ەشۋا 3:1—17
-
يسرايلدىڭ يورداننان ٶتۋى (1—17)
3 ەشۋا مەن بۇكىل يسرايلدىكتەر ەرتە تۇرىپ، شيتتيمنەن+ شىعىپ، يوردانعا كەلدى. ولار وزەننەن وتپەس بۇرىن سوندا تۇنەدى.
2 ٷش كۇننەن سوڭ حالىق باسقارۋشىلارى+ قوستى ارالاپ،
3 جۇرتقا بىلاي دەپ بۇيىردى: «قۇدايلارىڭ ەحوبانىڭ كەلىسىم ساندىعى مەن ونى كوتەرىپ كەلە جاتقان لەۋىلىك ٴدىني قىزمەتكەرلەردى+ كورگەن بويدا، ورىندارىڭنان تۇرىپ، سوڭدارىنان ەرىڭدەر.
4 ٴبىراق تىم جاقىنداماي، شامامەن 2000 شىنتاق* اراقاشىقتىق ساقتاڭدار. سوندا قايدا ٴجۇرۋ كەرەكتىگىن ٴبىلىپ وتىراسىڭدار، سەبەبى بۇل جولمەن بۇرىن-سوڭدى جۇرمەگەنسىڭدەر».
5 ەشۋا حالىققا: «دايىن بولىڭدار*+، ويتكەنى ەحوبا ەرتەڭ ارالارىڭدا عاجاپ ىستەر جاساماق+»،— دەدى.
6 سوسىن ٴدىني قىزمەتكەرلەرگە: «كەلىسىم ساندىعىن+ الىپ، حالىقتىڭ الدىندا جۇرىڭدەر»،— دەپ تاپسىردى. ولار ساندىقتى الىپ، حالىقتىڭ الدىنا ٴتۇستى.
7 بۇدان كەيىن ەحوبا ەشۋاعا مىنانى ايتتى: «مۇساعا جار بولعانىمداي+، ساعان دا جار بولاتىنىما كوزدەرى جەتۋ ٷشىن+، بۇگىننەن باستاپ بۇكىل يسرايلدىكتەردىڭ الدىندا مەرەيىڭدى وسىرەمىن+.
8 سەن ٴدىني قىزمەتكەرلەرگە «يورداننىڭ جاعاسىنا جەتىپ، اياقتارىڭ سۋعا تيگەندە، توقتاپ تۇرا قالىڭدار» دەپ بۇيىر+».
9 ەشۋا يسرايلدىكتەرگە: «مۇندا كەلىپ، قۇدايلارىڭ ەحوبانىڭ سوزدەرىن تىڭداڭدار،— دەدى دە،
10 بىلاي دەپ قوستى: —ٴتىرى قۇداي سەندەردىڭ ارالارىڭدا ەكەنىن+ جانە قاناحاندىقتار، حەتتىكتەر، حەۆتىكتەر، پەرەزدىكتەر، گەرگەستىكتەر، امورلىقتار مەن ەبۋستىكتەردى قۇرتىپ جىبەرەتىنىن+ كەلەسى جايتتان بىلەسىڭدەر:
11 مىنە، بۇكىل جەر يەسىنىڭ كەلىسىم ساندىعى يورداننىڭ ارناسىنا سەندەردەن بۇرىن تۇسەدى.
12 وزدەرىڭە يسرايل رۋلارىنان 12 ادام، ٵربىر رۋدان ٴبىر-ٴبىر ادامنان، تاڭداپ الىڭدار+.
13 بۇكىل جەر يەسى ەحوبانىڭ كەلىسىم ساندىعىن اكەلە جاتقان ٴدىني قىزمەتكەرلەردىڭ اياقتارى سۋعا تيە سالىسىمەن، يورداننىڭ اعىپ جاتقان سۋى بوگەت قويىلعانداي توقتاپ قالادى+».
14 سونىمەن حالىق شاتىرلارىن جيىپ، يورداننان ٶتۋ ٷشىن جولعا شىققاندا، كەلىسىم ساندىعىن+ كوتەرگەن ٴدىني قىزمەتكەرلەر ولاردىڭ الدىنا ٴتۇستى.
15 ٴدىني قىزمەتكەرلەر يوردانعا جەتىپ، اياقتارى سۋعا تيگەندە (يوردان بولسا وراق كەزىندە ارناسىنان تاسىپ جاتاتىن+)،
16 اعىپ كەلە جاتقان سۋ شالعايداعى سارەتاننىڭ ماڭىنداعى ادام قالالارىنىڭ تۇسىندا بوگەت قويىلعانداي كىلت توقتادى. ال اراباداعى تۇزدى تەڭىزگە* قۇيىلاتىن سۋ تارتىلىپ قالدى. ٴسۇيتىپ، حالىق يەريحوننىڭ تۇسىنان ارعى بەتكە ٶتتى.
17 ەحوبانىڭ كەلىسىم ساندىعىن كوتەرىپ تۇرعان ٴدىني قىزمەتكەرلەر بۇكىل يسرايل حالقى يورداننان ٶتىپ بولعانشا، وزەننىڭ ورتاسىنداعى قۇرعاعان جەردە+ تاپجىلماي تۇردى+.
سىلتەمەلەر
^ شامامەن 890 مەتر. B14 قوسىمشاسىن قاراڭىز.
^ نەمەسە «كيەلى بولىڭدار».
^ ياعني ٶلى تەڭىزگە.
