ماسىحشىلىك ٶمىرىمىز
رۋحى كۇيرەگەندەردى ەحوبا قۇتقارادى
كەز كەلگەن ادامنىڭ كوڭىلى قۇلازىپ، ۇنجىرعاسى تۇسەدى. بىراق بۇنداي سەزىمدەر رۋحاني كۇيىمىزدىڭ ٵلسىز ەكەنىن بىلدىرمەيدى. كيەلى كىتاپتان بىلەتىنىمىزدەي، ٴتىپتى ەحوبانىڭ دا قايعىرىپ، قىنجىلاتىن كەزدەرى بولادى (م1ج 6:5، 6). ال ەگەر قايعى-مۇڭ ٴجيى، نە ٴتىپتى ۇنەمى ەڭسەمىزدى باسىپ تۇرسا شە؟
كومەك سۇراپ ەحوباعا دۇعا ەتىڭىز. وي-سانامىزدىڭ جانە ەموسيالىق كۇيىمىزدىڭ قانداي ەكەنى ەحوبا ٷشىن وتە ماڭىزدى. ول قاي كەزدە قۋانىپ، قاي كەزدە مۇڭايىپ جۇرگەنىمىزدى بايقايدى. سونداي-اق ويلارىمىز بەن سەزىمدەرىمىزدى دە، ولاردىڭ تۇپكى سەبەبىن دە جاقسى تۇسىنەدى (زب 7:9ا). بارىنەن دە ماڭىزدىسى، ەحوبا ٴبىزدىڭ قامىمىزدى ويلايدى جانە ول بىزگە جابىرقاۋلى كۇيمەن، ٴتىپتى دەپرەسسيامەن كۇرەسۋگە كومەكتەسە الادى (زب 34:18).
وي-ساناڭىزدىڭ ساۋلىعىن ويلاڭىز. ۇنجىرعامىزدىڭ ٴتۇسۋى ٴبىزدى باقىتسىز ەتىپ قانا قويمايدى، ول ەحوبامەن دوستىعىمىزعا دا كەرى اسەر ەتۋى مۇمكىن. سول سەبەپتى ٴبىز جۇرەگىمىزدى، ياعني ويلارىمىز بەن سەزىمدەرىمىزدى قامتيتىن ىشكى بولمىسىمىزدى قورعاۋىمىز قاجەت (ن.س 4:23).
«باۋىرلاستارىمىز جانتىنىشتىعىنا كەنەلىپ ٴجۇر. دەپرەسسياعا قاراماستان» دەگەن ۆيدەونى كورىپ بولعان سوڭ، كەلەسى سۇراقتارعا جاۋاپ بەرىڭىز:
-
نيككي دەپرەسسيامەن كۇرەسۋ ٷشىن نە ىستەدى؟
-
نيككي مەديسينالىق كومەككە مۇقتاج ەكەنىن قالاي ٴتۇسىندى؟ (مت 9:12)
-
نيككي ەحوبانىڭ كومەگىنە سەنىم ارتاتىنىن قالاي كورسەتتى؟
