ماسىحشىلىك ٶمىرىمىز
ەسكە الۋ كەشىنە دايىندالىپ ٴجۇرسىز بە؟
يسا تويلاعالى جاتقان سوڭعى قۇتقارىلۋ مەيرامى ايرىقشا ماڭىزدى بولماق ەدى. ولەتىن ۋاقىتى تاياپ قالعاندىقتان، ول قۇتقارىلۋ مەيرامىنىڭ اسىن ەلشىلەرىمەن بىرگە جەپ، جاڭا مەيرامدى، جىل سايىن تويلاناتىن يەمىزدىڭ كەشكى اسىن، ەنگىزۋدى جوسپارلادى. ٴسۇيتىپ، ول مەيرام وتەتىن بولمەنى دايىنداۋ ٷشىن پەتىر مەن جوحاندى جىبەردى (لق 22:7—13؛ مۇقاباداعى سۋرەتتى قاراڭىز). دەمەك، ٴبىز دە 27 ناۋرىزدا بولاتىن ەسكە الۋ كەشىنە دايىندالۋىمىز كەرەك. قاۋىمدار بايانداماشىنى، رامىزدەر مەن باسقا دا نارسەلەردى دايىنداپ قويعان شىعار. ال جەكە ٶزىمىز بۇل كەشكە قالاي دايىندالساق بولادى؟
جۇرەگىڭىزدە يسانىڭ ولىمىنە دەگەن ريزاشىلىقتى كۇشەيتىڭىز. ەسكە الۋ كەشىنىڭ قارساڭىنداعى تارماقتاردى وقىپ، وي جۇگىرتىڭىز. ونىڭ كەستەسى «كيەلى جازبالاردى كۇندەلىكتى زەرتتەۋ» كىتاپشاسىندا بار. ال «كيەلى جازبالار. جاڭا دۇنيە اۋدارماسىنىڭ» ٵ12 قوسىمشاسىنداعى كەستەدە ەگجەي-تەگجەيلى مالىمەت جازىلعان (2020-جىلدىڭ ٴساۋىر ايىنداعى «ٶمىرىمىز بەن قىزمەتىمىز» جۇمىس داپتەرىن دە قاراڭىز). وتباسىلارى «كۇزەت مۇناراسى باسىلىمدارىنىڭ كورسەتكىشى» مەن «ەحوبا كۋاگەرلەرىنىڭ ىزدەنىس قۇرالىنىڭ» كومەگىمەن وتباسىلىق عيبادات كەزىندە تولەمنىڭ ٴمان-ماڭىزى جايلى قاراستىرسا بولادى.
باسقالاردى شاقىرىڭىز. ەسكە الۋ كەشىنە شاقىرۋ ناۋقانىنا بارىنشا اتسالىسىڭىز. كىمدى شاقىرسام بولادى دەپ ويلانىپ كورىڭىز. مىسالى، قايتا بارۋلار، بۇرىنعى كيەلى كىتاپ زەرتتەۋشىلەرى، تانىستارىڭىز بەن تۋىسقاندارىڭىز. اقساقالدار قاۋىمعا كەلمەي كەتكەن باۋىرلاستاردىڭ شاقىرىلعانىنا كوز جەتكىزۋ كەرەك. ەگەر الدەكىم باسقا جەردە تۇراتىن بولسا، ول جاقتاعى ەسكە الۋ كەشىنىڭ ۋاقىتى مەن مەكەنجايىن ٴبىلۋ ٷشىن jw.org تور بەكەتىنىڭ نەگىزگى بەتىندەگى ٴبىز جونىندە دەگەن ساناتقا كىرىپ، «ەسكە الۋ كەشى» دەگەن جەرىن باسىڭىز.
تاعى قالاي دايىندالساق بولادى؟
