ادام مورالدىق جاعىنان تازا بولسا عانا ەحوبامەن جاقىن دوس بولا الادى (‏پت1ح 1:‏14—‏16‏)‏.‏ سونداي-‏اق زەرتتەۋشى جامان ادەتىنەن ارىلسا،‏ وتباسى الدەقايدا باقىتتى،‏ دەنساۋلىعى مىقتىراق بولادى،‏ اقشاسى دا ۇنەمدەلەدى.‏

زەرتتەۋشىگە ەحوبانىڭ مورالدىق نورمالارىن،‏ ولاردى ەحوبا نە ٷشىن بەرگەنىن جانە ولاردى ۇستانۋدىڭ قانداي پايداسى بار ەكەنىن انىق ٴ‌تۇسىندىرىڭىز.‏ وعان ٴ‌بىرىنشى كەزەكتە وي قالپىن وزگەرتۋگە كومەكتەسىڭىز،‏ سوندا ول ارەكەتكە تالپىناتىن بولادى (‏ەف 4:‏22—‏24‏)‏.‏ ەحوبانىڭ كومەگىمەن ٴ‌تىپتى ۇزاق جىلدان بەرى قانىنا ٴ‌سىڭىپ قالعان ادەتتەن دە ارىلۋ مۇمكىن ەكەنىنە سەندىرىڭىز (‏فپ 4:‏13‏)‏.‏ كۇناعا اپاراتىن بۇرىنعى ادەتىن ىستەگىسى كەلىپ كەتكەن كەزدە ەحوباعا جالبارىنا دۇعا ەتۋدى ۇيرەتىڭىز.‏ وعان ازعىرىلىپ قالۋى مۇمكىن جاعدايلاردى كورە ٴ‌بىلىپ،‏ ولاردان قاشىق جۇرۋگە كومەكتەسىڭىز.‏ جامان ادەتتەرىن پايدالى ىستەرگە الماستىرۋعا تالپىندىرىڭىز.‏ زەرتتەۋشىڭىزدىڭ ەحوبانىڭ كومەگىمەن وزگەرىپ جاتقانىن كورگەندە،‏ قۋانىشىڭىزدا شەك بولمايدى.‏

‏«‏كيەلى كىتاپتى زەرتتەۋشىلەرگە كومەكتەسىڭىز:‏ جامان ادەتتەردى جەڭۋگە‏» دەگەن بەينەروليكتى كورىپ بولعان سوڭ،‏ كەلەسى سۇراقتارعا جاۋاپ بەرىڭىز:‏

• اقساقالدار مەن نيتا لاراعا سەنەتىندەرىن قالاي كورسەتتى؟‏

• كەيىن نيتا لاراعا قالاي كومەكتەستى؟‏

• لارانىڭ ٶزى ەحوبادان قالاي كومەك ىزدەدى؟‏