ماسىحشىلىك ٶمىرىمىز
وتباسى باقىتىنا ٶز ۇلەسىڭىزدى قوسىڭىز
ەحوبا وتباسىلاردىڭ باقىتتى بولعانىن قالايدى (زب 127:3—5؛ ۋع 9:9؛ 11:9). الايدا وسى دۇنيەدەگى سترەستى جاعدايلار، وتباسىندا بىرەۋدىڭ جاساعان قاتەلىكتەرى وتباسىن قۋانىشتان ايىرىپ جاتادى. سوعان قاراماستان وتباسىنىڭ باقىتتى بولۋىنا ٷي ىشىندەگىلەردىڭ ٴبارى ٶز ۇلەسىن قوسا الادى. قالايشا؟
وتباسىندا كۇيەۋى ايەلىنە قۇرمەت كورسەتەدى (پت1ح 3:7). ونىمەن بىرگە ۋاقىت وتكىزەدى. ودان تىم كوپ نارسە تالاپ ەتپەيدى. ونىڭ وتباسى قامى ٷشىن جاساعان ىستەرىن باعالايتىنىن كورسەتەدى (قل 3:15). وعان ماحابباتىن ٴبىلدىرىپ، ونى ماقتاپ وتىرادى (ن.س 31:28، 31).
ايەل كۇيەۋىن قولداۋدىڭ مۇمكىندىگىن ىزدەيدى (ن.س 31:12). ول كۇيەۋىنە باعىنادى جانە ونىمەن بىرىگىپ ارەكەت ەتەدى (قل 3:18). كۇيەۋىمەن سويلەسكەندە دە، ول تۋرالى باسقالارعا ايتقاندا دا، مەيىرىممەن سويلەيدى (ن.س 31:26).
اتا-انالار بالالارىنا ۋاقىتتارىن بولەدى (م5ج 6:6، 7). ولاردى جاقسى كورەتىندەرىن ايتىپ وتىرادى (مت 3:17). تاربيە بەرگەندە ولارعا سۇيىسپەنشىلىكپەن جانە تۇسىنىكپەن قارايدى (ەف 6:4).
بالالار اتا-انالارىن سيلايدى جانە تىلدەرىن الادى (ن.س 23:22). ولارعا ويلارى مەن سەزىمدەرىن اشىق ايتىپ وتىرادى. اتا-اناسى تۇزەتكەندە كەڭەستەرىن قابىلداپ، ولارعا قۇرمەت كورسەتەدى (ن.س 19:20).
«شاڭىراعىڭىزدى شاتتىققا تولتىرىڭىز» دەگەن ۆيدەونى كورىپ بولعان سوڭ، كەلەسى سۇراققا جاۋاپ بەرىڭىز:
ۆيدەودا ٷي ىشىندەگىلەردىڭ ٴارقايسىسى وتباسى باقىتىنا قالاي ۇلەس قوستى؟
