٴسۇيتىپ، ەحوبانىڭ بۇيرىعىنا ساي، اكەلەرىنىڭ ەركەك كىندىكتى تۋىسقاندارى قاتارلى ولارعا دا مۇرالى يەلىك بەرىلدى+.
5 ماناسانىڭ ۇلەسىنە عالاقات پەن باشاننان باسقا يورداننىڭ ارعى بەتىنەن 10 تەلىم جەر بەرىلدى+.
6 سەبەبى ماناسا رۋىنىڭ قىزدارى دا باۋىرلارى سياقتى مۇرالى يەلىك الدى. ال ماناسانىڭ قالعان ۇرپاعىنا عالاقات جەرى ٴتيدى.
7 ماناسانىڭ شەگاراسى اشيردەن سيحەمگە+ قارسى جاتقان ميحمەتاتقا+ دەيىن سوزىلادى دا، ەن-تاپۋاح تۇرعىندارىنىڭ جەرىنە قاراي وڭتۇستىككە بۇرىلادى.
8 تاپۋاح جەرى+ ماناسا رۋىنىڭ ۇلەسىنە جاتاتىن، ٴبىراق شەگاراداعى تاپۋاح قالاسى ەفرەمنىڭ ۇرپاقتارىنىڭ ۇلەسىندە ەدى.
9 سوسىن شەگارا وڭتۇستىككە، ياعني بويىندا ماناسا جەرىندەگى ەفرەمگە تيەسىلى قالالار+ ورنالاسقان كانا وزەن اڭعارىنا تۇسەتىن دە، وزەن اڭعارىنىڭ سولتۇستىگىن بويلاي، تەڭىزگە كەلىپ تىرەلەتىن+.
10 وڭتۇستىك جاقتاعى جەر ەفرەمگە، سولتۇستىك جاقتاعىسى ماناساعا تيەسىلى بولاتىن، ال شەگارالارى تەڭىزبەن شەكتەسەتىن+. ماناسا جەرىنىڭ سولتۇستىگى اشير، ال شىعىسى يساحار جەرىمەن شەگارالاس ەدى.
11 يساحار مەن اشير جەرىندە كەلەسى قالالار تۇرعىندارىمەن جانە قاراماعىنداعى قالاشىقتارىمەن ماناساعا بەرىلدى: بەت-شەعان، يبلەعام+، دور+ جانە ەندور+، تاناق+ پەن مەگيددو، ٷش قىرات.
12 ماناسا ۇرپاقتارى بۇل قالالاردى يەلەنە المادى، ٴسۇيتىپ، قاناحاندىقتار سول جەردە ٶمىر سۇرە بەردى+.
13 يسرايلدىكتەر كۇشەيىپ العان سوڭ، قاناحاندىقتاردى وزدەرىنە باسىبايلى قىزمەتشى ەتتى+، ٴبىراق ولاردى جەرلەرىنەن تۇگەلدەي قۋىپ جىبەرمەدى+.
14 ٴجۇسىپتىڭ ۇرپاقتارى ەشۋاعا كەلىپ: «ەحوبا جارىلقاپ وتىرعاندىقتان، ٴبىز ۇلكەن حالىق بولدىق ەمەس پە+؟ وندا نەگە بىزگە ٴبىر-اق ۇلەس+ پەن ٴبىر-اق تەلىم جەر بەردىڭ؟»— دەدى.
15 ەشۋا بىلاي جاۋاپ بەردى: «ۇلكەن حالىق بولىپ، ەفرەمنىڭ تاۋلى ٶڭىرى+ سەندەرگە تارلىق ەتىپ جاتسا، پەرەزدىكتەر+ مەن رەفايمدەردىڭ+ جەرىندەگى ورمانعا كوتەرىلىڭدەر دە، اعاشتارىن شاۋىپ، سول جەردى تازارتىپ، وزدەرىڭە الىڭدار».
16 بۇعان ولار: «تاۋلى ٶڭىر بىزگە تارلىق قىلادى، ال اڭعاردا — بەت-شەعان+ مەن قاراماعىنداعى قالاشىقتاردا، ەزرەحەل اڭعارىندا+ — مەكەندەيتىن بارلىق قاناحاندىقتاردىڭ وراقتى سوعىس اربالارى بار+»،— دەدى.
17 سوندا ەشۋا ٴجۇسىپتىڭ ۇرپاقتارى ەفرەم مەن ماناساعا مىنانى ايتتى: «سەندەر ۇلكەن ٵرى وتە مىقتى حالىقسىڭدار. ۇلەستەرىڭ ٴبىر-اق تەلىم جەرمەن شەكتەلمەۋى كەرەك+.
18 سەندەر تاۋلى ٶڭىردى دە تۇگەلىمەن يەمدەنەسىڭدەر+. بۇل ورماندى جەر بولعانمەن، اعاشتارىن شاۋىپ تازارتىپ الاسىڭدار. ۇلەستەرىڭنىڭ قيىر شەگاراسى وسى بولادى. ال قاناحاندىقتاردى مىقتى ٵرى وراقتى سوعىس اربالارى بار بولعانىنا قاراماي، قۋىپ جىبەرىڭدەر+».
