ماسىحشىلىك ٶمىرىمىز
اتا-انالار، بالالارىڭىزعا ٴبىلىم بەرىڭىزدەر
ٴبىز جاقسىنى جامان، جاماندى جاقسى ەتىپ كورسەتەتىن الەمدە ٶمىر ٴسۇرىپ جاتىرمىز (يش 5:20). وكىنىشكە قاراي، كەيبىرەۋلەر ەحوبا جەك كورەتىن ىستەرگە بارادى، مىسالى، ٴبىر جىنىستى ادامداردىڭ اراسىنداعى ونەگەسىز ارەكەتكە. مەكتەپتەگى قۇربى-قۇرداستارى نەمەسە باسقالار ٴبىزدىڭ التىن جاستارىمىزدى وزدەرىنە قوسىلۋعا ەلىكتىرۋى مۇمكىن. اتا-انا بولساڭىز، بالالارىڭىزدى وسىنداي سىناقتارعا قالاي جاقسىلاپ دايىنداي الاسىز؟
بالالارىڭىزعا ەحوبانىڭ نورمالارىن ۇيرەتىڭىز (م3ج 18:3). ولاردىڭ جاس شاماسىن ەسكەرە وتىرىپ، كيەلى كىتاپتا جىنىستىق قاتىناس جايلى نە ايتىلعانىن بىرتە-بىرتە ٴتۇسىندىرىڭىز (م5ج 6:7). بىلاي دەپ ويلانىپ كورىڭىز: «مەن بالالارىما سەزىمدەرىن دۇرىس جولمەن ٴبىلدىرۋدى جانە قاراپايىم كيىنۋدىڭ ماڭىزدىلىعىن ۇيرەتتىم بە؟ وزگەلەر ولاردىڭ جەكە كەڭىستىگىن سيلاۋ كەرەكتىگىن (مىسالى، بالا شومىلعاندا نە كيىمىن اۋىستىرعاندا وزگەلەر قاراماۋ كەرەكتىگىن) ٴتۇسىندىردىم بە؟ الدەكىم پورنوگرافيا كورسەتكىسى كەلسە نە ەحوبا دۇرىس ەمەس دەپ سانايتىندى ىستەتۋگە تىرىسسا، بالالارىم قالاي ارەكەت ەتۋ كەرەكتىگىن بىلە مە؟» بالاڭىزعا الدىن الا ۇيرەتسەڭىز، ونى پالەدەن ساقتايسىز (ن.س 27:12؛ ۋع 7:12). بالالارىڭىزعا وسىنداي ٴبىلىم بەرۋ ارقىلى ەحوبانىڭ سىزگە بەرگەن اسىل «مۇراسىن» جاقسى كورەتىنىڭىزدى كورسەتەسىز (زب 127:3).
«مىزعىمايتىن ٷي سالايىق: بالالارىڭىزدى «جاماندىقتان» قورعاڭىزدار» دەگەن بەينەروليكتى كورىپ بولعان سوڭ، كەلەسى سۇراقتارعا جاۋاپ بەرىڭىز:
-
نەگە كەيبىرەۋلەر بالالارىنا جىنىستىق تاربيە بەرۋدەن تارتىنادى؟
-
نەگە اتا-انالار بالالارىن «ەحوبا ايتقانداي تاربيەلەپ، ونىڭ اقىل-كەڭەسىن بەرىپ ٶسىرۋ» كەرەك؟ (ەف 6:4)
-
ٴبىلىم — قورعانىش
اتا-انالار بالالارىنا جىنىستىق تاربيە بەرۋ ٷشىن ەحوبانىڭ ۇيىمى قانداي كومەك ۇسىنۋدا؟ (كم19.05 12-ب.، قورشاۋ)
-
بالالارىڭىز قيىندىققا دۋشار بولماي تۇرعاندا، نەگە ولارمەن جۇيەلى تۇردە اڭگىمەلەسكەن ٴجون؟
