ەلشىلەردىڭ ىستەرى 27:1—44
27 ٴبىزدى يتالياعا جىبەرۋدى شەشكەن سوڭ+، ولار پاۋىل مەن بىرنەشە تۇتقىندى اۆگۋست جاساعىنىڭ يۋلي ەسىمدى ٴجۇزباسىنا تاپسىردى.
2 ٴبىز ازيا* ايماعىن جاعالاي جۇزەتىن ادراميتيدەن كەلگەن كەمەگە وتىرىپ، جولعا شىقتىق. بىزبەن بىرگە سالونيكادان كەلگەن ماكەدوندىق ارىستارق+ بولدى.
3 كەلەسى كۇنى سيدونعا توقتادىق. يۋلي ادامگەرشىلىك تانىتىپ، پاۋىلعا دوستارىنا بارىپ، ولاردىڭ كومەگىنە جۇگىنۋىنە رۇقسات ەتتى.
4 سول جەردەن شىققاندا، بىزگە قارسى جەل سوعىپ، كيپر ارالىنىڭ ىق جاعىمەن جۇزدىك.
5 اشىق تەڭىزبەن جۇزە وتىرىپ، كيليكيا مەن پامفيليانى بويلاي وتتىك تە، ليكياداعى ميرا قالاسىنىڭ كەمەجايىنا توقتادىق.
6 سول جەردە ٴجۇزباسى الەكساندريادان يتالياعا ٴجۇزىپ بارا جاتقان كەمەنى تاۋىپ، ٴبىزدى سوعان وتىرعىزدى.
7 جەل قارسى سوققاندىقتان باياۋ جۇزە وتىرىپ، كوپ كۇننەن كەيىن كنيدكە ارەڭ جەتتىك. سودان سالموننىڭ ماڭىمەن، كريت ارالىن ىقتاپ جۇزدىك.
8 جاعالاۋمەن جۇزە وتىرىپ، زورعا دەگەندە لاسەيا قالاسىنىڭ ماڭىنداعى جايلى كەمەجاي دەگەن جەرگە كەلدىك.
9 ٴبىرتالاي ۋاقىت ارتتا قالىپ، ٴتىپتى كۇنانى وتەيتىن كۇنگى ورازا+ دا ٶتىپ بارا جاتقاندىقتان، كەمەمەن ٴجۇزۋ قاۋىپتى ەدى. سوندا پاۋىل ولاردى ەسكەرتىپ،
10 بىلاي دەدى: «ەر-ازاماتتار، بۇل ساپار جۇك پەن كەمەنى زور شىعىنعا ۇشىراتىپ قانا قويماي، جانىمىزعا دا ۇلكەن قاتەر ٴتوندىرىپ تۇرعانىن ٴبىلىپ تۇرمىن».
11 الايدا ٴجۇزباسى پاۋىلدىڭ ايتقاندارىنا ەمەس، كەمەنىڭ يەسى مەن جۇرگىزۋشىسىنە قۇلاق استى.
12 كەمەجاي قىستاۋعا ىڭعايسىز بولعاندىقتان، كوپشىلىگى سول ارادان ٴجۇزىپ كەتىپ، قىستاۋ ٷشىن فەنيكسكە جەتۋگە ارەكەت ەتىپ كورۋدى ۇسىندى. كريتتەگى بۇل كەمەجاي سولتۇستىك-شىعىس پەن وڭتۇستىك-شىعىس باعىتتارىنا اشىق جاتاتىن.
13 وڭتۇستىكتەن سامال جەل سوعا باستاعاندا، ماقساتىمىزعا جەتەمىز دەپ ويلاعان ولار زاكىردى كوتەرىپ، كريتتى جاعالاي ٴجۇزىپ كەتتى.
14 الايدا كوپ ۇزاماي ەۋراكيلون* دەپ اتالاتىن داۋىل كوتەرىلىپ،
15 كەمەنى سۇيرەي جونەلدى. داۋىلعا قارسى جۇزە الماعاندىقتان، كەمەنى سونىڭ ىرقىنا تاپسىرىپ، كەتە باردىق.
16 كاۋدا دەگەن كىشكەنتاي ارالدىڭ ىق جاعىمەن جۇزسەك تە، كەمەنىڭ ارتىنداعى قايىقتى* زورعا يگەرىپ،
17 كوتەرىپ شىعاردىق. سوسىن تەڭىزشىلەر كەمە قيراپ قالماسىن دەپ، سىرتىنان ارقانمەن بايلادى. سيرتتە* قايراڭعا تۇرىپ قالۋدان قورىققاندىقتان، ارقانداردى بوساتىپ، باستى جەلكەندى ٴتۇسىردى. ٴسۇيتىپ، كەمە داۋىلدىڭ ىرقىمەن ايدالىپ كەتە بەردى.
18 داۋىل كەمەنى ٵرلى-بەرلى تىنباي لاقتىرعاندىقتان، كەلەسى كۇنى ولار جۇكتەردى تەڭىزگە تاستاپ، ونى جەڭىلدەتە باستادى.
19 ال ٷشىنشى كۇنى كەمە جابدىقتارىن ٶز قولدارىمەن لاقتىردى.
20 كوپ كۇننەن بەرى كۇن دە، جۇلدىزدار دا كورىنبەي، داۋىل دا تولاستاماعاندىقتان، اقىرىندا، امان قالۋعا دەگەن ٷمىتىمىز سونە باستادى.
21 كەمەدەگىلەر كوپ ۋاقىتتان بەرى ٴنار تاتپادى، سوندىقتان پاۋىل ورتالارىندا تۇرىپ بىلاي دەدى: «ەر-ازاماتتار، ەگەر مەنىڭ كەڭەسىمدى تىڭداپ، تەڭىزگە شىقپاي، كريتتە قالا بەرگەنىمىزدە، وسىنداي قيىندىققا كەزىگىپ، شىعىنعا ۇشىراماس ەدىڭدەر+.
22 ايتسە دە مويىماڭدار، سەبەبى ەشبىر جان ولمەيدى، تەك كەمە عانا قۇريدى.
23 ٶزىم قاسيەتتى قىزمەت اتقارىپ، سونىڭ مەنشىگىمىن دەپ جۇرگەن قۇدايىمنىڭ پەرىشتەسى وسى ٴتۇنى جانىمدا پايدا بولىپ+:
24 —قورىقپا، پاۋىل. سەن يمپەراتوردىڭ الدىندا تۇرۋىڭ قاجەت+. قۇداي جانىڭداعىلاردىڭ دا ٶمىرىن ساقتاپ قالادى،— دەدى.
25 سوندىقتان مويىماڭدار، ويتكەنى مەن قۇداي قالاي ايتسا، ٴدال سولاي بولاتىنىنا سەنەمىن.
26 الايدا ٴبىر ارالدىڭ ماڭىندا كەمەمىز اپاتقا ۇشىرايدى+».
27 ادريا تەڭىزىندە* شايقالىپ جۇرگەنىمىزگە 14 كۇن بولعاندا، ٴتۇن ورتاسىندا كەمەدەگى تەڭىزشىلەر قانداي دا ٴبىر قۇرلىققا جاقىنداپ قالعانىمىزدى سەزدى.
28 ٴسۇيتىپ، سۋدىڭ تەرەڭدىگىن ولشەپ، 36 مەتردەي* ەكەنىن انىقتادى. سالدەن كەيىن تاعى دا ولشەگەندە، 27 مەتردەي* بولىپ شىقتى.
29 جارتاسقا سوعىلارمىز دەپ قورىققان ولار كەمەنىڭ ارت جاعىنان ٴتورت زاكىر تاستاپ، تاڭنىڭ اتۋىن كۇتتى.
30 الايدا قاشۋعا ارەكەتتەنگەن ولار كەمەنىڭ تۇمسىق جاعىنان زاكىرلەردى تاستاپ جاتقانداي بولىپ قايىقتى تۇسىرگەندە،
31 پاۋىل ٴجۇزباسى مەن ساربازدارعا: «مىنا كىسىلەر كەمەدەن قاشىپ كەتسە، سەندەر قۇتقارىلا المايسىڭدار»،— دەدى+.
32 سوندا ساربازدار ارقانداردى كەسىپ، قايىقتى سۋعا اعىزىپ جىبەردى.
33 تاڭ اتار الدىندا پاۋىل بارلىعىن تاماقتانۋعا شاقىرىپ: «قۇتقارىلاتىن كەزدى مازاسىزدانا كۇتىپ، اس-سۋسىز جۇرگەندەرىڭە بۇگىن 14 كۇن بولدى.
34 سوندىقتان ٶز ساۋلىقتارىڭ ٷشىن تاماقتانىپ العاندارىڭ دۇرىس. ەشقايسىسىڭنىڭ ٴبىر تال شاشىڭ دا تۇسپەيدى»،— دەدى.
35 وسىنى ايتقان سوڭ، قولىنا نان الىپ، بارلىعىنىڭ الدىندا قۇدايعا ريزاشىلىق ٴبىلدىردى. سودان نان ٷزىپ، جەي باستادى.
36 ٴسۇيتىپ، ٴبارى دە باتىلدانىپ، اس-سۋدان الا باستادى.
37 كەمەدە بارلىعى 276 جان بولدىق.
38 تويىپ العان سوڭ، ولار كەمەنى جەڭىلدەتۋ ٷشىن بيدايدى سۋعا لاقتىردى+.
39 تاڭ اتقاندا ولار كەلگەن جەرلەرىن تانىمادى+. ٴبىراق جاعاسى قۇمدى شىعاناقتى كورىپ، مۇمكىن بولسا، كەمەنى سوندا توقتاتۋدى ۇيعاردى.
40 ٴسۇيتىپ، زاكىرلەردى كەسىپ، تەڭىزگە تاستادى دا، كەمەنى باعىتتايتىن ەسكەكتەردىڭ ارقاندارىن بوساتتى. الدىڭعى جەلكەندى كوتەرگەن سوڭ، جاعاعا قاراي بەت الدى.
41 الايدا كەمە جان-جاعىنان تولقىندار سوققىلاعان تاياز جەرگە تاپ بولىپ، قايراڭعا وتىرىپ قالدى. تۇمسىعى قۇمعا كىرىپ كەتىپ، جىلجىماي قالدى دا، ارتقى جاعىن تولقىندار سوققىلاپ، قيراتا باستادى+.
42 سوندا ساربازدار تۇتقىندار سۋعا سەكىرىپ، قاشىپ كەتەر دەپ، ولاردى ولتىرمەك بولدى.
43 ٴبىراق پاۋىلدى امان-ەسەن جەتكىزگىسى كەلگەن ٴجۇزباسى ولارعا تيىم سالدى. سوسىن جۇزە الاتىندارعا تەڭىزگە سەكىرىپ، جاعاعا ٴبىرىنشى بولىپ جەتۋدى،
44 ال قالعاندارىنا تاقتايلار مەن كەمەدەگى قانداي دا ٴبىر زاتتارعا جارماسىپ، ارتتارىنان بارۋدى بۇيىردى. ٴسۇيتىپ، بارلىعى دا جاعاعا امان-ەسەن جەتتى+.
سىلتەمەلەر
^ «ازيا» دەپ ريم يمپەرياسىنىڭ پروۆينسياسى جونىندە ايتىلىپ تۇر.
^ ياعني سولتۇستىك-شىعىس داۋىلى.
^ قۇتقارىلۋعا ارنالعان قوسىمشا قايىق.
^ تۇسىندىرمەنى قاراڭىز.
^ ادريا تەڭىزىنىڭ قۇرامىنا قازىرگى ادريا مەن يون تەڭىزدەرى جانە جەرورتا تەڭىزىنىڭ كريت پەن سيسيليا ارالىعىندا جاتقان بولىگى كىرگەن.
^ نەمەسە «20 فاتوم». B14 قوسىمشاسىن قاراڭىز.
^ نەمەسە «15 فاتوم». B14 قوسىمشاسىن قاراڭىز.