ماسىحشىلىك ٶمىرىمىز
اپاتتان كەيىن كورسەتىلەتىن كومەك
بۇگىنگى كۇنى تابيعي اپاتتار بارعان سايىن جيىلەپ بارادى. قانداي دا ٴبىر اپات ورىن السا، كورسەتىلەتىن كومەك جاقسى جوسپارلانىپ، جاقسى ۇيىمداستىرىلۋى كەرەك. وسى سەبەپتەن دە باسقارۋشى كەڭەس ٵربىر فيليالدا توتەنشە جاعدايلاردا كومەك كورسەتۋ ٴبولىمىن قۇرعان.
بۇل بولىمدەگى باۋىرلاستار اپات جايلى ەستىگەن بويدا جەرگىلىكتى اقساقالدارعا حابارلاسىپ، جاريالاۋشىلارعا قانداي كومەك كەرەك ەكەنىن انىقتايدى. اپاتتىڭ زاردابى تىم ۇلكەن بولىپ، جاعدايدى وڭالتۋعا جەرگىلىكتى باۋىرلاستاردىڭ شاماسى جەتپەسە، فيليال كومەك كورسەتۋدە جەتەكشىلىك ەتەتىن ەر باۋىرلاستاردى تاعايىندايدى. بۇل باۋىرلاستار ەرىكتىلەردى جيناۋى نە قانداي دا ٴبىر زاتتاردى ساداقا ەتۋدى سۇراۋى مۇمكىن. يا بولماسا قاجەت زاتتاردى وزدەرى ساتىپ الىپ، ۇلەستىرۋى مۇمكىن.
اپات كەزىندە كومەك كورسەتۋ وسىلاي ۇيىمداستىرىلعاننىڭ ارقاسىندا باۋىرلاستاردىڭ ەڭبەكتەرى، اقشالارى جانە دايىنداعان گۋمانيتارلىق كومەكتەرى دالاعا كەتپەيدى. مۇنداي جاعدايلار ٴجيى باۋىرلاستار ٶز بەتتەرىنشە ارەكەت ەتكەندە بولىپ جاتادى.
فيليال تاعايىنداعان ەر باۋىرلاستار قانشا قاراجات، قانشا ەرىكتى كەرەكتىگىن انىقتاي الادى. سونداي-اق جەرگىلىكتى بيلىك وكىلدەرىمەن بايلانىسادى. ال بيلىك وكىلدەرى ٴجيى كومەك كورسەتۋ جۇمىستارىن جىلدامىراق اتقارۋعا كومەكتەسەدى. سوندىقتان جاۋاپتى باۋىرلاستار وتىنبەسە، ٶز بەتىمىزشە اقشا جيناپ، گۋمانيتارلىق كومەك جىبەرىپ، اپات ورنىنا بارۋدىڭ قاجەتى جوق.
ارينە، ٴبىز اپاتتان زارداپ شەككەن باۋىرلاستارعا كومەكتەسكىمىز كەلەدى (ەۆ 13:16). ويتكەنى ولاردى جاقسى كورەمىز! ەندەشە سول باۋىرلاستار ٷشىن نە ىستەي الامىز؟ بارىنەن بۇرىن، ولار ٷشىن جانە ولارعا كومەك كورسەتىپ جۇرگەن باۋىرلاستار ٷشىن دۇعا ەتسەك بولادى. تاعى ٴبىر جولى — دۇنيەجۇزىلىك ىسكە ساداقا جاساي الامىز. باسقارۋشى كەڭەستىڭ قاراماعىنداعى فيليالدار بۇل قاراجاتتى اسىرەسە قاي جەرلەرگە جىبەرۋ كەرەكتىگىن بارىنەن دە جاقسى بىلەدى. ال ەگەر ٶزىمىز بارىپ كومەك كورسەتكىمىز كەلسە، وندا «جەرگىلىكتى قۇرىلىستا ەرىكتى قىزمەت ەتۋگە ٶتىنىش» (50-DC) قاعازىن تولتىرساق بولادى.
«برازيلياداعى جويقىن سۋ تاسقىنى» دەگەن بەينەروليكتى كورىپ بولعان سوڭ، كەلەسى سۇراققا جاۋاپ بەرىڭىز:
2020-جىلى برازيليادا بولعان سۋ تاسقىنى كەزىندە ەحوبا كۋاگەرلەرىنىڭ كورسەتكەن كومەگى سىزگە قانداي اسەر قالدىردى؟
