ماسىحشىلىك ٶمىرىمىز
ۋاعىزداۋ شەبەرلىگىن شىڭداي تۇسەيىك: جانارى سونگەن جاندارعا ۋاعىزداۋ
بۇل نەلىكتەن ماڭىزدى؟ جانارى سونگەن جانداردىڭ كوبىسى بەيتانىس اداممەن سويلەسۋگە تارتىنادى. سوندىقتان وسىنداي كىسىلەرگە ۋاعىزداۋ اسقان شەبەرلىكتى تالاپ ەتەدى. ەحوبا زاعيپ جانداردى مەيىرىممەن قامقورلايدى (م3ج 19:14). مۇنداي جاندارعا رۋحاني كومەك بەرۋ ارقىلى ٴبىز ەحوباعا ەلىكتەي الامىز.
بۇل ٷشىن نە ىستەۋ كەرەك؟
-
ولاردى «ىزدەپ تابىڭىز» (مت 10:11). زاعيپ تۋىسى بار بىرەۋدى بىلەسىز بە؟ ٴسىز ۋاعىزدايتىن اۋماقتا زاعيپتارعا ارنالعان مەكتەپتەر، سونداي ادامدار بار قارتتار ٷيى نە باسقا دا مەكەمەلەر بار ما؟ بار بولسا، سول مەكەمەلەرگە زاعيپتارعا ارنالعان باسىلىمداردى ۇسىنىپ كورۋگە بولاتىن شىعار.
-
جەكە قىزىعۋشىلىق ٴبىلدىرىڭىز. شىن جۇرەكتەن دوستىق پەيىل تانىتىپ، قىزىعۋشىلىق بىلدىرسەڭىز، زاعيپ ادام ٶزىن ەركىن سەزىنەتىن بولادى. اڭگىمەنى جەرگىلىكتى جەردە قىزىقتى بولاتىن تاقىرىپتان باستاۋعا تىرىسىڭىز.
-
رۋحاني كومەك كورسەتىڭىز. كوزى مۇلدەم كورمەيتىن يا ناشار كورەتىن جاندارعا كومەكتەسۋ ٷشىن ۇيىم ٴتۇرلى فورماتتاعى ادەبيەتتەردى باسىپ شىعارۋدا. زاعيپ كىسىدەن قانداي فورماتتا وقىعان ىڭعايلى ەكەنىن سۇراڭىز. قىزمەت باقىلاۋشىسى ادەبيەتكە جاۋاپتى باۋىرلاستىڭ زاعيپ كىسى تاڭداعان فورماتتاعى باسىلىمعا تاپسىرىس بەرگەن-بەرمەگەنىنە كوز جەتكىزۋ كەرەك.