ماسىحشىلىك ٶمىرىمىز
ۋاعىزداۋ شەبەرلىگىن شىڭداي تۇسەيىك. بەيىمدەلگىش بولۋ
بۇل نەلىكتەن ماڭىزدى؟ مايلانعاندار مەن باسقا قويلار بارلىق ادامدى «ٶمىر سۋىن تەگىن» الۋعا شاقىرادى (ايان 22:17). بۇل بەينەلى سۋ ادامزاتتى كۇنا مەن ولىمنەن ازات ەتەتىن ەحوبانىڭ بارلىق شارالارىن بىلدىرەدى. ادەت-عۇرىپتارى مەن ٴدىني نانىمدارى ٵرتۇرلى ادامدارعا كومەكتەسۋ ٷشىن، «ماڭگىلىك ىزگى حاباردى» جەكە ٵرقايسىسىنا قىزىقتى بولاتىنداي جاريالاۋ كەرەك (ايان 14:6).
بۇل ٷشىن نە ىستەۋ كەرەك؟
-
ٴسىز تۇراتىن ايماقتاعى ادامداردىڭ جۇرەكتەرىنە جول تاباتىن تاقىرىپ پەن تارماقتى تاڭداڭىز. وسى ۋاقىتقا دەيىن جاقسى ناتيجە اكەلگەن پىكىرلەسۋ ۇلگىسىن يا باسقا دا ۇسىنىستاردى تاڭدايتىن شىعارسىز. قانداي تاقىرىپتار مەن تارماقتار ٶتىمدى؟ حالىقتى ەلەڭ ەتكىزگەن قانداي سوڭعى جاڭالىقتار بار؟ ەر ادامدارعا نە قىزىق بولار ەدى؟ ال ايەلدەر قاۋىمىنا شە؟
-
سويلەسكەندە ٴسىز تۇراتىن ايماققا ٴتان امانداسۋ ادەبى مەن سالت-داستۇردى ەسكەرىڭىز (ق2ح 6:3، 4).
-
قىزىعۋشىلىق تانىتقاندارعا «ٴتالىم بەرۋ قۇرالدارىنداعى» ادەبيەتتەر مەن ۆيدەولاردى كورسەتۋ ٷشىن ولارمەن ٶزىڭىز تانىس بولىڭىز.
-
ايماعىڭىزداعى ادامدار سويلەيتىن تىلدەردەگى ادەبيەتتەر مەن بەينەروليكتەردى الدىن الا جۇكتەپ الىڭىز.
-
ايتاتىن تاقىرىبىڭىزدى ۋچاسكەدەگى ادامداردىڭ قاجەتىنە ساي وزگەرتىڭىز (ق1ح 9:19—23). مىسالى، ٷي يەسىنىڭ جاقىندا بىرەۋى قايتىس بولعانىن بىلسەڭىز، وعان نە ايتار ەدىڭىز؟
بەينەروليكتى كورىپ بولعان سوڭ، كەلەسى سۇراقتارعا جاۋاپ بەرىڭىز:
-
جاريالاۋشى ٷي يەسىمەن قانداي تاقىرىپتا سويلەسە باستادى؟
-
ٷي يەسىندە قانداي جاعداي بولدى؟
-
بۇل جاعدايدا قاي جازبا ورنى ەڭ ۇتىمدىسى بولدى جانە نەگە؟
-
ۇسىنىسىڭىز ادامدارعا قىزىقتى بولۋ ٷشىن ونى قالاي بەيىمدەپ ٴجۇرسىز؟