ەشۋا 4:1—24
-
ەستەلىك ٷشىن قويىلعان تاستار (1—24)
4 بۇكىل حالىق يورداننان وتكەن سوڭ، ەحوبا ەشۋاعا بىلاي دەدى:
2 «ٵر رۋدان ٴبىر-بىردەن 12 ادام تاڭداپ ال دا+،
3 ولارعا «ٴدىني قىزمەتكەرلەر يورداننىڭ ورتاسىندا تاپجىلماي تۇرعان+ جەردەن 12 تاس الىپ، بۇگىن تۇنەيتىن جەرلەرىڭە اپارىپ قويىڭدار»+ دەپ تاپسىر».
4 سوندا ەشۋا يسرايل رۋلارىنىڭ ٴارقايسىسىنان ٶزى تاعايىنداعان 12 ادامدى شاقىرىپ الىپ،
5 بىلاي دەدى: «ەحوبا قۇدايلارىڭنىڭ ساندىعىنىڭ الدىنا بارىڭدار دا، يورداننىڭ ورتاسىنان يسرايل رۋلارىنىڭ سانىنا قاراي ٴبىر-ٴبىر تاستان الىپ، يىقتارىڭا سالىپ شىعىڭدار.
6 بۇل تاستار قۇدايدىڭ نە ىستەگەنىن ەستەرىڭە سالىپ تۇرسىن. كەلەشەكتە بالالارىڭ: —مىنا تاستار بۇل جەرگە نە ٷشىن قويىلعان؟— دەپ سۇراسا+،
7 بىلاي جاۋاپ بەرىڭدەر: —ەحوبانىڭ كەلىسىم ساندىعىنىڭ الدىندا يورداننىڭ سۋى توقتاپ قالعان ەدى+. بۇلار يسرايل حالقىنا ارقاشان وسىنى ەسكە سالىپ تۇرۋ ٷشىن قويىلدى+».
8 يسرايلدىكتەر ٴبارىن ەشۋا بۇيىرعانداي ىستەدى. ولار ەحوبانىڭ ەشۋاعا بەرگەن نۇسقاۋىنا ساي، يورداننىڭ ورتاسىنان رۋلاردىڭ سانىنا قاراي 12 تاس الىپ شىقتى دا، وزدەرى تۇنەيتىن جەرگە اپارىپ قويدى.
9 ەشۋا تاعى 12 تاس الىپ، ٴدىني قىزمەتكەرلەر يورداننىڭ ورتاسىندا كەلىسىم ساندىعىن كوتەرىپ تۇرعان+ جەرگە اپارىپ قويدى. سول تاستار ٵلى كۇنگە دەيىن سوندا تۇر.
10 كەلىسىم ساندىعىن كوتەرىپ تۇرعان ٴدىني قىزمەتكەرلەر ەحوبانىڭ حالىققا ەشۋا ارقىلى تاپسىرعان سوزدەرى جانە مۇسانىڭ ەشۋاعا بۇيىرعاندارى تۇگەلدەي ىسكە اسپايىنشا، يورداننىڭ ورتاسىندا تۇردى. حالىق بولسا وزەننەن اسىعىس ٶتىپ جاتتى.
11 ٴبارى تۇگەلدەي وتكەن سوڭ، ەحوبانىڭ كەلىسىم ساندىعىن كوتەرىپ تۇرعان ٴدىني قىزمەتكەرلەر دە ولاردىڭ كوز الدىندا وزەننەن ٶتتى+.
12 سونداي-اق رۋبەن، عاد رۋلارى جانە ماناسا رۋىنىڭ جارتىسى دا مۇسا تاپسىرعانداي+، ساپ تۇزەپ وزگە يسرايلدىكتەردىڭ كوز الدىندا ارعى بەتكە ٶتتى+.
13 مۇزداي بولىپ قارۋلانعان، سوعىسۋعا دايىن 40 مىڭعا جۋىق ادام ەحوبانىڭ الدىندا يەريحوننىڭ ٴشول دالاسىنا قاراي ٶتتى.
14 سول كۇنى ەحوبا بۇكىل يسرايلدىڭ الدىندا ەشۋانىڭ مەرەيىن ٶسىردى+. حالىق مۇسانى قالاي قۇرمەتتەسە+، ەشۋانى دا سولاي قۇرمەتتەيتىن بولدى.
15 ەحوبا ەشۋاعا:
16 «كۋالىك ساندىعىن+ كوتەرىپ تۇرعان ٴدىني قىزمەتكەرلەرگە يورداننان شىعۋدى بۇيىر»،— دەدى.
17 سوندا ول ٴدىني قىزمەتكەرلەرگە: «يورداننان شىعىڭدار!»— دەپ بۇيىردى.
18 ەحوبانىڭ كەلىسىم ساندىعىن كوتەرىپ تۇرعان ٴدىني قىزمەتكەرلەر+ جاعاعا شىققاندا، يورداننىڭ سۋى ٶز ارناسىنا ٴتۇسىپ، بۇرىنعىشا كەمەرىنەن اسىپ-تاسىپ اعا جونەلدى+.
19 حالىق ٴبىرىنشى ايدىڭ ونىنشى كۇنى يورداننان شىعىپ، يەريحوننىڭ شىعىسىنداعى عىلعالعا+ كەلىپ قوس تىكتى.
20 ەشۋا يورداننان الىنعان 12 تاستى عىلعالعا قويدىردى+.
21 سوسىن يسرايلدىكتەرگە مىنانى ايتتى: «كەلەشەكتە بالالارىڭ: —مىنا تاستار نەنى بىلدىرەدى؟— دەپ سۇراسا+،
22 بىلاي دەپ تۇسىندىرىڭدەر: —يسرايل حالقى يورداننىڭ قۇرعاق ارناسىمەن ٶتتى+.
23 ويتكەنى قۇدايلارىڭ ەحوبا حالقىن تەڭىزدەن وتكىزۋ ٷشىن قىزىل تەڭىزدىڭ سۋىن قالاي قۇرعاتسا، يورداننىڭ سۋىن دا ەحوبا سولاي قۇرعاتقان ەدى+.
24 ول بۇنى جەر بەتىندەگى بارلىق حالىقتار ەحوبانىڭ قۇدىرەتتى ەكەنىن ٴبىلۋ ٷشىن+ جانە سەندەر ٵردايىم قۇدايلارىڭ ەحوبادان قورقۋلارىڭ ٷشىن ىستەدى».