ەشۋا 2:1—24
2 نۇن ۇلى ەشۋا شيتتيمنەن+ ەكى تىڭشى جىبەرىپ: «بارىپ، سول ەلدى، اسىرەسە يەريحون قالاسىن بارلاپ كەلىڭدەر»،— دەپ تاپسىردى. الگى ەكەۋى جولعا شىعىپ، راحاب+ ەسىمدى جەزوكشە ايەلدىڭ ۇيىنە كەلدى دە، سول جەرگە توقتادى.
2 كوپ ۇزاماي يەريحون پاتشاسىنا: «جەرىمىزدى بارلاۋعا بۇگىن تۇندە يسرايلدىك كىسىلەر كەلىپتى»،— دەگەن حابار جەتتى.
3 سوندا پاتشا راحابقا ادامدارىن جىبەرىپ: «ۇيىڭە توقتاعان كىسىلەردى شىعار، سەبەبى ولار بۇكىل جەرىمىزدى بارلاۋ ٷشىن كەلدى»،— دەدى.
4 بۇل كەزدە راحاب الگى ەكەۋىن جاسىرىپ قويعان ەدى. ال پاتشانىڭ ادامدارىنا مىنانى ايتتى: «ۇيىمە ەكى كىسىنىڭ كەلگەنى راس، ٴبىراق مەن ولاردىڭ قايدان ەكەنىن بىلمەپپىن.
5 قاراڭعى ٴتۇسىپ قالا قاقپالارى جابىلاردا ەكەۋى كەتىپ قالدى. قايدا بەت العاندارىنان حابارىم جوق. تەزىرەك سوڭدارىنا تۇسسەڭدەر، قۋىپ جەتەسىڭدەر».
6 (ٶزى بولسا الگىلەردى شاتىرداعى زىعىر اراسىنا جاسىرىپ قويعان ەدى.)
7 پاتشانىڭ ادامدارى يوردان وتكەلىن+ بەتكە الىپ، تىڭشىلاردى قۋا جونەلدى. ولار قالادان شىعا سالىسىمەن، قاقپا دا جابىلدى.
8 تىڭشىلار ۇيىقتاماي تۇرىپ، ايەل شاتىرعا كوتەرىلدى دە،
9 ولارعا بىلاي دەدى: «ەحوبانىڭ وسى جەردى سەندەرگە بەرەتىنىن بىلەمىن+. سەندەردەن قورقىپ+، بۇكىل جۇرتتىڭ زارەسى قالماي وتىر+.
10 مىسىردان شىققاندارىڭدا ەحوبانىڭ قىزىل تەڭىزدىڭ سۋىن قاق جارعانىن+ جانە يورداننىڭ ارعى بەتىندە سەندەردىڭ امورلىق ەكى پاتشا سيحون+ مەن وگتى+ كۇيرەتكەندەرىڭدى ەستىدىك.
11 سوندىقتان زارەمىز ۇشىپ، سەندەرگە تويتارىس بەرۋگە باتىلىمىز بارماي وتىر. ويتكەنى قۇدايلارىڭ ەحوبا — كوك پەن جەردەگى جالعىز قۇداي+.
12 ال ەندى ەحوبانىڭ اتىمەن ماعان انت بەرسەڭدەر ەكەن: مەن سەندەرگە اينىماس سۇيىسپەنشىلىك تانىتقاندىقتان، سەندەر دە اكەمنىڭ ٷي ىشىنە اينىماس سۇيىسپەنشىلىك تانىتىڭدار، ٵرى بۇعان سەنىمدى بولۋىم ٷشىن بەلگى بەرىڭدەر.
13 اكە-شەشەم مەن باۋىرلارىمنىڭ جانە ولاردىڭ ٷي ىشىندەگىلەرىنىڭ جانىن امان الىپ قالىڭدار+».
14 تىڭشىلار وعان: «انتىمىزدان تايساق، جانىمىز امان قالماسىن! ەگەر ٴبىز تۋرالى ەشكىمگە ٴتىس جارماساڭ، ەحوبا بۇل جەردى بىزگە بەرگەندە، ساعان اينىماس سۇيىسپەنشىلىك پەن ادالدىق تانىتامىز»،— دەدى.
15 بۇدان كەيىن راحاب تىڭشىلاردى ارقانمەن تەرەزەدەن ٴتۇسىردى، ويتكەنى ونىڭ ٷيى قالا قابىرعاسىندا ورنالاسقان ەدى+.
16 ول تىڭشىلارعا بىلاي دەدى: «قۋعىنشىلاردىڭ قولىنا ٴتۇسىپ قالماۋ ٷشىن تاۋلى وڭىرگە قاشىپ بارىپ، سول جەردە ٷش كۇن جاسىرىنىڭدار. ولار قالاعا قايتقان سوڭ، جوندەرىڭە كەتەرسىڭدەر».
17 ولار بولسا مىنانى ايتتى: «سەنىڭ الدىڭدا كىنالى بولماۋ ٷشىن ٴبىز انتىمىزدان تايمايمىز+.
18 ٴبىراق وسى ەلگە كەلگەنىمىزدە، ٴبىزدى تۇسىرگەن مىناۋ ال قىزىل ارقان تەرەزەڭدە بايلاۋلى تۇرسىن. اكە-شەشەڭ مەن باۋىرلارىڭ جانە اكەڭنىڭ ٷي ىشىندەگىلەرىنىڭ ٴبارى سەنىڭ ۇيىڭە جينالسىن+.
19 كىمدە-كىم ۇيىڭنەن شىعىپ كەتسە، ونىڭ قانى ٴبىزدىڭ ەمەس، ٶز موينىندا بولادى. ال ۇيىڭدەگى بىرەۋ وپات بولسا، ونىڭ قانى ٴبىزدىڭ موينىمىزدا بولسىن.
20 ال ەگەر سىرىمىزدى اشىپ قويساڭ+، ساعان بەرگەن انتىمىز كۇشىن جويادى».
21 راحاب ولارعا: «ٴبارى دە ايتقاندارىڭداي بولسىن»،— دەپ جاۋاپ بەردى.
ٴسۇيتىپ، ولاردى جونىنە جىبەردى دە، تەرەزەسىنە ال قىزىل ارقاندى بايلاپ قويدى.
22 تىڭشىلار بولسا تاۋلى وڭىرگە بارىپ، قۋعىنشىلار قايتا ورالعانشا، ٷش كۇن سوندا جاسىرىنىپ جاتتى. ال قۋعىنشىلار بارلىق جولداردى شارلاپ شىقتى، ٴبىراق ولاردى تابا المادى.
23 الگى ەكەۋى تاۋلى وڭىردەن ٴتۇسىپ، وزەننەن ٶتتى دە، نۇن ۇلى ەشۋاعا كەلىپ، بولعان جايتتىڭ ٴبارىن ايتىپ بەردى.
24 ولار ەشۋاعا: «ەحوبا سول جەردى تولىعىمەن قولىمىزعا بەردى+. سوندىقتان ونداعى جۇرتتىڭ ٴبارى بىزدەن قورقىپ، زارەلەرى قالماي وتىر+»،— دەدى.
