ەۆرەيلەرگە 9:1—28
9 بۇرىنعى كەلىسىمنىڭ قاسيەتتى قىزمەتكە جانە جەردەگى قاسيەتتى ورىنعا+ قاتىستى ارنايى ەرەجەلەرى بولعان.
2 قۇرىلعان شاتىردىڭ «قاسيەتتى ورىن»+ دەپ اتالاتىن ٴبىرىنشى بولمەسىندە شامدال+، ۇستەل، نان تارتۋى تۇراتىن+.
3 ال شىمىلدىقتىڭ+ ارعى جاعىندا «ەڭ قاسيەتتى» دەپ اتالاتىن بولمە بولاتىن+.
4 ول جەردە حوش ٴيىستى زات تۇتەتەتىن التىن ىدىس+، التىنمەن قاپتالعان+ كەلىسىم ساندىعى+ تۇراتىن. ال ساندىقتىڭ ىشىندە ماننا+ سالىنعان التىن ىدىس، حاروننىڭ ٴبۇر جارعان تاياعى+ مەن كەلىسىم تاقتاشالارى+ جاتاتىن.
5 ساندىقتىڭ ۇستىندە سالتاناتتى كەرۋبتەر* بار ەدى، ولاردىڭ كولەڭكەسى تاتۋلاستىرۋ قاقپاعىنا ٴتۇسىپ تۇراتىن+. ٴبىراق قازىر بۇلار تۋرالى ەگجەي-تەگجەيلى ايتىپ جاتۋدىڭ قاجەتى جوق.
6 بارلىعى وسىلاي ورنالاستىرىلعان سوڭ، ٴدىني قىزمەتكەرلەر ٵردايىم شاتىردىڭ الدىڭعى بولمەسىنە كىرىپ، قاسيەتتى قىزمەتتەرىن اتقاراتىن+.
7 ال ەكىنشى بولمەگە تەك باس ٴدىني قىزمەتكەر جىلىنا ٴبىر رەت كىرەتىن+. ول ٶزىنىڭ كۇنالارى+ مەن حالىقتىڭ بىلمەستىكپەن جاساعان كۇنالارى ٷشىن قان الىپ+ كىرۋگە ٴتيىس ەدى+.
8 مىنە، وسىلاي كيەلى رۋح مىنانى كورسەتىپ وتىر: ٴبىرىنشى شاتىر باردا، قاسيەتتى ورىنعا ٵلى جول جابىق+.
9 بۇل شاتىر — قازىر بولىپ جاتقان جايتتاردىڭ بەينەسى+، ٵرى وسى شاراعا ساي ٵلى دە سي-تارتۋلار مەن قۇرباندىقتار ۇسىنىلۋدا+. الايدا بۇلار قۇدايعا قىزمەت ەتىپ جۇرگەندەردىڭ ار-ۇجدانىن تۇپكىلىكتى تازارتا المايدى+.
10 بۇلار تەك ٸشىپ-جەۋ، ٴتۇرلى تازارۋ راسىمدەرىن*+ جاساۋمەن بايلانىستى. وسى زاڭ ەرەجەلەرى تانگە قاتىستى ەدى+، ٵرى ٴبارىن تۇزەتەتىن ۋاقىتقا دەيىن كۇشىندە بولعان.
11 ال ٴماسىح باتالارعا جەتكىزەتىن باس ٴدىني قىزمەتكەر رەتىندە كەلىپ، ادام قولىمەن جاسالماعان، ياعني جەردەگى جاراتىلىس ەمەس، اناعۇرلىم ۇلى ٵرى الدەقايدا جاقسى شاتىرعا كىردى.
12 ول قاسيەتتى ورىنعا ەشكىلەر مەن جاس بۇقالاردىڭ ەمەس، ٶز قانىن ٴبىرجولا الىپ كىردى+، وسىلاي ٴبىزدى ماڭگىلىككە ازات ەتتى+.
13 ەشكىلەر مەن بۇقالاردىڭ قانى+ جانە ورتەلگەن تانانىڭ سەبىلگەن كۇلى ارامدالعان ادامدى تازارتاتىن بولسا+،
14 ٴماسىحتىڭ قانى بۇدان الدەقايدا ارتىق ەمەس پە+؟! ماڭگىلىك رۋحتىڭ اسەرىمەن ول ٶزىن قۇدايعا ەش كىرشىكسىز قۇرباندىق رەتىندە ۇسىندى. ٴبىز ٴتىرى قۇدايعا قاسيەتتى قىزمەت اتقارۋىمىز ٷشىن+، ونىڭ قانى ار-ۇجدانىمىزدى ٶلى ىستەردەن تازارتتى+.
15 سوندىقتان شاقىرىلعاندار ماڭگى مۇراعا قاتىستى ۋادەنى الۋ ٷشىن+، ٴماسىح جاڭا كەلىسىمنىڭ كەلىستىرۋشىسى بولدى+. مۇنىڭ ٴبارى ولار بۇرىنعى كەلىسىمنىڭ تۇسىندا جاساعان كۇنالارىنان ازات بولۋى ٷشىن، ونىڭ ولگەنىنىڭ ارقاسىندا مۇمكىن بولدى+.
16 قۇدايمەن كەلىسىم جاسالعاندا، كەلىسىم جاساسقان ادام ٶلۋى قاجەت.
17 ويتكەنى كەلىسىم ادامنىڭ ولىمىنەن* كەيىن كۇشىنە ەنەدى، ال ونى جاساسقان ادام ٴتىرى جۇرگەندە كۇشى بولمايدى.
18 سوندىقتان بۇرىنعى كەلىسىم دە قانمەن بەكىتىلىپ، كۇشىنە ەندى.
19 مۇسا كۇللى حالىققا زاڭنىڭ بارلىق وسيەتىن وقىعاننان كەيىن، جاس بۇقالار مەن ەشكىلەردىڭ قانىن الىپ، سۋ قوسقان. سوسىن وعان سايساعىز ٴشوبىنىڭ ساباعىنا بايلانعان ال قىزىل ٴجۇندى مالىپ الىپ، كەلىسىم كىتابىنا جانە بۇكىل حالىققا بۇركىپ:
20 «بۇل — قۇداي سەندەرگە ۇستانۋدى بۇيىرعان كەلىسىم قانى»+،— دەگەن.
21 ٴدال سولاي ول شاتىرعا دا، قاسيەتتى قىزمەتتە قولدانىلاتىن ىدىستارعا دا قان بۇركىگەن+.
22 ٴيا، زاڭ بويىنشا ٴبارى دەرلىك قانمەن تازارتىلادى+. قان توگىلمەي، كۇنا كەشىرىلمەيدى+.
23 سوندىقتان كوكتەگىنىڭ كوشىرمەسى+ قۇرباندىق مالىنىڭ قانىمەن تازارتىلۋى كەرەك ەدى+. ال كوكتەگى نارسەلەر بولسا الدەقايدا جاقسى قۇرباندىقتاردىڭ قانىمەن تازارتۋدى تالاپ ەتەدى.
24 سەبەبى ٴماسىح شىنايى قاسيەتتى ورىننىڭ كوشىرمەسى+ بولعان ادام قولىمەن جاسالعان قاسيەتتى ورىنعا ەمەس+، ٴبىزدىڭ يگىلىگىمىز ٷشىن+ قازىر قۇداي الدىندا تۇرۋ ٷشىن، كوكتىڭ وزىنە ەندى+.
25 ول مۇنى ٶزىن قايتا-قايتا قۇربان ەتۋ، ياعني باس ٴدىني قىزمەتكەر سياقتى جىل سايىن+ قاسيەتتى ورىنعا مالدىڭ قانىن الىپ كىرۋ ٷشىن ىستەگەن جوق.
26 ايتپەسە دۇنيەنىڭ نەگىزى قالانعاننان* بەرى ونىڭ كوپ رەت ازاپ شەگۋىنە تۋرا كەلەر ەدى. ٴبىراق ول قازىر، وسى زاماننىڭ* اقىرىندا، قۇرباندىعى ارقىلى كۇنانى جوق قىلۋ ٷشىن ٴبىر رەت كەلدى+.
27 ادامدار ٴبىر رەت ٶلىپ، سوسىن سوتتالاتىنىنداي،
28 ٴماسىح تە كوپتەگەن ادامنىڭ كۇناسىن موينىنا الۋ ٷشىن ٶزىن ٴبىر رەت قۇربان ەتتى+. ول ەكىنشى رەت كەلگەندە، كۇنادان ارىلتۋ ٷشىن ەمەس، ٶزىن اسىعا كۇتىپ جۇرگەندەردى قۇتقارۋ ٷشىن كەلەدى+.
سىلتەمەلەر
^ تۇسىندىرمەنى قاراڭىز.
^ سوزبە-ٴسوز «ٴتۇرلى شومىلدىرۋ راسىمدەرىن».
^ بۇل مالدىڭ ٶلىمى بولۋى دا مۇمكىن.
^ بۇل ادام اتا مەن حاۋا انانىڭ بالالارى تۋىلعان كەزگە نۇسقايدى.
^ تۇسىندىرمەنى قاراڭىز.
