قىزمەتىمىزدىڭ ساپاسىن ارتتىرايىق | قىزمەتتەگى قۋانىشىڭىز ارتسىن
شابىتپەن ٴتالىم بەرىڭىز
شابىتتىڭ اسەرى زور. شابىتپەن سويلەر بولساڭىز، تىڭداۋشىڭىزدىڭ نازارىن ۇستاپ تۇراسىز. سونداي-اق ايتىپ جاتقان حابارىڭىزدىڭ ماڭىزدىلىعىن كورسەتەسىز. شىققان ورتاسى مەن مىنەز-قۇلقى قانداي بولماسىن، كەز كەلگەن ادام شابىتپەن سويلەۋدى ۇيرەنە الادى (رم 12:11). بۇل ٷشىن نە ىستەۋ كەرەك؟
ەڭ الدىمەن، ايتاتىن حابارىڭىزدىڭ ماڭىزدىلىعىن ويلاڭىز. ٴسىز ىزگى، قۋانىشتى حابار ايتىپ ٴجۇرسىز. بۇل زور مارتەبە! (رم 10:15). ەكىنشىدەن، ىزگى حابارعا قۇلاق اسسا، ادامنىڭ ٶمىرى قالاي جاقسى جاققا قاراي وزگەرەتىنى جايلى ويلانىپ-تولعانىڭىز. ولار ٴسىزدىڭ ايتاتىن سوزدەرىڭىزگە اسا ٴزارۋ (رم 10:13، 14). ۇشىنشىدەن، شابىتپەن سويلەڭىز. ىم-يشارات پەن بەت قيمىلىڭىز شىنايى ٵرى تابيعي بولسىن.
«شاكىرت دايىنداۋدىڭ قۋانىشىنا كەنەلىڭىز: شەبەرلىگىڭىزدى شىڭداڭىز. شابىتپەن ٴتالىم بەرۋ» دەگەن بەينەقويىلىمدى كورىپ بولعان سوڭ، مىنا سۇراقتارعا جاۋاپ بەرىڭىز:
-
نەلىكتەن نيتانىڭ لارامەن كيەلى كىتاپتى زەرتتەۋگە دەگەن ىقىلاسى ٴسونىپ قالدى؟
-
نيتاعا شابىتىن قايتا جانداندىرۋعا نە كومەكتەستى؟
-
شابىتتىڭ جۇقپالى قاسيەتى بار
نەلىكتەن ٴبىز تىڭداۋشىلارىمىزدىڭ جاقسى جاقتارىنا نازار اۋدارۋىمىز كەرەك؟
-
شابىتپەن سويلەگەنىمىز زەرتتەۋشىلەرگە نە باسقا ادامدارعا قالاي اسەر ەتۋى مۇمكىن؟
