ەشۋا 18:1—28
18 بۇدان كەيىن كۇللى يسرايلدىكتەر شيلودا+ باس قوسىپ، سول جەرگە كەزدەسۋ شاتىرىن تىكتى+، سەبەبى جەر سولاردىڭ قولىنا ٶتتى+.
2 الايدا يسرايلدىڭ جەتى رۋىنىڭ مۇرالى يەلىكتەرى جەرەبە بويىنشا ٵلى بولىنبەگەن ەدى.
3 سوندىقتان ەشۋا ولارعا بىلاي دەدى: «اتا-بابالارىڭنىڭ قۇدايى ەحوبا وزدەرىڭە بەرگەن جەردى قاشانعا دەيىن يەمدەنبەي جۇرە بەرەسىڭدەر+؟
4 ٵر رۋدان ٷش ادامنان تاڭداپ الىڭدار. ولار جەردى ارالاپ، مۇرالى يەلىكتەرگە ٴبولۋ ٷشىن، ونىڭ سيپاتتاماسىن جاساسىن. سوسىن ماعان قايتىپ كەلسىن.
5 ولار جەردى ٶزارا جەتىگە ٴبولىپ السىن+. ياھۋدا رۋى ٶزىنىڭ وڭتۇستىكتەگى جەرىندە+، ال ٴجۇسىپتىڭ ٷيى سولتۇستىكتەگى ٶز جەرىندە تۇرا بەرسىن+.
6 سەندەر بولساڭدار جەردى جەتىگە ٴبولىپ، سيپاتتاماسىن جاساپ اكەلىڭدەر. مەن قۇدايىمىز ەحوبانىڭ الدىندا سەندەر ٷشىن جەرەبە+ تاستايمىن.
7 ال لەۋىلىكتەرگە ۇلەس بەرىلمەيدى+، ويتكەنى ولاردىڭ مۇرالى يەلىگى — ەحوبانىڭ ٴدىني قىزمەتكەرى بولۋ+. عاد پەن رۋبەن رۋلارىنا جانە ماناسا رۋىنىڭ جارتىسىنا+ بولسا ەحوبانىڭ قىزمەتشىسى مۇسا ۇلەستەرىن يورداننىڭ شىعىس جاعىنان بەرىپ قويعان».
8 سودان الگى كىسىلەر جولعا دايىندالدى. ەشۋا ولارعا مىنانى بۇيىردى: «بارىڭدار دا، جەردى ارالاپ، سيپاتتاماسىن جاساپ اكەلىڭدەر، ال مەن وسىندا، شيلودا+، ەحوبانىڭ الدىندا سەندەر ٷشىن جەرەبە تاستايمىن».
9 ٴسۇيتىپ، ولار جەردى ارالاپ، جەتى بولىككە ٴبولدى دە، ونداعى بارلىق قالالاردىڭ سيپاتتاماسىن كىتاپقا ٴتۇسىردى. سوسىن شيلوداعى قوسقا، ەشۋاعا ورالدى.
10 ەشۋا شيلودا ولار ٷشىن ەحوبانىڭ الدىندا جەرەبە تاستادى+. وسىلايشا يسرايلدىكتەرگە ۇلەستەرىنە قاراي جەردى ٴبولىپ بەردى+.
11 ٴبىرىنشى جەرەبە بەنيامين رۋىنىڭ اۋلەتتەرىنە ٴتۇستى. ولارعا ياھۋدالىقتار+ مەن ٴجۇسىپ ۇرپاقتارىنا+ بەرىلگەن ۇلەستىڭ اراسىندا جاتقان جەر ٴتيدى.
12 ونىڭ سولتۇستىك شەگاراسى يورداننان باستالىپ يەريحوننىڭ+ سولتۇستىك جوتاسىنا كوتەرىلەتىن دە، باتىسقا قاراي تاۋعا ورلەپ، بەت-ابەن قالاسى+ ورنالاسقان ٴشول دالاعا كەلىپ تىرەلەتىن.
13 ٵرى قاراي لۇزعا، ونىڭ وڭتۇستىك جوتاسىنا، ياعني بەتەلگە+ ٶتىپ، تومەنگى بەت-حوروننىڭ+ وڭتۇستىگىندەگى تاۋدا ورنالاسقان اتاروت-ادارعا+ قاراي تۇسەتىن.
14 ال باتىس جاعى وڭتۇستىككە بۇرىلىپ، بەت-حورونعا قارسى جاتقان تاۋدان وڭتۇستىككە قاراي بەتتەيتىن دە، ياھۋدالىقتاردىڭ قالاسى كيريات-باعالعا، ياعني كيريات-ەعاريمگە+ كەلىپ تىرەلەتىن. شەگارانىڭ باتىس جاعى — وسى.
15 ال وڭتۇستىك شەگاراسى كيريات-ەعاريمنىڭ شەتىنەن باستالىپ باتىسقا قاراي وتەتىن دە، نەفتوعاق بۇلاعىنا+ قاراي سوزىلاتىن.
16 سوسىن رەفايمدەر+ اڭعارىنىڭ سولتۇستىگىندە ورنالاسقان ٵرى بەن-حەننوم اڭعارىنا+ قاراپ تۇرعان تاۋدىڭ ەتەگىنە قاراي تۇسەتىن دە، ەبۋستىكتەردىڭ+ وڭتۇستىك جوتاسىمەن ىلديلاپ، بەن-حەننوم اڭعارىنان ٵرى قاراي ەن-روگەلگە+ تۇسەتىن.
17 سول جەردەن سولتۇستىككە قاراي ەن-شەمەش پەن ادۋميم قىرىنىڭ+ الدىندا جاتقان گەليلوتقا بەتتەپ، رۋبەن ۇلى بوحاننىڭ+ تاسىنا+ قاراي تۇسەتىن.
18 ٵرى قاراي ارابانىڭ الدىنداعى سولتۇستىك جوتادان ٶتىپ، اراباعا قاراي ىلديلاي وتىرىپ،
19 بەت-حوگلانىڭ+ سولتۇستىك جوتاسىنان وتەتىن. سودان تۇزدى تەڭىزدىڭ*+ سولتۇستىك شىعاناعىنىڭ تۇسىنداعى يورداننىڭ وڭتۇستىك ساعاسىنا كەلىپ تىرەلەتىن. بۇل وڭتۇستىك شەگاراسى ەدى.
20 ال شىعىس شەگاراسى يوردان بولاتىن. بەنيامين ۇرپاقتارىنىڭ اۋلەتتەرىنە تيگەن مۇرالى يەلىكتىڭ شەگارالارى وسى ەدى.
21 بەنيامين رۋىنا اۋلەتتەرىنە قاراي بەرىلگەن قالالار مىنالار: يەريحون، بەت-حوگلا، ەمەك-كەسيس،
22 بەت-ارابا+، سەمارايم، بەتەل+،
23 اببيم، پارا، وفرا،
24 كەفار-امموني، وپني، گەبا+ — بارلىعى 12 قالا جانە ەلدى مەكەندەر؛
25 گيبەون+، راماق، بەروت،
26 ميسپا، كەفيرا، موسا،
27 رەكەم، يرپەگەل، تارالا،
28 سەلاح+، ەلەف، ەبۋسي، ياعني يەرۋساليم+، گيبەيا+ جانە كيريات — بارلىعى 14 قالا جانە ەلدى مەكەندەر.
بەنيامين ۇرپاقتارىنىڭ اۋلەتتەرىنە تيگەن مۇرالى يەلىك وسى ەدى.
سىلتەمەلەر
^ ياعني ٶلى تەڭىزدىڭ.
