ەلشىلەردىڭ ىستەرى 28:1—31
28 جاعاعا امان-ەسەن جەتكەن سوڭ، ارالدىڭ اتى مالتا+ ەكەنىن بىلدىك.
2 وزگە تىلدە سويلەيتىن جەرگىلىكتى تۇرعىندار بىزگە زور ادامگەرشىلىك تانىتتى. جاڭبىر جاۋىپ، كۇن سۋىپ كەتكەندىكتەن، ولار وت جاعىپ، ٴبارىمىزدى مەيىرىمدىلىكپەن قابىل الدى.
3 پاۋىل ٴبىر قۇشاق اعاش جيناپ اكەلىپ، وتقا قويعاندا، اراسىنان ىستىقتان قاشقان ۋلى جىلان شىعا كەلىپ، قولىنا جابىستى.
4 ارالدىڭ تۇرعىندارى ونىڭ قولىندا سالاڭداپ تۇرعان ۋلى جىلاندى كورىپ، ٴبىر-بىرىنە: «بۇل ادام — شىنىمەن دە كىسى ٶلتىرۋشى. ول تەڭىزدەن امان قالعانمەن، ادىلدىك* ونىڭ ٴتىرى جۇرۋىنە جول بەرمەدى»،— دەستى.
5 الايدا پاۋىل جىلاندى وتقا لاقتىرىپ جىبەرىپ، ٶزى ەش زيان شەكپەدى.
6 ولار بولسا دەنەسى ٸسىپ كەتەدى نە كەنەتتەن مەرت بولادى دەپ كۇتكەن ەدى. ۇزاق ۋاقىت وتكەننەن كەيىن دە پاۋىلدىڭ ەش زيان شەكپەگەنىن كورگەن ولار ويلارىن وزگەرتىپ، ونى قۇداي دەي باستادى.
7 سول ماڭدا پۋبلي ەسىمدى ارال بيلەۋشىسىنىڭ مەنشىكتى جەرلەرى بار ەدى. ول ٴبىزدى قۇشاق جايا قارسى الىپ، ٷش كۇن بويى قوناقجايلىلىق تانىتتى.
8 ال ٴپۋبليدىڭ اكەسىنىڭ ىستىعى كوتەرىلىپ، ٸشى ٶتىپ، توسەك تارتىپ جاتقان بولاتىن. پاۋىل وعان بارىپ، دۇعا ەتتى دە، ۇستىنە قولىن قويىپ، ساۋىقتىرىپ جىبەردى+.
9 وسىدان كەيىن وعان ارالداعى باسقا دا ناۋقاستار كەلىپ، ايىعىپ جاتتى+.
10 ولار بىزگە كوپ سي ۇسىنىپ، قۇرمەت كورسەتتى. سونداي-اق جولعا شىعاردا قاجەتتىنىڭ بارىمەن قامتاماسىز ەتتى.
11 ٷش ايدان كەيىن تۇمسىعىندا «زەۆس ۇلدارى» دەگەن تاڭباسى بار كەمەمەن تەڭىزگە شىقتىق. الەكساندريادان كەلگەن بۇل كەمە وسى ارالدا قىستاعان بولاتىن.
12 ٴبىز سيراكۋزداعى كەمەجايعا توقتاپ، سوندا ٷش كۇن بولدىق.
13 سونان سوڭ ول جەردى بويلاي ٶتىپ، رەگيگە كەلدىك. ەرتەسىنە وڭتۇستىكتەن جەل سوقتى، اراعا تاعى ٴبىر كۇن سالىپ، پۋتەولعا جەتتىك.
14 پۋتەولدا باۋىرلاستاردى تاپتىق، ولار جەتى كۇنگە قالۋىمىزدى ٶتىندى. سوسىن ريمگە جول تارتتىق.
15 كەلە جاتقانىمىزدى ەستىگەن ريمدەگى باۋىرلاستار ٷش قوناقۇي مەن اپپي بازارىنا دەيىن كەلىپ، ٴبىزدى قارسى الدى. پاۋىل ولاردى كورگەندە، قۇدايعا ريزاشىلىق ٴبىلدىرىپ، جىگەرلەنىپ قالدى+.
16 اقىرىندا، ريمگە كەلىپ جەتتىك. پاۋىلعا ونى كۇزەتەتىن ساربازبەن بىرگە جالعا الىنعان ۇيدە تۇرۋعا رۇقسات بەرىلدى.
17 ٷش كۇن وتكەن سوڭ، ول ياھۋدي جەتەكشىلەرىن شاقىرىپ الدى. ولار جينالعاندا، پاۋىل بىلاي دەدى: «اعايىندار، حالىققا دا، اتا-بابامىزدىڭ ادەت-عۇرپىنا دا قارسى ەشتەڭە ىستەمەسەم دە+، مەنى يەرۋساليمدە تۇتقىنداپ، ريمدىكتەردىڭ قولىنا ۇستاپ بەردى+.
18 بۇلار بولسا مەنى تەرگەپ+، ولىمگە كەسەتىندەي ەش سەبەپ تاپپاعان سوڭ، بوساتىپ جىبەرگىلەرى كەلدى+.
19 الايدا ياھۋديلەر نارازىلىق بىلدىرگەندىكتەن، يمپەراتوردىڭ سوتىن تالاپ ەتۋگە ٴماجبۇر بولدىم+. ٴبىراق مۇنىمەن ٶز حالقىمدى ايىپتايىن دەگەن جوقپىن.
20 مەنى يسرايلدىڭ ٷمىتى ٷشىن وسىلاي شىنجىرمەن بۇعاۋلاعاندىقتان، سىزدەرمەن جولىعىپ سويلەسۋدى سۇرادىم+».
21 سوندا ولار بىلاي دەدى: «ٴبىز ياھۋدەيادان سەن تۋرالى ەشقانداي حات العان جوقپىز، سول جاقتان كەلگەن اعايىنداردىڭ ەشقايسىسى دا سەن جايلى جامان حابار ايتقان ەمەس.
22 ٴبىز وسى سەكتانىڭ+ بارلىق جەردە جاماناتتى ەكەنىن بىلسەك تە+، سەنىڭ پىكىرىڭدى تىڭداعانىمىز دۇرىس دەپ ويلادىق».
23 ولار كەزدەسەتىن كۇندى بەلگىلەپ، ونىڭ تۇرىپ جاتقان جەرىنە العاشقىسىنان دا كوپ بولىپ كەلدى. پاۋىل ولاردى يساعا سەندىرۋ ٷشىن+، مۇسا زاڭى+ مەن پايعامبارلار+ جازبالارىن قولدانا وتىرىپ، قۇداي پاتشالىعى تۋرالى ەرتەدەن كەشكە دەيىن تۇبەگەيلى كۋالىك بەردى. وسىلايشا ماسەلەنىڭ ٴمان-جايىن ٴتۇسىندىردى.
24 كەيبىرەۋى ايتىلعاندارعا سەنسە، وزگەلەرى سەنبەدى.
25 سودان ولار ٶزارا كەلىسە الماي تاراي باستاعاندا، پاۋىل بىلاي دەدى:
«كيەلى رۋح اتا-بابالارىڭىزعا يشايا پايعامبار ارقىلى كەلەسى سوزدەردى ٴدال ايتقان:
26 —مىنا حالىققا بارىپ، بىلاي دە: «ەستيسىڭدەر، ٴبىراق ەشتەڭە ۇقپايسىڭدار. قارايسىڭدار، ٴبىراق كورمەيسىڭدەر+.
27 ويتكەنى بۇل حالىقتىڭ جۇرەگى سەزىمسىز بولىپ قالعان؛ قۇلاقتارىمەن ەستىسە دە، جاۋاپ بەرمەيدى؛ ولار كوزدەرىن جۇمىپ العان. سەبەبى كوزدەرىمەن كورگىلەرى، قۇلاقتارىمەن ەستىگىلەرى، جۇرەكتەرىمەن ٴمانىن ۇققىلارى جانە تەرىس جولدان قايتقىلارى كەلمەيدى. مەن دە ولاردى ساۋىقتىرمايمىن+».
28 سوندىقتان مىنانى بىلىڭىزدەر: قۇدايدىڭ ادامزاتتى قۇتقارۋى جونىندەگى بۇل حابار وزگە ۇلتتارعا جاريالانىپ جاتىر+. ولاردىڭ بۇعان قۇلاق اسارى ٴسوزسىز+».
29 *——
30 جالداعان ۇيىندە+ ول تولىق ەكى جىل تۇرىپ، كەلگەندەردىڭ بارلىعىن جىلى قارسى الدى.
31 ولارعا باتىلدىقپەن+ ٵرى ەش بوگەتسىز قۇداي پاتشالىعى تۋرالى ۋاعىزداپ، يەمىز يسا ٴماسىح جايلى ٴتالىم بەردى.
سىلتەمەلەر
^ گرەكشە ديكە. بۇل ٴسوز ادىلدىكتىڭ ايەل تاڭىرىنە نە جالپى ادىلدىككە نۇسقاسا كەرەك.
^ بۇل ٷزىندى گرەك تىلىندەگى كونە قولجازبالاردىڭ كەيبىرىندە كەزدەسپەيدى. A3 قوسىمشاسىن قاراڭىز.