ماسىحشىلىك ٶمىرىمىز
جاستار، «يگى ىستەرگە ىنتالى» بولىڭدار
ەلشى پاۋىل رۋحتىڭ جەتەلەۋىمەن جازعان حاتىندا جاس جىگىتتەرگە، ونىڭ ىشىندە تيت تە بار، «بارلىق جاعىنان يگى ىستەرمەن ۇلگى كورسەتۋ» كەرەكتىگىن ايتقان (تت 2:6، 7). ارتىنان وسى تاراۋدا ول ەحوبانىڭ حالقى «يگى ىستەرگە ىنتالى» بولۋ ٷشىن تازارتىلعانىن ايتتى (تت 2:14). سول يگى ىستەردىڭ ٴبىرى — قۇداي پاتشالىعى جايلى ۋاعىزداۋ مەن ٴتالىم بەرۋ. ەگەر دە سەن جاس بولساڭ، جاستىق كۇش-قايراتىڭدى قوسالقى نە تۇراقتى ٸزاشار بولىپ قىزمەت ەتۋگە جۇمساي الاسىڭ با؟ (ن.س 20:29).
ٸزاشار بولىپ قىزمەت ەتكىڭ كەلسە، الدىمەن وسى ماقساتقا جەتەتىندەي جوسپار قۇر (لق 14:28—30). مىسالى، تولىق ۋاقىتتى قىزمەت كەزىندە ٶزىڭدى قالاي قارجىلاي قامتاماسىز ەتەسىڭ؟ ساعات نورماسىن قالاي ورىندايسىڭ؟ ٴمان-جايدىڭ ٴبارىن ەحوباعا ايتىپ، كومەك سۇرا (زب 37:5). قۇرعان جوسپارىڭا قاتىستى اتا-اناڭمەن جانە جەتىستىكتەرگە جەتكەن ىزاشارلارمەن كەڭەس. سوسىن ماقساتىڭا جەتۋ ٷشىن ارەكەت جاسا. ەحوبا سەنىڭ زور تالپىنىسىڭدى مىندەتتى تۇردە جارىلقايدى!
«جاستار ەحوبانى داڭقتاۋدا» دەگەن بەينەروليكتى كورگەن سوڭ، تومەندەگى سۇراقتارعا جاۋاپ بەرىڭدەر:
-
كەيبىر جاستارعا ٸزاشار بولۋعا نە كەدەرگى ەتكەن جانە ولار مۇنى قالاي جەڭدى؟
-
اتا-انالار بالالارىنا تۇراقتى ٸزاشار بولۋعا قالاي كومەكتەسسە بولادى؟
-
نەلىكتەن ۋاعىزعا ارنالعان كەستە قۇرۋدىڭ ماڭىزى زور؟
-
قاۋىمداعى باۋىرلاستار قالاي ىزاشاردىڭ جىگەرىن قايراپ، قول ۇشىن بەرە الادى؟
-
ٸزاشارلار قانداي باتالارعا كەنەلەدى؟
ٸزاشار بولۋ ٷشىن مەن نە ىستەۋىم قاجەت؟
