ماسىحشىلىك ٶمىرىمىز
ازاماتتىق تولقۋلارعا دايىنسىز با؟
وسى دۇنيەنىڭ سوڭى جاقىنداپ جاتقاندىقتان، ازاماتتىق تولقۋلار، تەررورلىق ارەكەتتەر جانە سوعىستار كوبەيمەسە، ازايمايتىنىن بىلەمىز (ايان 6:4). الدا-جالدا وسىنداي وقيعالار بولىپ قالسا، ولارعا قالاي دايىن جۇرسەك بولادى؟
-
رۋحاني جاعىنان دايىندالىڭىز. ەحوباعا جانە ۇيىمعا سەنىمىڭىزدى بەكەمدەۋ ٷشىن جانە قيىن شاقتا بەيتاراپ بولىپ قالۋ ٷشىن، كيەلى كىتاپتان پرينسيپتەر مەن وقيعالاردى ىزدەپ تابىڭىز (ن.س 12:5؛ ەر-125 CHS، 126-ب.، 23، 24-ابز.). ٴقازىر — قاۋىمداعى باۋىرلاستارمەن مىزعىماس دوستىق ورناتاتىن ۋاقىت (پت1ح 4:7، 8).
-
كەرەك-جاراعىڭىزدى دايىنداڭىز. ۇيدە تىعىلاتىن جەردى ويلاستىرىپ، نە ٸشىپ-جەيتىنىڭىزدى قازىردەن ساتىپ الىپ قويىڭىز. ۇيدەن كەتۋگە ٴماجبۇر بولساڭىز، قايدا باراتىنىڭىزدى دا ويلاستىرىڭىز. «دابىل سومكەڭىزدى» ٴبىر تەكسەرىپ قويىڭىز، ىشىنە بەتپەردە، قولعاپ سياقتى قورعانىش زاتتار مەن اقشا سالىپ قويىڭىز. بايلانىسا الۋ ٷشىن ٴسىز اقساقالداردىكىن، ال اقساقالدار ٴسىزدىڭ ٴنومىرىڭىزدى بىلسە جاقسى (يش 32:2؛ و17.5 3—7 ب.).
تولقۋلار باستالسا، ادەتتەگى رۋحاني ىستەرىڭىزدى توقتاتپاي ىستەپ ٴجۇرىڭىز (فپ 1:10). ەۆاكۋاسيالانباعان بولساڭىز، ٴبىر جەردەن ەكىنشى جەرگە كوشىپ جۇرمەڭىز (مت 10:16). ازىق-تۇلىكپەن دە، باسقاسىمەن دە وزگەلەرمەن ٴبولىسىڭىز (رم 12:13).
«اپاتقا دايىنسىز با؟» دەگەن بەينەروليكتى كورىپ بولعان سوڭ، كەلەسى سۇراقتارعا جاۋاپ بەرىڭىز:
-
اپات كەزىندە ەحوبا بىزگە قالاي كومەكتەسەدى؟
-
دايىن بولۋ ٷشىن ٴبىز نە ىستەي الامىز؟
-
اپاتتان زارداپ شەككەندەرگە قالاي كومەكتەسە الامىز؟
