ماسىحشىلىك ٶمىرىمىز
ەسكە الۋ مەزگىلىنە قاتىستى ماقساتتار قويىڭىز
جىل سايىن ەحوبانىڭ حالقى ەسكە الۋ كەشىن بىرگە اتاپ ٶتۋدى اسىعا كۇتەدى. ەسكە الۋ مەزگىلىندە، ياعني ەسكە الۋ كەشىنە دەيىنگى جانە كەيىنگى اپتالاردا تولەم قۇرباندىعى ٷشىن ەحوباعا ريزاشىلىق ٴبىلدىرىپ، ونى ماداقتاۋعا ەرەكشە مۇمكىندىك تۋادى (ەف 1:3، 7). مىسالى، ٴبىز ەسكە الۋ كەشىنە مەيلىنشە كوپ ادام شاقىرۋعا بارىمىزدى سالا الامىز. ول ٷشىن كەيبىرەۋىمىز كەستەمىزگە وزگەرىس ەنگىزىپ، ناۋرىز بەن ٴساۋىر ايلارىندا قوسالقى ٸزاشارلىق الىپ، 30 نە 50 ساعات ۋاعىزدايمىز. ٴسىز دە ەسكە الۋ مەزگىلىندە كوبىرەك ۋاعىزداعىڭىز كەلەر مە ەدى؟ بۇل ٷشىن نە ىستەسەڭىز بولادى؟
ٴجيى ٴبىز الدىن الا جوسپار قۇرعان كەزدە جاقسى ناتيجەگە قول جەتكىزىپ جاتامىز (ن.س 21:5). ەسكە الۋ مەزگىلى جاقىنداپ قالعاندىقتان، قازىردەن جوسپار قۇرىپ قويعانىڭىز دۇرىس. سول مەزگىلدە ادەتتەگىدەن كوبىرەك ۋاعىزداۋ ٷشىن نە ىستەي الاتىنىڭىزدى قاراستىرىپ، ماقسات قويىڭىز. كەيىن سول ماقساتىڭىزعا جەتۋ ٷشىن نە ىستەيتىنىڭىزدى ويلاستىرىڭىز. ەحوباعا دۇعا ەتىپ، تالپىنىسىڭىزعا باتاسىن بەرۋىن سۇراڭىز (ج1ح 5:14، 15).
«ەسكە الۋ مەزگىلىندە كوبىرەك ۋاعىزداۋ ٷشىن نە ىستەي الامىن؟» دەپ ويلانىڭىز.
