زەرتتەۋ ساباعىن جۇرگىزۋگە ارنالعان جاڭا كىتاپشا مەن كىتاپتىڭ شىققانىنا وتە ريزامىز!‏ كوبىرەك شاكىرتتەر دايىنداۋ ٷشىن جاساپ جاتقان ەڭبەگىمىزگە ەحوبا باتاسىن بەرسىن دەپ دۇعا ەتەمىز (‏مت 28:‏18—‏20؛‏ ق1ح 3:‏6—‏9‏)‏.‏ ال بۇل جاڭا قۇرالداردى قالاي قولدانۋ كەرەك؟‏

‏«‏ماڭگى باقي ومىردىڭ راقاتىن كورىڭىز!‏‏» باسىلىمىنداعى ينتەراكتيۆتى كيەلى كىتاپ ساباقتارى جاڭاشا ٴ‌تالىم بەرۋ ادىسىمەن جۇرگىزىلەدى.‏ ساباققا دايىندالۋ جانە ونى وتكىزۋ بارىسىندا مىنا نەگىزگى ەرەجەلەردى ۇستانىڭىز *‏:‏

• مالىمەتتى وقىپ شىعىپ،‏ سۇراقتاردى تالقىلاڭىزدار

• «وقىڭىز» دەلىنگەن جازبا ورىندارىن وقىپ،‏ زەرتتەۋشىگە سول تارماقتاردىڭ وزىنە قانداي قاتىسى بار ەكەنىن تۇسىنۋگە كومەكتەسىڭىز

• بەينەروليكتەردى كورىپ،‏ بەرىلگەن سۇراقتار بويىنشا تالقىلاڭىزدار

• ٴ‌بىر ساباقتى ٴ‌بىر وتىرعاندا ٶتىپ شىعۋعا تىرىسىڭىز

قىزمەتتە ادامنىڭ قىزىعۋشىلىعىن انىقتاۋ ٷشىن العاشىندا كىتاپشانى قولدانىڭىز.‏ (‏«‏ العاش بارعاندا «ماڭگى باقي ومىردىڭ راقاتىن كورىڭىز!‏» كىتاپشاسىن ۇسىنۋدىڭ جولى‏» دەگەن قورشاۋدى قاراڭىز.‏)‏ اداممەن كىتاپشانى زەرتتەپ بولساڭىز جانە ونىڭ ٵرى قاراي دا زەرتتەۋگە ىقىلاسى بولسا،‏ كىتاپقا كوشۋدى ۇسىنىپ،‏ زەرتتەۋدى 4-‏ساباقتان جالعاستىرساڭىز بولادى.‏ ال ەگەر ٴ‌سىز بىرەۋمەن «كيەلى جازبالاردان نە بىلەمىز؟‏» كىتابىمەن يا «قۇداي سۇيىسپەنشىلىگىنە بولەنىڭىز» كىتابىمەن زەرتتەپ جۇرگەن بولساڭىز،‏ «ماڭگى باقي ومىردىڭ راقاتىن كورىڭىز!‏» كىتابىنا كوشىڭىز جانە ونى قاي جەردەن باستاپ زەرتتەيتىندەرىڭىزدى شەشىڭىز.‏

‏«‏قۇداي ٴ‌سوزى تالقىلاناتىن ساباقتارعا قوش كەلدىڭىز!‏‏» دەگەن بەينەروليكتى كورىپ بولعان سوڭ،‏ كەلەسى سۇراقتارعا جاۋاپ بەرىڭىز:‏

• زەرتتەۋشىلەر جاڭا كىتاپتان نە بىلەدى؟‏

• كيەلى كىتاپتى زەرتتەگىسى كەلەتىندەرگە نەلىكتەن وسى بەينەروليكتى كورسەتۋىڭىز قاجەت؟‏

• زەرتتەۋ بارىسىندا زەرتتەۋشىنى قانداي ماقساتتار قويۋعا جانە قول جەتكىزۋگە تالپىندىرعانىڭىز دۇرىس؟‏ (‏«‏ ٵر بولىمگە ارنالعان ويباعدار مەن ماقساتتار‏» كەستەسىن قاراڭىز.‏)‏