ەشۋا 9:1—27
9 بۇل جايلى يورداننىڭ باتىس بەتىندەگى+ تاۋلى وڭىردە، شەفەلادا، ۇلى تەڭىزدىڭ* بۇكىل جاعالاۋى+ مەن ليۆانعا دەيىن تۇراتىن حەتتىكتەر، امورلىقتار، قاناحاندىقتار، پەرەزدىكتەر، حەۆتىكتەر مەن ەبۋستىكتەردىڭ+ پاتشالارى ەستىگەندە،
2 ەشۋا مەن يسرايلگە قارسى سوعىسۋ ٷشىن باس قوستى+.
3 ەشۋانىڭ يەريحون مەن گاي قالالارىنا نە ىستەگەنىن+ گيبەون تۇرعىندارى+ دا ەستىدى.
4 سوندا ولار اقىلمەن ارەكەت ەتىپ، بىلاي ىستەدى: ەسەكتەرىنە توزىعى جەتكەن قاپتارعا سالىنعان ازىق پەن تەسىكتەرى جامالعان ەسكى مەستەر ارتىپ الدى؛
5 اياقتارىنا ابدەن توزىپ، جامالعان ساندال، ۇستەرىنە ەسكى-قۇسقى كيىم كيدى. ال ازىق رەتىندە قاتىپ، ۇگىتىلىپ كەتكەن نان الدى.
6 ولار عىلعالداعى يسرايلدىكتەردىڭ قوسىنا كەلىپ+، ەشۋا مەن حالىققا: «بىزبەن كەلىسىم جاساسساڭىزدار ەكەن دەپ، سىزدەرگە شالعاي جەردەن كەلىپ تۇرمىز»،— دەدى.
7 يسرايلدىكتەر حەۆتىكتەرگە+ مىنانى ايتتى: «سەندەر جاقىن ماڭدا تۇراتىن شىعارسىڭدار. وندا قالايشا سەندەرمەن كەلىسىم جاساسامىز+؟»
8 بۇعان ولار: «ٴبىز سىزدەرگە قىزمەت ەتكىمىز كەلەدى»،— دەپ جاۋاپ بەردى.
سوندا ەشۋا: «كىمسىڭدەر؟ قايدان كەلدىڭدەر؟»— دەپ سۇرادى.
9 ولار مىنانى ايتتى: «قىزمەتشىلەرىڭىز قۇدايلارىڭىز ەحوبانىڭ ەسىمىن قۇرمەتتەگەندىكتەن شالعاي جەردەن كەلىپ وتىر+. ٴبىز ونىڭ اتاق-داڭقى تۋرالى جانە مىسىردا نە ىستەگەنىن+،
10 سونداي-اق يورداننىڭ ارعى بەتىندەگى امورلىقتاردىڭ ەكى پاتشاسىنا، حەشبون پاتشاسى سيحون+ مەن اشتاروتتا تۇراتىن باشان پاتشاسى وگقا+، نە ىستەگەنى جايلى ەستىدىك.
11 سوندىقتان اقساقالدارىمىز بەن كۇللى حالقىمىز بىزگە: —ازىق-تۇلىك الىپ، جولعا شىعىڭدار دا، ولارمەن كەزدەسىپ، «سىزدەرگە قىزمەت ەتكىمىز كەلەدى+. بىزبەن كەلىسىم جاساسساڭىزدار ەكەن+» دەڭدەر،— دەپ تاپسىردى.
12 جول جۇرەردە ۇيىمىزدەن مىنا ناندى ىستىق كۇيىندە الىپ شىققان ەدىك، ەندى بولسا قاتىپ، ۇگىتىلىپ كەتتى+.
13 شاراپ قۇيىپ العان مەستەرىمىز جاپ-جاڭا ەدى، ال ەندى، قاراڭىزدارشى، تەسىلىپ قالدى+. ۇزاق جول جۇرگەندىكتەن، ساندالدارىمىز بەن كيىمدەرىمىز دە توزىپ كەتتى».
14 سوندا يسرايلدىكتەر ولاردىڭ ازىقتارىنان كىشكەنە الىپ، تەكسەرىپ كوردى، ٴبىراق ەحوبادان باسشىلىق سۇرامادى+.
15 ەشۋا ولاردى امان قالدىرۋدى ۋادە ەتىپ، بەيبىت ٴبىتىم جاساستى+، قاۋىم باسشىلارى دا انت بەردى+.
16 كەلىسىم جاساسقاندارىنان ٷش كۇن وتكەن سوڭ، يسرايلدىكتەر ولاردىڭ جاقىن ماڭدا، كورشىلەس تۇراتىنىن ەستىدى.
17 ٴسۇيتىپ، جولعا شىعىپ، ٷش كۇننەن كەيىن سولاردىڭ قالالارىنا جەتتى. ولاردىڭ قالالارى گيبەون+، كەفيرا، بەروت پەن كيريات-ەعاريم+ ەكەن.
18 ٴبىراق قاۋىم باسشىلارى يسرايلدىڭ قۇدايى ەحوبانىڭ اتىمەن انت بەرگەندىكتەن+، يسرايلدىكتەر ولارعا تيمەدى. سوندا بۇكىل جاماعات باسشىلارعا كۇڭكىلدەي باستادى.
19 باسشىلار بولسا ولارعا بىلاي دەدى: «ٴبىز يسرايل قۇدايى ەحوبانىڭ الدىندا انت بەردىك، سوندىقتان ولارعا ەش زياندىق جاساي المايمىز.
20 ەندى بىلاي ەتەيىك: انتىمىزدى بۇزىپ، قۇدايدىڭ قاھارىنا قالماس ٷشىن، ولاردى امان الىپ قالايىق+».
21 جۇرتقا تاعى: «ولار امان قالسىن، ٴسۇيتىپ، بۇكىل جاماعاتقا وتىن جيناپ، سۋ تاسيتىن بولسىن»،— دەدى. وسىلايشا باسشىلار گيبەوندىقتارعا بەرگەن ۋادەسىندە تۇردى.
22 ەشۋا گيبەوندىقتاردى شاقىرىپ الىپ، بىلاي دەدى: «ٴبىزدى نەگە الدادىڭدار؟ جاپ-جاقىن تۇراتىندارىڭا قاراماستان، نەگە «شالعاي جەردە تۇرامىز» دەدىڭدەر+؟
23 ەندى سەندەر قارعىس اتقان حالىقسىڭدار+. بۇدان بىلاي قۇل بولىپ، مەنىڭ قۇدايىمنىڭ ۇيىنە ماڭگى باقي وتىن جيناپ، سۋ تاسىپ وتەسىڭدەر».
24 ولاردىڭ جاۋابى مىناۋ بولدى: «قۇدايلارىڭىز ەحوبانىڭ ٶز قىزمەتشىسى مۇساعا وسى جەردى تۇگەلدەي سىزدەرگە بەرۋدى جانە الدارىڭىزدا ونىڭ تۇرعىندارىنىڭ ٴبارىن جويۋدى بۇيىرعانىن بىزدەي قىزمەتشىلەرىڭىز ەستىدى+. سوندىقتان ٶز جانىمىز ٷشىن قاتتى قورىقتىق+. سول سەبەپتى وسىلاي ەتتىك+.
25 ەندى ٴسىزدىڭ بيلىگىڭىزدەمىز، بىزگە نە ىستەسەڭىز دە ٶز ەركىڭىز».
26 ەشۋا وتىنىشتەرىنە ساي، ولاردى يسرايلدىكتەردىڭ قولىنا بەرمەي، امان الىپ قالدى.
27 سول كۇنى ەشۋا ولاردى بۇكىل جاماعات ٷشىن جانە ەحوبا تاڭداعان جەرگە+ ورناتىلعان قۇرباندىق ورنى ٷشىن وتىن جيناپ، سۋ تاسيتىن قىزمەتشى ەتىپ قويدى+. ولار ٵلى كۇنگە دەيىن وسىلاي ەتۋدە+.
سىلتەمەلەر
^ ياعني جەرورتا تەڭىزى.
