ماسىحشىلىك ٶمىرىمىز
«ماڭگى باقي ٶمىردىڭ راقاتىن كورىڭىز!» باسىلىمىنىڭ پايدالى تۇستارى
«ماڭگى باقي ٶمىردىڭ راقاتىن كورىڭىز!» باسىلىمىنداعى بەينەروليكتەر مەن ويلاندىراتىن سۇراقتاردى قولدانۋ سىزگە ۇناي ما؟ «كەيبىرەۋلەردىڭ ايتاتىنى»، «ماقسات» جانە «قوسىمشا ىزدەنىڭىز» دەگەن شە؟ بۇل باسىلىمنىڭ شاكىرت دايىنداۋ كەزىندە پايدالى بولاتىن تاعى باسقا تۇستارى بار (مت 28:19، 20).
مەديا. زەرتتەۋ ساباعىن باسپا جۇزىندەگى كىتاپپەن وتكىڭىز كەلگەن جاعدايدا، كەلتىرىلگەن ۆيدەولار مەن باسقا دا مەديالاردى ٴبىر جەردەن تابۋعا بولا ما؟ ٴيا، بولادى. ول ٷشىن ەلەكتروندى كىتاپتىڭ ىشىندەگى نەگىزگى ٴتورت ٴبولىمنىڭ بىرەۋىن تاڭداڭىز. ساباقتاردىڭ اتاۋلارىنان كەيىن تۇراتىن «ٴبولىمنىڭ مەدياسى» دەگەنگە كىرسەڭىز، سول ٴبولىمنىڭ بۇكىل مەدياسىن كورە الاسىز (1-سۋرەتتى قاراڭىز).
باسپا باسىلىمى. ەگەر زەرتتەۋدى ەلەكتروندى كىتاپپەن ٶتىپ جاتساڭىز، ارا-تۇرا مالىمەتتى باسپا جۇزىندە كورگىڭىز كەلەر. ونداي كەزدە ساباقتىڭ توبەسىندەگى ٷش نۇكتەگە شەرتىپ، «باسپا باسىلىمى» دەگەنگە كىرىڭىز. بۇل فورمات سىزگە تالقىلانىپ جاتقان مالىمەتتىڭ نەگىزگى تاقىرىپپەن قانداي بايلانىسى بار ەكەنىن ەستە ۇستاۋعا كومەكتەسەدى. ال ەلەكتروندى فورماتقا قايتادان ورالۋ ٷشىن، جوعارىداعى ٷش نۇكتەگە باسىپ، «ساندىق باسىلىم» دەگەنگە كىرىڭىز نەمەسە تومەندەگى كۇلگىن ٴتۇستى دومالاق باتىرمانى باسىڭىز.
دايىنمىن با؟ ەكى قورشاۋدان تۇراتىن بۇل بەتتى 4-ٴبولىمنىڭ سوڭىنان تابا الاسىز. ول جەردە قاۋىممەن بىرگە ۋاعىزداۋ ٷشىن جانە شومىلدىرۋ راسىمىنەن ٶتۋ ٷشىن زەرتتەۋشىگە قويىلاتىن نەگىزگى تالاپتار ايتىلادى (2-سۋرەتتى قاراڭىز).
تۇسىندىرمە. بۇل جەردە كەيبىر ماڭىزدى تاقىرىپتار تۇسىندىرىلەدى. ەلەكتروندى باسىلىمدا ٵر تۇسىندىرمەنىڭ اياعىندا سىلتەمە كەلتىرىلەدى. سول سىلتەمەنى باسساڭىز، توقتاعان ساباققا قايتادان ورالا الاسىز (2-سۋرەتتى قاراڭىز).
ٴزەرتتەۋشى «ماڭگى باقي ٶمىردىڭ راقاتىن كورىڭىز!» كىتابىن بىتىرمەي جاتىپ تەز قادامدار جاساسا، ٴتىپتى شومىلدىرۋ راسىمىنەن وتسە، زەرتتەۋدى اياعىنا دەيىن جالعاستىرا بەرىڭىز. ول شومىلدىرۋ راسىمىنەن وتسە دە، ساعاتتى، قايتا بارۋدى، زەرتتەۋدى ەسەپكە جازا بەرسەڭىز بولادى. زەرتتەۋگە قاتىسقان جاريالاۋشى دا ساعاتتى ەسەپكە قوسا الادى.
