جاستاردىڭ ساۋالدارى
تۋعان باۋىرلارىممەن نەگە تاتۋ بولۋىم كەرەك؟
«جاقسى كورەمىن، ٴبىراق كەيدە اشۋىما تيەدى»
تۋعان باۋىرلار ٴبىر-ٴبىرى جايىندا: «ونى جاقسى كورەمىن، ٴبىراق كەيدە اشۋىما تيەدى»،— دەپ جاتادى. ولار ٴبىر-ٴبىرىن قانشا جاقسى كورگەنمەن، كەيدە باستارى ٴبىر قازانعا سيماي قالادى. «كەيدە ٸنىم مەنىڭ ىعىرىمدى شىعارىپ جىبەرەدى. ول مەنى قالاي اشۋلاندىرۋ كەرەكتىگىن جاقسى بىلەدى!»— دەيدى 18 جاسار حەلەنا.
كەيبىر كەلىسپەۋشىلىكتەردى ۇرىسىپ-تالاسپاي-اق ٶزارا شەشىپ الۋعا بولادى. مىسالى:
ٴبىر بولمەدە تۇراتىن ەكى باۋىر سيىسا الماي، ۇرىسىپ قالادى. نە ىستەۋگە بولادى؟ كىشىرەيىپ، ٴبىر-بىرىڭە جول بەرۋدى ۇيرەنىڭدەر. لۇقا 6:31 دەگى كەڭەستى قولدانىڭدار.
اپالى-ٴسىڭلىلى ٴبىر-ٴبىرىنىڭ كيىمىن سۇراماي كيىپ كەتەدى. نە ىستەۋگە بولادى؟ وسىنى ورتاعا سالىپ، اقىلعا قونىمدى شەكتەۋلەر ورناتىپ الىڭدار. تىموتەگە 2-حات 2:24 تەگى كەڭەستى قولدانىڭدار.
كەيبىر جاعدايدا تۋعان باۋىرلار اراسىندا بۇدان دا ۇلكەن قيىندىقتار تۋىنداپ، مۇنىڭ سالدارى جامان بولۋى مۇمكىن. مۇنى كيەلى كىتاپتاعى ەكى مىسالدان كورسەڭ بولادى.
ٴماريام مەن حاروننىڭ ىنىلەرى مۇساعا قىزعانىشپەن قاراعانىنىڭ ارتى جامان بولدى. بۇل تۋرالى مۇسانىڭ 4-جازباسى 12:1—15-تارماقتاردان وقىپ شىق. سوسىن: «قالاي تۋعان باۋىرىما قىزعانىشپەن قاراۋدان اۋلاق بولا الامىن؟»— دەپ ويلانىپ كور.
قابىلدىڭ اشۋلانعانى سونشا — ٸنىسى ٵبىلدى ولتىرۋگە دەيىن باردى. بۇل جايلى مۇسانىڭ 1-جازباسى 4:1—12-تارماقتاردان وقىپ شىق. سوسىن: «باۋىرىما اشۋلانىپ شىعا كەلمەۋىم ٷشىن نە ىستەسەم بولادى؟»— دەپ ويلانىپ كور.
تاتۋ بولۋعا ەكى سەبەپ
باۋىرلارىڭمەن ٴتىل تابىسۋ قانشا قيىن بولماسىن، بۇلاي ەتۋگە، كەم دەگەندە، ەكى سەبەپ بار.
بۇل — ەسەيگەندىكتىڭ بەلگىسى. الەكس ەسىمدى ٴبىر جاس جىگىت بىلاي دەيدى: «بۇرىن ەكى قارىنداسىما قيت ەتسە ىزالانا بەرۋشى ەدىم. ال قازىر ٶز-ٶزىمدى ۇستاپ، ولارعا مەيىرىممەن قارايمىن. مۇنى ەسەيگەندىك دەپ ويلايمىن».
كيەلى كىتاپتا بىلاي دەلىنگەن: «اشۋعا باياۋ ٵر نارسەنىڭ پارقىن ايىرادى، شىدامسىز اقىماقتىعىن پاش ەتەدى» (ناقىل سوزدەر 14:29).
بۇل — بولاشاققا جاقسى دايىندىق. تۋعان باۋىرلارىڭنىڭ كەمشىلىكتەرىن كوتەرە الماساڭ، ەرتەڭگى كۇنى جارىڭنىڭ، ارىپتەسىڭنىڭ، باستىعىڭنىڭ نە ارالاسۋعا تۋرا كەلەتىن باسقا دا ادامداردىڭ كەم-كەتىگىن قالاي كوتەرمەكسىڭ؟
ٶمىردىڭ شىندىعى. بولاشاقتا ادامدارمەن جاقسى قاتىناستا بولۋىڭ قازىردەن باستاپ وزگەلەرمەن جاقسىلاپ سويلەسىپ، ٴتىل تابىسا بىلۋىڭە بايلانىستى. ال مۇنى ۇيرەنۋدىڭ ەڭ جاقسى جولى — وتباسىندا.
كيەلى كىتاپتا بىلاي دەلىنگەن: «قولدارىڭنان كەلگەنشە، بارلىق ادامدارمەن تاتۋ بولىڭدار» (ريمدىكتەرگە 12:18).
باۋىرىڭمەن اراڭدا تۋىندايتىن كەلىسپەۋشىلىكتەردى شەشۋ ٷشىن كومەك قاجەت پە؟ وندا تومەندەگى «قۇرداستارىڭ نە دەيدى؟» دەگەن قورشاۋدى وقىپ شىق، كەيىن «باۋىرلارىڭمەن ٴتىل تابىس» دەگەن جۇمىس پاراعىن تولتىر.
قىزىقتى بولار مالىمەتتەر
جاستاردىڭ ساۋالدارى
اشۋىمدى قالاي جەڭسەم بولادى؟
بىرەۋ اشۋىڭىزعا تيگەندە، سابىر ساقتاۋعا كومەكتەسەتىن بەس كەڭەستى وقىپ كورىڭىز.
