ماسىحشىلىك ٶمىرىمىز
كيەلى كىتاپتى زەرتتەۋ ساباعى جايلى ۆيدەولار
بىزدە قىزمەتتە قولدانۋعا بولاتىن زەرتتەۋ ساباعى جايلى ٴتورت ۆيدەو بار. بۇل ۆيدەولار قانداي ماقساتپەن شىعارىلعان؟
-
«كيەلى كىتاپتى وقۋدىڭ قانداي پايداسى بار؟» (تولىق نۇسقاسى). بۇل ۆيدەو ٵرتۇرلى ٴدىندى ۇستاناتىن ادامداردىڭ كيەلى كىتاپقا دەگەن قىزىعۋشىلىعىن وياتۋ ٷشىن شىعارىلعان. ول ادامداردى كيەلى كىتاپقا جۇگىنىپ، ماڭىزدى سۇراقتارعا قيسىندى جاۋاپ الۋعا شاقىرادى. سونداي-اق كۋاگەرلەرمەن كيەلى كىتاپتى زەرتتەۋ ٷشىن نە ىستەۋ كەرەكتىگىن تۇسىندىرەدى.
-
«كيەلى كىتاپتى وقۋدىڭ قانداي پايداسى بار؟» (قىسقا نۇسقاسى). بۇل قىسقارتىلعان ۆيدەو تولىق نۇسقانىڭ ۇشتەن ٴبىر بولىگىن قۇرايدى. ادامداردىڭ كوپ ۋاقىتى بولا بەرمەيتىن اۋماقتاردا بۇل ۆيدەو وتە ٴتيىمدى بولۋى مۇمكىن.
-
«كيەلى كىتاپ زەرتتەۋ ساباعى قالاي وتەدى؟» بۇل ۆيدەو ادامداردىڭ تەگىن كيەلى كىتاپ زەرتتەۋ ساباعىنا دەگەن قىزىعۋشىلىعىن وياتۋعا باعىتتالعان. ۆيدەودا زەرتتەۋ ساباعىنا قاتىستى ٴجيى قويىلاتىن سۇراقتارعا جاۋاپ بەرىلەدى جانە كۋاگەرلەرمەن زەرتتەۋ ساباعىن ٶتۋ ٷشىن نە ىستەۋ كەرەكتىگى تۇسىندىرىلەدى.
-
«قۇداي ٴسوزىن تالقىلاۋ ساباقتارىنا قوش كەلدىڭىز!» بۇل ۆيدەو كيەلى كىتاپتى زەرتتەپ جۇرگەن ادامعا كورسەتۋ ٷشىن شىعارىلعان. ۆيدەو «ماڭگى باقي ٶمىردىڭ راقاتىن كورىڭىز!» كىتابىنىڭ 2-بەتىندە كەزدەسكەنىمەن، ٴسىز ونى كىتاپشانى تالقىلاپ جاتقان كەزدە دە كورسەتە الاسىز. ۆيدەودا كىتاپتىڭ ىشىندە قانداي تاقىرىپتار تالقىلاناتىنى جانە ساباقتار قالاي وتەتىنى تۇسىندىرىلەدى.
بۇل ۆيدەولاردىڭ ٴارقايسىسى بەلگىلى ٴبىر ماقساتتا شىعارىلعانمەن، ولاردى ىڭعايى كەلگەن كەزدىڭ بارىندە كورسەتۋگە نە جىبەرۋگە بولادى. جاريالاۋشىلار ۆيدەولارمەن جاقسىلاپ تانىسىپ شىعۋعا جانە قىزمەتتە بارىنشا قولدانۋعا شاقىرىلادى.