ماسىحشىلىك ٶمىرىمىز
پىكىرلەسۋ ۇلگىلەرىن قالاي قولدانعان ٴجون؟
2018-جىلدىڭ قاڭتارىنان باستاپ «ماسىحشىلىك ٶمىرىمىز بەن قىزمەتىمىز» جۇمىس داپتەرىنىڭ مۇقاباسىندا پىكىرلەسۋ ۇلگىلەرى جارىق كورىپ كەلەدى. ولاردى قالاي پايدالانعان دۇرىس؟
تاپسىرما ورىنداعاندا. پىكىرلەسۋ ۇلگىسىندەگى سۇراقتى، تارماقتى جانە كەلەسى جولى تالقىلايتىن سۇراقتى قولدانۋ كەرەك. ٴبىراق بۇل پىكىرلەسۋ ۇلگىلەرى كورسەتىلەتىن بەينەروليكتى سوزبە-ٴسوز ايتىپ شىعۋ كەرەك دەگەندى بىلدىرمەيدى. ٴسىز ونداعى جاعدايدى، العى ٴسوزدى، اڭگىمە جەلىسىن جانە تاعى دا باسقا جايتتاردى وزگەرتە الاسىز. سونىمەن قاتار نۇسقاۋدا ايتىلماسا دا، «ٴتالىم بەرۋ قۇرالدارىنداعى» ٴبىر باسىلىمدى كورسەتسەڭىز بولادى.
ۋاعىزداعاندا. پىكىرلەسۋ ۇلگىلەرىنىڭ ماقساتى — بىزگە وي تاستاۋ. ادام شىنىمەن قىزىعىپ، كوبىرەك بىلگىسى كەلسە، اڭگىمەنى جالعاستىرۋ ٷشىن، بالكىم، قايتا بارۋ ۇلگىسىندەگى ويلاردى پايدالانارسىز. پىكىرلەسۋ ۇلگىلەرىن وزگەرتىپ نە مۇلدەم باسقاشا ايتساڭىز بولادى. الدىڭعى ايداعى پىكىرلەسۋ ۇلگىسى نە باسقا تارماق ٴسىزدىڭ اۋماعىڭىزدا وتىمدىرەك پە؟ ادامدارعا جەرگىلىكتى ۋاقيعالار تۋرالى سويلەسۋ قىزىقتىراق پا؟ پىكىرلەسۋ ۇلگىلەرىن قالاي قولدانساق تا، كوزدەگەن ماقساتىمىز «بارلىعىن ىزگى حابار ٷشىن ٵرى ونى وزگەلەرگە جاريالاۋ ٷشىن ىستەۋ» بولۋ كەرەك (ق1ح 9:22، 23).
