ەفەستىكتەرگە 3:1—21
3 سوندىقتان مەن، پاۋىل، باسقا ۇلتتىق سەندەردىڭ يگىلىكتەرىڭ ٷشىن جانە ٴماسىح يسا ٷشىن تۇتقىندا وتىرمىن+...*
2 وزدەرىڭ ەستىگەندەي، قۇدايدىڭ راقىمىن باسقارۋ ٸسى+ سەندەردىڭ يگىلىكتەرىڭ ٷشىن ماعان تاپسىرىلدى
3 جانە الدىندا قىسقاشا جازىپ وتكەنىمدەي، ماعان قاسيەتتى قۇپيا اشىلدى.
4 سونى وقىعاندا، ٴماسىح جايلى قاسيەتتى قۇپيانى+ تۇسىنەتىنىمدى ۇعاسىڭدار.
5 قۇداي بۇل قۇپيانى ٶز رۋحى ارقىلى قاسيەتتى ەلشىلەرى مەن پايعامبارلارىنا قازىر انىق اشىپ وتىرعانىنداي+ وتكەن ۇرپاقتارعا انىق اشپاعان ەدى.
6 بۇل قۇپيانىڭ ٴمانى مىناۋ: ٴماسىح يسامەن بىرلىكتەگى باسقا ۇلتتار دا ماسىحپەن مۇراگەر ٵرى ٴبىر دەنەنىڭ مۇشەسى بولادى+، سونداي-اق ٴبىز سياقتى ىزگى حابار ارقىلى قۇدايدىڭ ۋادەسىنىڭ يگىلىگىن كورەدى.
7 قۇداي ٶز قۇدىرەتىن كورسەتىپ، راقىمىن سي رەتىندە بەرگەنىنىڭ ارقاسىندا مەن وسى قۇپيانىڭ قىزمەتشىسى بولدىم+.
8 بۇل راقىم+ كۇللى قاسيەتتىلەردىڭ اراسىنداعى ەڭ كىشىسىنەن دە كىشى ماعان+ باسقا ۇلتتارعا ٴماسىحتىڭ شەكسىز زور بايلىعى تۋرالى ىزگى حاباردى جاريالاۋىم ٷشىن
9 جانە بارلىعىن جاراتقان قۇداي ەرتە زاماننان وزىندە ساقتاپ كەلگەن قاسيەتتى قۇپيانىڭ+ قالاي باسقارىلىپ جاتقانىن جۇرتقا جەتكىزۋىم ٷشىن كورسەتىلدى.
10 بۇنىڭ سەبەبى — قاۋىم ارقىلى+ كوكتەگى ۇكىمەتتەر مەن بيلىكتەرگە ەندى قۇداي دانالىعىنىڭ ٵر الۋان قىرىنىڭ اشىلۋى+.
11 بۇل ونىڭ يەمىز ٴماسىح يساعا قاتىستى ويلاستىرعان ماڭگىلىك نيەتىنە ساي كەلەدى+.
12 ٴماسىحتىڭ ارقاسىندا وسىلاي ەركىن سويلەي الامىز، ٵرى وعان سەنگەندىكتەن، قۇدايعا سەنىمدىلىكپەن جاقىنداۋعا جول اشىلدى+.
13 سوندىقتان وزدەرىڭ ٷشىن كورىپ جاتقان ازاپتارىما بولا جىگەرلەرىڭدى جاسىتپاۋلارىڭدى وتىنەمىن، ويتكەنى بۇل سەندەردى ماداققا بولەيدى+.
14 سول سەبەپتى مەن تىزە بۇگىپ، اكەنىڭ الدىندا،
15 ال كوك پەن جەردەگى ٵربىر وتباسى ٶز ەسىمى ٷشىن سوعان بورىشتى،
16 مىنانى سۇرايمىن: ول ٶزىنىڭ كول-كوسىر ۇلىلىعىنا ساي، رۋحى ارقىلى قۇدىرەتىمەن جان دۇنيەلەرىڭدى نىعايتسا ەكەن+،
17 ارالارىڭداعى سۇيىسپەنشىلىكپەن قاتار، سەنىمدەرىڭ ارقىلى ٴماسىح جۇرەكتەرىڭنەن ورىن السا+ ەكەن جانە سەنىمگە تەرەڭ تامىر جايىپ+، نەگىزدەرىڭدە بەرىك تۇرساڭدار ەكەن+.
18 سوندا كۇللى قاسيەتتىلەرمەن بىرگە شىندىقتىڭ ۇزىندىعى مەن ەنىن، بيىكتىگى مەن تەرەڭدىگىن تولىق ۇعا الاسىڭدار
19 جانە بويلارىڭا قۇدايدىڭ قاسيەتتەرى تولىقتاي دارۋ ٷشىن، بىلىمنەن الدەقايدا جوعارى ٴماسىحتىڭ سۇيىسپەنشىلىگىن+ تانىپ-بىلەسىڭدەر.
20 بويىمىزدا ارەكەت ەتىپ جاتقان كۇشى+ ارقىلى قۇداي ٴبىز سۇراعان نە ويلاعان نارسەلەردىڭ بارىنەن الدەقايدا كوپ نارسە ىستەي الادى+.
21 ول قاۋىم ارقىلى جانە ٴماسىح يسا ارقىلى ۇرپاقتان ۇرپاققا ماڭگى باقي داڭقتالا بەرسىن! اۋمين.
سىلتەمەلەر
^ ۇزىلگەن وي 14-تارماقتا جالعاساتىن بولۋ كەرەك.