جەر جويىلىپ كەتە مە؟
كيەلى كىتاپتىڭ جاۋابى
جوق، جەر پلانەتاسى ەشقاشان جويىلمايدى، ورتەنىپ كەتپەيدى جانە جاڭادان جاراتىلمايدى. كيەلى كىتاپ قۇداي جەردى ادامدار ماڭگى باقي مەكەندەۋ ٷشىن جاراتتى دەپ ۇيرەتەدى.
«ادىلدەر جەردى مۇرا ەتەدى، وندا ماڭگى باقي ٶمىر سۇرەدى» (ٴزابۇر 37:29).
«[قۇداي] جەردى بەرىك نەگىزگە ورناتتى، ول ٶز ورنىنان ەشقاشان جىلجىمايدى» (ٴزابۇر 104:5).
«جەر ماڭگىلىك تۇرادى» (ۋاعىزداۋشى 1:4).
«قۇداي جەردى قالىپتاستىرىپ، بەرىك ورناتقان، ونى بەكەردەن-بەكەر ەمەس، مەكەندەۋ ٷشىن جاراتقان» (يشايا 45:18).
ادامزات جەر بەتىن قۇرتىپ بىتەدى مە؟
جەر قاتتى لاستانۋدىڭ، سوعىستىڭ نەمەسە باسقا نارسەلەردىڭ كەسىرىنەن جويىلىپ كەتپەيدى. ويتكەنى قۇداي بۇعان جول بەرمەيدى. قايتا ول «جەردى بۇلدىرگەندەردى قۇرتادى» (ايان 11:18). ول مۇنى قالاي جۇزەگە اسىرادى؟
قۇداي جەر بەتىن قورعاي الماعان ادامزات ۇكىمەتتەرىن جويىپ، ونىڭ ورنىنا كوكتەگى كەرەمەت پاتشالىعىن ورناتادى (دانيال 2:44؛ ماتاي 6:9، 10). بۇل پاتشالىقتىڭ بيلەۋشىسى قۇدايدىڭ رۋحاني ۇلى، يسا ٴماسىح، بولادى (يشايا 9:6، 7). جەردە بولعان كەزىندە، يسا تابيعي قۇبىلىستاردى باعىندىرا الاتىن كەرەمەت كۇشى بار ەكەنىن كورسەتتى (مارقا 4:35-41). قۇداي پاتشالىعىنىڭ پاتشاسى رەتىندە يسا جەردى جانە ونداعى بارلىق نارسەلەردى قامقورلىعىنا الادى. ول جەر بەتىندەگى جاعدايدى قالپىنا كەلتىرىپ، جاڭارتادى. وسىلايشا جەر بەتى كەزىندەگى ەدەم باعىنداي بولادى (ماتاي 19:28؛ لۇقا 23:43).
كيەلى كىتاپتا جەردىڭ وتپەن جويىلىپ كەتەتىنى ايتىلعان با؟
جوق. مۇنداي بۇرىس پىكىر پەتىردىڭ 2-حاتى 3:7 دەگى سوزدەردى دۇرىس تۇسىنبەۋدەن تۋىندايدى. ول جەردە بىلاي دەلىنگەن: «ال قازىرگى اسپان مەن جەر... وتپەن جويىلۋ ٷشىن... ساقتالىپ وتىر.» وسى سوزدەردىڭ ماعىناسىن تۇسىنۋگە كومەكتەسەتىن ەكى ماڭىزدى جايتقا نازار اۋدارايىق:
كيەلى كىتاپتا «اسپان»، «جەر» جانە «وت» سوزدەرى بىرنەشە ماعىنادا قولدانىلادى. مىسالى، ٴزابۇر 66:4 تە: «كۇللى جەر ساعان تاعزىم ەتەدى»،— دەلىنگەن. بۇل جەردەگى «جەر» دەگەن ٴسوز ادامزاتتى بىلدىرەدى.
پەتىردىڭ 2-حاتى 3:7 دە ايتىلعان «اسپان»، «جەر» جانە «وت» دەگەن سوزدەردىڭ نەنى بىلدىرەتىنىن قاسىنداعى تارماقتاردىڭ كومەگىمەن تۇسىنۋگە بولادى. 5 ٴشى جانە 6 شى تارماقتاردا نۇحتىڭ كەزىندەگى توپان سۋ تۋرالى ايتىلادى. سول كەزدە ەجەلگى دۇنيە جويىلعانمەن، ٴبىزدىڭ پلانەتامىز جويىلمادى. توپان سۋ زۇلىم ادامداردىڭ قوعامىن جوق قىلدى (مۇسانىڭ 1-جازباسى 6:11). سول كەزدە بەينەلى ماعىناداعى «اسپان»، ياعني سول قوعامنىڭ ۇستىنەن بيلىك ەتكەن ادامدار دا قازا بولدى. دەمەك، ٴبىزدىڭ پلانەتامىز ەمەس، زۇلىم ادامدار جويىلدى. نۇح پەن ونىڭ وتباسى بولسا، توپان سۋدان امان قالىپ، ٶسىپ-ٶنىپ، جەر بەتىن جايلادى (مۇسانىڭ 1-جازباسى 8:15—18).
توپان سۋ كەزىندەگىدەي، پەتىردىڭ 2-حاتى 3:7 دە ايتىلعان «وت» تا ٴبىزدىڭ جەر پلانەتامىزدى ەمەس، زۇلىم ادامزات قوعامىن جوياتىن بولادى. قۇداي «ادىلدىك ورنايتىن جاڭا اسپان مەن جاڭا جەردى» ۋادە ەتەدى (پەتىردىڭ 2-حاتى 3:13). «جاڭا اسپان»، ياعني جاڭا بيلىك، ول — قۇداي پاتشالىعى. ول «جاڭا جەرگە» نەمەسە جاڭا ادامزات قوعامىنا بيلىك ەتەتىن بولادى. سول پاتشالىقتىڭ تۇسىندا جەر بەتى بەيبىتشىلىك ورناعان جۇماققا اينالادى (ايان 21:1—4).
قىزىقتى بولار مالىمەتتەر
ويانىڭدار!
قۇداي پلانەتامىز امان قالادى دەپ ۋادە ەتەدى
جەردىڭ امان قالىپ، ٴتىپتى گۇلدەنە تۇسەتىنىنە نەگە سەنىمدى بولا الامىز؟
ESSENTIAL BIBLE TEACHINGS
اللا تاعالا جەردى نە ٷشىن جاراتتى؟
جەر بەتى سۇلۋلىققا تۇنىپ تۇر. ول كۇننەن ەڭ قولايلى قاشىقتىقتا، ەڭ ىڭعايلى كولبەۋ بۇرىشپەن ورنالاسقان، ٵرى ٶز وسىنەن ەڭ وڭتايلى جىلدامدىقپەن اينالادى. اللا تاعالانىڭ جەر بەسىگىمىزدى وسىلاي ەتىپ جاراتۋىنا نە سەبەپ بولدى؟
سان ٴتۇرلى تاقىرىپتار
جارقىن بولاشاققا جارىق ٷمىت
قۇدايدىڭ ۋادەلەرى مەن ادامداردىڭ ۋادە-بولجامدارىنىڭ اراسى نەگە جەر مەن كوكتەي؟
ESSENTIAL BIBLE TEACHINGS
قۇداي پاتشالىعى دەگەن نە؟
يسا پايعامبار جەردە بولعاندا، باسقا تاقىرىپتارعا قاراعاندا قۇداي پاتشالىعى جايلى وتە كوپ ٴتالىم بەرگەن.
ٴبىز جونىندە
ەحوبا كۋاگەرلەرىنىڭ كەلۋىن ٶتىنۋ
كيەلى كىتاپقا قاتىستى سۇراقتارىڭىزدىڭ جاۋابىن الىڭىز نەمەسە ەحوبا كۋاگەرلەرى جايلى كوبىرەك ٴبىلىڭىز.