دۇنيەجۇزى بويىنشا قانشا ەحوبا كۋاگەرى بار؟
ەحوبا كۋاگەرلەرىنىڭ سانىن قالاي انىقتايسىزدار؟
ٴبىز تەك اي سايىن قۇداي پاتشالىعى تۋرالى بەلسەندى ۋاعىزدايتىن ادامدى ەحوبا كۋاگەرلەرىنىڭ قاتارىنا جاتقىزامىز (ماتاي 24:14). بۇل كۋاگەر رەتىندە شومىلدىرۋ راسىمىنەن وتكەن نە ودان ٵلى وتپەگەن، ٴبىراق ۋاعىزداۋ قىزمەتىنە اتسالىسۋ ٷشىن تالاپتارعا ساي كەلەتىن ادام بولۋى مۇمكىن.
كۋاگەر بولىپ سانالۋ ٷشىن ادام ساداقا بەرۋگە مىندەتتى مە؟
جوق. ەحوبا كۋاگەرى بولۋ ٷشىن دە، نە ۇيىمىمىزدا بەلگىلى ٴبىر مارتەبەلى مىندەت اتقارۋ ٷشىن دە ادامنان ساداقا تالاپ ەتىلمەيدى (ەلشىلەردىڭ ىستەرى 8:18—20). كىمنىڭ قانشا ساداقا سالىپ جاتقانى قاداعالانبايدى. ٵربىر ەحوبا كۋاگەرى ۋاعىز ىسىنە قانشا ۋاقىت پەن قاراجات جۇمسايتىنىن جاعدايىنا قاراي ٶزى شەشەدى (قورىنتتىقتارعا 2-حات 9:7).
قانشا ادام ۋاعىز ىسىنە قاتىساتىنىن قايدان بىلەسىزدەر؟
ەحوبا كۋاگەرلەرى ٵر ايدا جەرگىلىكتى قاۋىمعا ۋاعىز تۋرالى ەسەپ تاپسىرادى. ەسەپ تاپسىرۋ-تاپسىرماۋ اركىمنىڭ ٶز ەركىندە.
قاۋىمنىڭ ەسەبى سانالىپ، ٴبارى جەرگىلىكتى فيليالعا جىبەرىلەدى. سوسىن جەرگىلىكتى فيليال ٶز ەلىنىڭ قورىتىندى ەسەبىن دۇنيەجۇزىلىك باس باسقارمامىزعا جىبەرەدى.
ٵر قىزمەت جىلىنىڭ a سوڭىندا ٵر ەلدەگى كۋاگەرلەردىڭ سول جىلعى ەڭ جوعارعى سانى انىقتالادى. دۇنيەجۇزى بويىنشا قانشا ەحوبا كۋاگەرى بار ەكەنىن ٴبىلۋ ٷشىن بارلىق ەلدەردىڭ قورىتىندى ساندارى بىرگە ەسەپتەلەدى. ٵر ەلدىڭ ەگجەي-تەگجەيلى ەسەبى سايتىمىزداعى «جەر-جاھان» دەپ اتالاتىن بولىمدە جاريالانادى. ەرتەدەگى قۇداي قىزمەتشىلەرى قاتارلارى كوبەيگەنىنە قۋانعاندارى سياقتى، بۇل ەسەپتى كورىپ، ٴبىز دە قۋانامىز (ەلشىلەردىڭ ىستەرى 2:41؛ 4:4؛ 15:3).
قاۋىمدارىڭىزبەن ارالاساتىن، ٴبىراق ۋاعىزدامايتىن ادامداردى ەسەپكە الاسىزدار ما؟
ٴبىز مۇنداي ادامداردى، كۋاگەرلەردىڭ قاتارىنا قوسپاساق تا، ولاردى كەزدەسۋلەرىمىزدە قۇشاق جايا قارسى الامىز. ولاردىڭ كوبىسى جىل سايىنعى يسانىڭ ٶلىمىن ەسكە الۋ كەشىنە قاتىسادى. سوندىقتان كۋاگەرلەردىڭ سانىن وسى كەشكە قاتىسۋشىلاردىڭ جالپى سانىنان الىپ تاستاساق، كۋاگەر ەمەس ادامداردىڭ سانىن شامامەن انىقتاي الامىز. 2023 ەسكە الۋ كەشىنە قاتىسۋشىلاردىڭ جالپى سانى 20461767 بولعان.
كوپتەگەن ادامدار كەزدەسۋلەرىمىزگە قاتىسپاسا دا، اقىسىز كيەلى كىتاپ زەرتتەۋ ساباعىنىڭ پايداسىن كورىپ ٴجۇر. ٴبىز 2023-جىلدىڭ ىشىندە اي سايىن 7281212 كيەلى كىتاپتى زەرتتەۋ ساباعىن وتكىزدىك. بۇل ساباقتاردىڭ كەيبىرىنە ٴبىر ەمەس، بىرنەشە ادام قاتىستى.
نەگە ۇكىمەتتىڭ ەسەبى بويىنشا كۋاگەرلەردىڭ سانى سىزدىكىنەن كوپ؟
مەملەكەتتىك ساناق مەكەمەلەرى ادامدار وزىندەرىن قاي دىنگە جاتقىزاتىندارى تۋرالى ساۋالناما جۇرگىزۋ ارقىلى ٴدىن ۇستانۋشىلارىنىڭ سانىن انىقتايدى. مىسالى، اقش تىڭ ساناق بيۋروسى «ادامدار وزدەرىن قاي دىنگە جاتقىزاتىندارىن انىقتاۋعا تىرىساتىندارىن» مالىمدەيدى. سونداي-اق ولار بۇل «مالىمەتتىڭ ناقتى دەرەكتەرگە ەمەس، جاي ادامداردىڭ پىكىرىنە نەگىزدەلگەنىن» مويىندايدى. ال ٴبىز بولساق، ٶزىن كۋاگەرمىن دەپ اتايتىن ادامدى ەمەس، ۋاعىزدايتىن جانە بۇل جونىندە ەسەپ تاپسىراتىن ادامدى عانا كۋاگەرلەردىڭ قاتارىنا قوسامىز.
a ٴبىزدىڭ قىزمەت جىلىمىز 1-قىركۇيەكتەن باستالىپ، 31-تامىزدا اياقتالادى. مىسالى، 2015-قىزمەت جىلى 2014-جىلدىڭ 1-قىركۇيەگىنەن باستالىپ، 2015-جىلدىڭ 31-تامىزىنا دەيىن جالعاستى.
قىزىقتى بولار مالىمەتتەر
ٴجيى قويىلاتىن سۇراقتار
ەحوبا كۋاگەرلەرى نە نارسەگە سەنەدى؟
ٴبىزدىڭ نەگىزگى ىلىمدەرىمىزدىڭ 15 ىنە كوڭىل اۋدارىڭىز.
قىزمەتكە ارنالعان العى سوزدەر
ەحوبا كۋاگەرلەرى دەگەن كىمدەر؟
كوپ ادام ەحوبا كۋاگەرلەرىنىڭ كىم ەكەندەرىن ٴبىلۋدى قالايدى. وسى ۆيدەودان كوپ مالىمەت الا الاسىز.
ٴجيى قويىلاتىن سۇراقتار
ەحوبا كۋاگەرى بولۋ ٷشىن نە ىستەۋىم كەرەك؟
ماتاي 28:19، 20 دا ٷش قادام جازىلعان.
ٴبىز جونىندە
ەحوبا كۋاگەرلەرىنىڭ كەلۋىن ٶتىنۋ
كيەلى كىتاپقا قاتىستى سۇراقتارىڭىزدىڭ جاۋابىن الىڭىز نەمەسە ەحوبا كۋاگەرلەرى جايلى كوبىرەك ٴبىلىڭىز.