وسى جىلدان باستاپ،‏ ەسكە الۋ كەشى جۇمىس كۇندەرىنە تۇسسە،‏ سول اپتادا «ماسىحشىلىك ٶمىرىمىز بەن قىزمەتىمىز» كەزدەسۋى بولمايدى.‏ ال دەمالىس كۇندەرىنە تۇسسە،‏ كوپشىلىككە ارنالعان بايانداما مەن «كۇزەت مۇناراسىن» زەرتتەۋ كەزدەسۋى وتكىزىلمەيدى.‏ دەمەك،‏ بىزدە ٴ‌ماسىحتىڭ ٶلىمىن ەسكە الۋ كەشىنە دايىندالۋعا كوبىرەك ۋاقىت بولادى.‏ ٴ‌سىز وسى قوسىمشا ۋاقىتتى مەيلىنشە ٴ‌تيىمدى پايدالاناسىز با؟‏ ماسەلەن،‏ ٴ‌بىرىنشى عاسىرداعىداي،‏ قاۋىمدا وسى ەرەكشە جيىنعا بايلانىستى دايىندىق جۇمىستارى جاسالۋى ٴ‌تيىس (‏لق 22:‏7—‏13‏؛‏ ق‌ق 3.‏15.‏ 1-‏ب.‏)‏.‏ بۇدان بولەك،‏ بارلىعىمىز وسى كەشكە جۇرەگىمىزدى دايىنداۋىمىز قاجەت.‏ بۇل ٷشىن:‏

• وسى كەشكە بارۋدىڭ ٴ‌مان-‏ماڭىزىنا وي جۇگىرتىڭىز (‏ق1ح 11:‏23—‏26‏)‏

• ەحوبامەن قارىم-‏قاتىناسىڭىز جايلى ويلانىپ،‏ دۇعا ەتىڭىز (‏ق1ح 11:‏27—‏29؛‏ ق2ح 13:‏5‏)‏

• ەسكە الۋ كەشىنىڭ ٴ‌مانىن جان-‏جاقتى اشاتىن جازبا ورىندارى مەن كيەلى كىتاپقا نەگىزدەلگەن مالىمەتتەردى وقىپ،‏ وي قوزعاڭىز (‏جح 3:‏16؛‏ 15:‏13‏)‏

كەيبىر جاريالاۋشىلار «كيەلى جازبالاردى كۇندەلىكتى زەرتتەۋ» كىتاپشاسىنداعى ەسكە الۋ كەشىنە قاتىستى كيەلى كىتاپ تارماقتارىن وقىپ،‏ وي جۇگىرتەدى.‏ كەيبىرەۋلەر بولسا تومەندەگى كەستەدە كەلتىرىلگەن تارماقتاردى وقيدى.‏ باسقالارى «كۇزەت مۇناراسىنداعى» ەسكە الۋ كەشىنە جانە ەحوبا مەن يسانىڭ بىزگە تانىتقان سۇيىسپەنشىلىگىنە قاتىستى ٴ‌بىرسىپىرا ماقالالاردى وقىپ شىعادى.‏ ادىستەردىڭ قايسىبىرىن تاڭداساڭىز دا،‏ بۇل سىزدىڭ ەحوبا مەن ونىڭ ۇلىنا جاقىنداي تۇسۋىڭىزگە سەپ بولسىن!‏