ماسىحشىلىك ٶمىرىمىز
«ماڭگى باقي ٶمىردىڭ راقاتىن كورىڭىز!» كىتابىمەن ادامنىڭ ەحوباعا جانە يساعا دەگەن سەنىمىن ٶسىرىڭىز
قۇدايعا ۇناۋ ٷشىن زەرتتەۋشىنىڭ سەنىمى مىقتى بولۋ كەرەك (ەۆ 11:6). «ماڭگى باقي ٶمىردىڭ راقاتىن كورىڭىز!» كىتابىنىڭ كومەگىمەن ادامنىڭ سەنىمىن وسىرۋگە بولادى. بۇل كىتاپتىڭ ىشىندە تىرەك تارماقتار، قيسىندى وي تۇزۋلەر، ويلاندىراتىن سۇراقتار، اسەرلى ۆيدەولار جانە ادەمى سۋرەتتەر بار. زەرتتەۋشىگە ماسىحشىگە ٴتان قاسيەتتەردى جانە قۇدايمەن دوستىقتى دامىتۋعا كومەكتەسەيىك. سوندا ول وتتاي سىناقتاردا ٴتوزىمدى بولادى (ق1ح 3:12—15).
كەيبىرەۋلەر ٷشىن كوزگە كورىنبەيتىن قۇدايمەن دوس بولۋ مۇمكىن ەمەستەي كورىنەدى. سوندىقتان ولارعا ەحوبانىڭ سۇيىسپەنشىلىككە تولى بولمىسىن تانۋعا، وعان سەنۋگە كومەكتەسۋىمىز قاجەت.
«ماڭگى باقي ٶمىردىڭ راقاتىن كورىڭىز!» كىتابىمەن ادامنىڭ ەحوباعا دەگەن سەنىمىن ٶسىرىڭىز» دەگەن بەينەروليكتى كورىپ بولعان سوڭ، كەلەسى سۇراقتارعا جاۋاپ بەرىڭىز:
-
ايەل باۋىرلاستىڭ زەرتتەۋگە جاقسى دايىندالىپ كەلگەنى نەدەن بايقالدى؟
-
زەرتتەۋشىگە يشايا 41:10، 13 تەگى سوزدەرگە قاتىستى ويىن ايتقىزۋ ٷشىن، ايەل باۋىرلاس قانداي قوسىمشا سۇراقتار قويدى؟
-
ۆيدەو مەن وقىلعان تارماقتار زەرتتەۋشىنى قانداي اسەردە قالدىردى؟
كوپ ادام تولەمدى يا تۇسىنبەيدى، يا ونى قۇدايدىڭ جەكە ولارعا بەرگەن سيى دەپ قابىلدامايدى (عل 2:20). سوندىقتان ٴبىز ولارعا يسانىڭ تولەم قۇرباندىعىنا سەنۋگە كومەكتەسۋىمىز كەرەك.
«ماڭگى باقي ٶمىردىڭ راقاتىن كورىڭىز!» كىتابىمەن ادامنىڭ يساعا دەگەن سەنىمىن ٶسىرىڭىز» دەگەن بەينەروليكتى كورىپ بولعان سوڭ، كەلەسى سۇراقتارعا جاۋاپ بەرىڭىز:
-
ەر باۋىرلاستىڭ زەرتتەۋگە جاقسى دايىندالىپ كەلگەنى نەدەن بايقالدى؟
-
باۋىرلاس زەرتتەۋشىسىنە كومەكتەسۋ ٷشىن «قوسىمشا ىزدەنىڭىزدەگى» مالىمەتتى قالاي ٴتيىمدى قولداندى؟
-
نەگە زەرتتەۋشى ٷشىن دۇعا ەتۋ ماڭىزدى؟
