ماسىحشىلىك ٶمىرىمىز
جىل سايىنعى كونگرەستەر — سۇيىسپەنشىلىك كورسەتۋدىڭ ٴساتى
ٴبىز نەگە جىل سايىنعى كونگرەستەرىمىزدى قاتتى ۇناتامىز؟ ويتكەنى وسى جيىنداردا ٴبىز ەجەلگى يسرايلدىكتەر سياقتى جۇزدەگەن، ٴتىپتى مىڭداعان باۋىرلاستارمەن ەحوباعا عيبادات ەتۋ ٷشىن باس قوسامىز. داستارقانى رۋحاني اس-سۋعا لىق تولى تويدا بولامىز. بۇدان بولەك، وتباسىمىزبەن جانە دوستارىمىزبەن بىرگە كەرەمەت ۋاقىت وتكىزەمىز. ايماقتىق كونگرەسىمىزدىڭ ٴبىر كۇنىن دە جىبەرگىمىز كەلمەيتىنى، مىنە، سوندىقتان!
وسىلاي جينالۋدىڭ ٴساتى تۋعاندا، ٴبىز تەك ٶز پايدامىزدى عانا ەمەس، وزگەلەرگە سۇيىسپەنشىلىك كورسەتۋ جايلى دا ويلانعانىمىز ٴجون (عل 6:10؛ ەۆ 10:24، 25). باۋىرلاستارعا ەسىك اشىپ بەرگەندە نەمەسە تەك وزىمىزگە قاجەتتى ورىنداردى العاندا، ٴبىز وزگەلەردىڭ مۇددەسىن ويلايتىنىمىزدى كورسەتەمىز (فپ 2:3، 4). كونگرەستەرىمىز — جاڭا دوستار تابۋدىڭ كەرەمەت مۇمكىندىگى. باعدارلاما باستالماي تۇرىپ يا بىتكەن سوڭ جانە تۇسكى ٷزىلىس كەزىندە ٶزىمىز بىلمەيتىن ٴبىر باۋىرلاسپەن تانىسۋدى ماقسات ەتسەك بولادى (ق2ح 6:13). كىم بىلەدى، وسىنداي جيىنداردا وزىمىزگە عۇمىرلىق دوستار تاۋىپ قالارمىز! ونىڭ ۇستىنە، ٴبىر-بىرىمىزگە شىنايى سۇيىسپەنشىلىك كورسەتىپ جاتقانىمىزدى كورگەن سىرتتاعى ادامدار بىزگە قوسىلىپ، ەحوباعا قىزمەت ەتۋدى ۇيعارار (جح 13:35).
«سۇيىسپەنشىلىك ەش سارقىلمايدى» اتتى حالىقارالىق كونگرەستەر» دەگەن بەينەروليكتى كورىپ بولعان سوڭ، كەلەسى سۇراقتارعا جاۋاپ بەرىڭىز:
-
2019-جىلعى حالىقارالىق كونگرەستەرگە كەلگەن دەلەگاتتارعا قالاي سۇيىسپەنشىلىك تانىتىلدى؟
-
ەحوبانىڭ حالقىنداعى بىرلىك پەن سۇيىسپەنشىلىك نەلىكتەن سونداي ەرەكشە؟
-
باسقارۋشى كەڭەستىڭ مۇشەلەرى ماسىحشىلىك سۇيىسپەنشىلىكتىڭ قانداي قىرلارىن ايتىپ ٶتتى؟
-
كونگرەستە كورسەتىلەتىن سۇيىسپەنشىلىككە ٴسىز قالاي ۇلەس قوسا الاسىز؟
گەرمانيا مەن وڭتۇستىك كورەيادا ماسىحشىلەردىڭ سۇيىسپەنشىلىگى قالاي اسقاقتادى؟
-
ٴبىز نە ىستەۋگە بەكىنۋىمىز قاجەت؟
