جاقىپتىڭ زامانىندا پۇتتارعا قاتىستى زاڭ ٵلى بەرىلمەگەن بولسا دا،‏ ول ەحوبانىڭ قالتقىسىز بەرىلۋگە لايىق قۇداي ەكەنىن بىلگەن (‏م2ج 20:‏3—‏5‏)‏.‏ سوندىقتان ەحوبا وعان بەتەلگە قايتۋدى ايتقاندا،‏ جاقىپ قاسىنداعىلارىنىڭ بارىنە جالعان قۇدايلاردان ارىلۋدى بۇيىردى.‏ سوسىن ول جالعان قۇداي مۇسىندەرىنىڭ،‏ سونداي-‏اق سىرعالاردىڭ دا (‏تۇمار رەتىندە تاعىلسا كەرەك)‏،‏ كوزىن قۇرتتى (‏م1ج 35:‏1—‏4‏)‏.‏ بۇل ارەكەتى ەحوبانىڭ كوڭىلىنەن شىققانى ٴ‌سوزسىز.‏

بۇگىندە ٴ‌بىز ەحوباعا قالتقىسىز بەرىلگەنىمىزدى قالاي كورسەتە الامىز؟‏ بۇل ٷشىن جالعان قۇدايلارمەن جانە سپيريتيزممەن بايلانىستى كەز كەلگەن نارسەدەن اۋلاق جۇرگەنىمىز ماڭىزدى.‏ سيقىرلىققا قاتىسى بار بارلىق زاتتان ارىلۋىمىز جانە قالاي كوڭىل كوتەرەتىنىمىزدى مۇقيات تەكسەرۋىمىز كەرەك.‏ ٶزىڭىزدى مىنا سۇراقتارمەن تەكسەرىپ كورىڭىز:‏ «ماعان ۆامپيرلەر،‏ زومبيلەر نە تىلسىم كۇشتەر تۋرالى كىتاپتار مەن فيلمدەر ۇناي ما؟‏ مەن تاڭدايتىن ويىن-‏ساۋىق تۇرلەرىندە سيقىر مەن دۋانى جاي قىزىق قىلىپ كورسەتە مە؟‏» ەحوبا جەك كورەتىن نارسەلەردەن بويىمىزدى اۋلاق ۇستاپ،‏ ەش جولاماۋىمىز قاجەت (‏زب 97:‏10‏)‏.‏

‏«‏ىبىلىسكە قارسى تۇرىڭدار‏» دەگەن بەينەقويىلىمدى كورىپ بولعان سوڭ،‏ مىنا سۇراقتارعا جاۋاپ بەرىڭىز:‏

• پالەسا دەگەن زەرتتەۋشىنىڭ ومىرىندە قانداي قيىندىق تۋىندادى؟‏

• سپيريتيزممەن بايلانىستى ماسەلەلەردە كومەكتى نەگە اقساقالداردان ىزدەگەن ٴ‌جون؟‏

• ەحوبا ٴ‌بىزدى قورعاسىن دەسەك،‏ قانداي زاتتاردان ارىلۋىمىز قاجەت؟‏

• پالەسا قالاي نىق شەشىممەن ارەكەت ەتتى؟‏

• ٴ‌سىز تۇراتىن جەردە جىنداردىڭ ىقپالىنا ٴ‌تۇسىپ قالماس ٷشىن نە ىستەۋگە بولادى؟‏