كۇزەت مۇناراسى، كيەلى كىتاپ جانە تراكتاتتار قوعامى دەگەن نە؟
كۇزەت مۇناراسى، كيەلى كىتاپ جانە تراكتاتتار قوعامى (پەنسيلۆانيا) دەگەنىمىز — 1884-جىلى پەنسيلۆانيا (اقش) بىرلەستىگىنىڭ زاڭىنا نەگىزدەلىپ قۇرىلعان بەيكوممەرسيالىق كورپوراسيا. ەحوبا كۋاگەرلەرى بۇل كورپوراسيانى وزدەرىنىڭ دۇنيەجۇزىلىك ٸسىن العا جىلجىتۋ ٷشىن، سونىڭ ىشىندە كيەلى كىتاپ پەن وعان نەگىزدەلگەن ادەبيەتتەردى باسىپ شىعارۋ ٷشىن قولدانادى.
جارعىعا ساي، كورپوراسيانىڭ ماقساتى — «ٴدىن، ٴبىلىم بەرۋ جانە قايىرىمدىلىق ٸس-شارالارى»، اسىرەسە «يسا ٴماسىح باسقارعان قۇداي پاتشالىعى تۋرالى ىزگى حاباردى ۋاعىزداۋ مەن ٴتالىم بەرۋ». تەك ارنايى شاقىرىلعاندار عانا كورپوراسيانىڭ مۇشەسى بولا الادى، بۇل ونىڭ قانشا ساداقا جاساعانىنا بايلانىستى ەمەس. كورپوراسيا مۇشەلەرى مەن جەتەكشىلەرى ەحوبا كۋاگەرلەرىنىڭ باسقارۋشى كەڭەسىنە كومەك كورسەتەدى.
زاڭدى تۇلعالارمەن قىزمەتتەسۋ
كۇزەت مۇناراسى، كيەلى كىتاپ جانە تراكتاتتار قوعامىنان (پەنسيلۆانيا) بولەك، ەحوبا كۋاگەرلەرى ٴتۇرلى ەلدەردە كوپتەگەن زاڭدى تۇلعالاردى قولدانادى. ولاردىڭ كەيبىرىنىڭ اتاۋىندا «Watch Tower»، «Watchtower» دەگەن ٴسوز نەمەسە ونىڭ اۋدارماسى كەزدەسەدى.
وسىنداي ٴتۇرلى زاڭدى تۇلعالار قۇرىلعالى بەرى كەلەسى ىستەردى اتقارۋعا مۇمكىندىك بەردى:
جازۋ جانە باسىپ شىعارۋ. ٴبىز شامامەن 220 ميلليون كيەلى كىتاپتى جانە وعان نەگىزدەلگەن ادەبيەتتەردىڭ 40 ميللياردقا جۋىق داناسىن باسىپ شىعاردىق. ٴبىزدىڭ باسىلىمدار 900 دەن اسا تىلدە قولجەتىمدى. ال jw.org تور بەكەتىمىز ادامدارعا كيەلى كىتاپتى 160 تان استام تىلدە اقىسىز توردا وقۋعا مۇمكىندىك بەرەدى. سونىمەن قاتار ولار سول تور بەكەتىنەن «قۇداي پاتشالىعى دەگەن نە؟» دەگەن سياقتى كيەلى كىتاپپەن بايلانىستى سۇراقتارعا جاۋاپ الا الادى.
ٴبىلىم بەرۋ. كيەلى كىتاپتان ٴبىلىم بەرۋ ٷشىن ٴبىز ٵرتۇرلى مەكتەپتەر وتكىزەمىز. مىسالى، 1943-جىلى كۇزەت مۇناراسىنىڭ عالاقات كيەلى كىتاپ مەكتەبى قۇرىلدى. سودان بەرى شامامەن 9000 ەحوبا كۋاگەرى قارقىندى ٴبىلىم الىپ شىقتى. بۇل ولارعا ميسسيونەر بولىپ قىزمەت ەتۋگە نە ٴبىزدىڭ دۇنيەجۇزىلىك ٸسىمىزدىڭ العا باسۋىنا قولداۋ كورسەتۋگە كومەكتەسەدى. سونىمەن قاتار اپتا سايىن ميلليونداعان ادام، سونىڭ ىشىندە ەحوبا كۋاگەرى ەمەس ادامدار دا، قاۋىم كەزدەسۋلەرىندە ٴتالىم الادى. سونداي-اق ٴبىز ساۋات اشۋ ساباقتارىن وتكىزەمىز. بۇل ٷشىن ادامدارعا وقۋ مەن جازۋدى ۇيرەتۋگە كومەكتەسەتىن 120 تىلدە ارنايى وقۋلىق باسىپ شىعاردىق.
قايىرىمدىلىق ٸس-شارالارى. ٴبىز ادامداردىڭ كەسىرىنەن بولعان اپاتتان نە تابيعي اپاتتان زارداپ شەككەندەرگە گۋمانيتارلىق كومەك كورسەتەمىز. مىسالى، 1994-جىلى رۋاندادا جاپپاي كىسى ٶلىمى ورىن العاندا جانە 2010-جىلى گايتيدە جەرسىلكىنىسى بولعاندا، ٶز كومەگىمىزدى ۇسىندىق.
ٴبىز كورپوراسيالار مەن زاڭدى تۇلعالاردىڭ ارقاسىندا كوپ ٸس اتقاردىق. ٴبىراق ٴبىزدىڭ ٸسىمىزدىڭ العا باسۋى ولارعا بايلانىستى ەمەس. ٵر ٴماسىحشىنىڭ موينىندا قۇداي تاپسىرعان ىزگى حاباردى ۋاعىزداۋ مەن ٴتالىم بەرۋ جاۋاپكەرشىلىگى بار (ماتاي 24:14؛ 28:19، 20). قۇدايدىڭ قولداۋىمەن ٸسىمىزدىڭ العا باساتىنىنا ٴبىز سەنىمدىمىز (قورىنتتىقتارعا 1-حات 3:6، 7).
قىزىقتى بولار مالىمەتتەر
ٴجيى قويىلاتىن سۇراقتار
ەحوبا كۋاگەرلەرىنىڭ ٸسى قالاي قارجىلاندىرىلادى؟
ٴبىزدىڭ ساداقا جاساۋ جولدارىمىز شىركەۋلەردەن وزگەشە.
ٴجيى قويىلاتىن سۇراقتار
ەحوبا كۋاگەرلەرى ۇيىمىنىڭ نەگىزىن كىم قالاعان؟
چارلز تەيز راسسەلدىڭ جاڭا ٴدىننىڭ نەگىزىن قالاماعانى جايىندا وقىڭىز.
ٴبىز جونىندە
ەحوبا كۋاگەرلەرىنىڭ كەلۋىن ٶتىنۋ
كيەلى كىتاپقا قاتىستى سۇراقتارىڭىزدىڭ جاۋابىن الىڭىز نەمەسە ەحوبا كۋاگەرلەرى جايلى كوبىرەك ٴبىلىڭىز.