ەحوبا كۋاگەرلەرى نە نارسەگە سەنەدى؟
ٴبىز، ەحوبا كۋاگەرلەرى، يسا پايعامبار ۇيرەتكەن جانە ونىڭ شاكىرتتەرى جۇرگەن جولمەن جۇرۋگە تىرىسامىز. وسى ماقالادا ٴبىزدىڭ ۇستانىمدارىمىزدىڭ كەيبىرىمەن تانىس بولاسىزدار.
قۇداي. ٴبىز جاراتۋشى يەمىز — جالعىز شىنايى ٵرى قۇدىرەتى شەكسىز قۇدايعا قۇلشىلىق ەتەمىز. ونىڭ ەسىمى — ەحوبا (ٴزابۇر 83:18؛ ايان 4:11). ول — ىبىرايىم، مۇسا جانە يسا پايعامبار عيبادات ەتكەن قۇداي (مۇسانىڭ 2-جازباسى 3:6؛ 32:11؛ جوحان 20:17)
كيەلى كىتاپ. ٴبىز كيەلى كىتاپتى قۇداي رۋحىمەن جازىلعان ادامزاتقا بەرىلگەن حابار دەپ بىلەمىز (جوحان 17:17؛ تىموتەگە 2-حات 3:16). ٴبىز ىلىمدەرىمىزدى كيەلى جازبالاردىڭ 66 كىتابىنىڭ بارلىعىنا نەگىزدەيمىز. بۇعان كونە وسيەت پەن جاڭا وسيەت تە كىرەدى. پروفەسسور دجەيسون د. بەدۋن «ەحوبا كۋاگەرلەرى ٶز ىلىمدەرىن كيەلى كىتاپ مىنانى ايتقىسى كەلگەن شىعار دەگەنگە ەمەس، كيەلى كىتاپتا ناقتى جازىلعان جايتتارعا نەگىزدەيدى» دەگەندە، دوپ ايتقان بولاتىن a.
ٴبىز كيەلى كىتاپتى ٴبولىپ جارماي، تۇتاستاي وقيمىز. ٴبىراق ونىڭ بارلىق جازبالارىن سوزبە-ٴسوز تۇسىنەتىن فۋندامەنتاليستەر سياقتى ەمەسپىز، قايتا كەيبىر تۇستارى بەينەلى تىلمەن جازىلعانىن ەسكەرەمىز (ايان 1:1).
يسا. ٴبىز يسا ٴماسىحتىڭ تالىمدەرى مەن قالدىرعان ۇلگىسىنە ساي ٶمىر سۇرەمىز. ونى قۇتقارۋشىمىز ٵرى قۇدايدىڭ ۇلى رەتىندە قۇرمەتتەيمىز (ماتاي 20:28؛ ەلشىلەردىڭ ىستەرى 5:31). ٴبىزدىڭ ماسىحشىلەر دەپ اتالۋىمىز دا سوندىقتان (ەلشىلەردىڭ ىستەرى 11:26). كيەلى جازبالاردان يسا پايعامباردىڭ جاراتۋشى قۇداي ەمەس ەكەنىن بىلدىك، سونىمەن قاتار وندا ۇشتىك سەنىمىن راستايتىن ەشقانداي نەگىز جوق ەكەنىنە كوزىمىز جەتتى (جوحان 14:28).
قۇداي پاتشالىعى. بۇل — ماسىحشىلەردىڭ جۇرەگىنەن ورىن الاتىن تۇسىنىك ەمەس، كوكتە شىنىمەن بيلىك ەتىپ جاتقان ۇكىمەت. قۇداي پاتشالىعى بولاشاقتا جەردەگى ۇكىمەتتەردىڭ ورنىن باسىپ، اللا تاعالانىڭ جەرگە قاتىستى نيەتىن جۇزەگە اسىرادى (دانيال 2:44؛ ماتاي 6:9، 10). كيەلى كىتاپتا پايعامبارلىق ەتىلگەندەي، ادامزات قازىر «سوڭعى كۇندەرى» ٶمىر ٴسۇرىپ جاتىر. دەمەك، قۇداي ۇكىمەتىنىڭ جەرگە بيلىك ەتۋىنە وتە از ۋاقىت قالدى (تىموتەگە 2-حات 3:1—5؛ ماتاي 24:3—14).
يسا — قۇداي پاتشالىعىنىڭ پاتشاسى. ول ٶز بيلىگىن 1914-جىلى باستادى (ايان 11:15).
قۇتقارىلۋ. يسا پايعامباردىڭ ٶزىنىڭ جانىن قۇربان ەتۋىنىڭ ارقاسىندا ٴبىز كۇنا مەن ولىمنەن ازات بولا الامىز (ماتاي 20:28؛ ەلشىلەردىڭ ىستەرى 4:12). بۇل ٷشىن ادام يساعا سەنىپ قانا قويماي، ٶمىرىن وزگەرتىپ، شومىلدىرۋ راسىمىنەن ٶتۋى كەرەك (ماتاي 28:19، 20؛ جوحان 3:16؛ ەلشىلەردىڭ ىستەرى 3:19، 20). ەگەر ول سەنىمىنە ساي ارەكەت ەتەتىن بولسا، سەنىمىنىڭ ٴتىرى ەكەنىن دالەلدەيدى (جاقىپ 2:24، 26). دەگەنمەن قۇتقارىلۋ — ٶز كۇشىمىزبەن يە بولاتىن نارسە ەمەس. بۇعان «قۇدايدىڭ راقىمىنىڭ» ارقاسىندا عانا قول جەتكىزەمىز (عالاتتىقتارعا 2:16، 21).
اسپان. ەحوبا قۇداي، يسا ٴماسىح جانە ادال پەرىشتەلەر رۋحاني الەمدە ٶمىر سۇرەدى b (ٴزابۇر 103:19—21؛ ەلشىلەردىڭ ىستەرى 7:55). يسا ماسىحپەن كوكتە پاتشالىق ەتۋ ٷشىن تەك ساناۋلى 144000 ادام عانا كوككە بارادى (دانيال 7:27؛ تىموتەگە 2-حات 2:12؛ ايان 5:9، 10؛ 14:1، 3).
جەر. اللا تاعالا جەردى ادامزاتتىڭ ماڭگى تۇراعى بولۋ ٷشىن جاراتتى (ٴزابۇر 104:5؛ 115:16؛ ۋاعىزداۋشى 1:4). ول ٴتىلالعىش ادامداردى جارىلقاپ، ولار جۇماق ورناعان جەردە ماڭگى ٶمىر سۇرەدى ٵرى دەنساۋلىقتارى مىقتى بولادى (ٴزابۇر 37:11، 34).
زۇلىمدىق پەن قايعى-قاسىرەت. بۇلار ادامزات ومىرىنە كوكتەگى پەرىشتەلەردىڭ ٴبىرى قۇدايعا قارسى شىققاننان كەيىن ەندى (جوحان 8:44). «شايتان» جانە «ٸبىلىس» دەگەن اتقا يە بولعان بۇل پەرىشتە ادام مەن حاۋانى دا ازعىرىپ، ناتيجەسىندە ولاردىڭ ۇرپاقتارى مۇنىڭ اۋىر ازابىن تارتۋدا (مۇسانىڭ 1-جازباسى 3:1—6؛ ريمدىكتەرگە 5:12). شايتان كوتەرگەن دۇرىس پەن بۇرىسقا قاتىستى ماسەلەنى شەشۋ ٷشىن، قۇداي زۇلىمدىق پەن قايعى-قاسىرەتكە جول بەردى. الايدا بۇل ماڭگىلىك جالعاسا بەرمەيدى.
ٶلىم. ادام قايتىس بولعان سوڭ تىرشىلىك ەتۋىن مۇلدەم توقتاتادى (ٴزابۇر 146:4؛ ۋاعىزداۋشى 9:5، 10). ول توزاق وتىندا ازاپ شەكپەيدى.
اللا تاعالا ميلليونداعان ولگەن ادامدى ومىرگە قايتا تىرىلتەدى (ەلشىلەردىڭ ىستەرى 24:15). الايدا ولار قۇداي كورسەتكەن جولمەن ٶمىر سۇرۋدەن باس تارتسا، ماڭگىلىككە جويىلادى (ايان 20:5).
وتباسى. ٴبىز قۇدايدىڭ وتباسىلارعا بەرگەن و باستاعى وسيەتىنە ساي، نەكەنى ٴبىر ەركەك پەن ٴبىر ايەلدىڭ وداعى دەپ بىلەمىز. ەرلى-زايىپتىنىڭ ٴبىرى ازعىندىق جاساسا عانا اجىراسۋعا بولادى (ماتاي 19:4—9). وتباسىلاردىڭ باقىتتى بولۋىنا كيەلى كىتاپتاعى باسشىلىق قانا كومەكتەسەتىنىنە سەنىمدىمىز (ەفەستىكتەرگە 5:22—6:1).
عيباداتىمىز. ٴبىز عيباداتىمىزدا ايقىشتى نەمەسە پۇتتاردى قولدانبايمىز (مۇسانىڭ 5-جازباسى 4:15—19؛ جوحاننىڭ 1-حاتى 5:21). عيباداتىمىزدىڭ نەگىزگى سالالارى كەلەسىدەي:
قۇدايعا دۇعا ەتەمىز (فىلىپىلىكتەرگە 4:6).
كيەلى كىتاپتى وقيمىز جانە زەرتتەيمىز (ٴزابۇر 1:1—3).
كيەلى كىتاپتان بىلگەندەرىمىزدى ومىردە قولدانۋعا تىرىسامىز (ٴزابۇر 77:12).
ٴبىز دۇعا ەتۋ، كيەلى كىتاپتى زەرتتەۋ، ٵن ايتۋ، سەنىمىمىزدى پاش ەتۋ جانە ٴبىر سەنىمدەگىلەردى جىگەرلەندىرۋ ٷشىن جينالامىز (قولوستىقتارعا 3:16؛ ەۆرەيلەرگە 10:23—25).
ٴبىز «پاتشالىق جايلى ىزگى حاباردى» ۋاعىزدايمىز (ماتاي 24:14).
كومەككە مۇقتاج ادامدارعا قول ۇشىن بەرەمىز (جاقىپ 2:14—17).
دۇنيەجۇزىلىك ٴبىلىم بەرۋ ىسىمىزگە قاجەتتى عيبادات ورىندارىن تۇرعىزامىز جانە ولاردى كۇتىپ ۇستايمىز (ٴزابۇر 127:1).
اپاتتان زارداپ شەككەندەرگە كومەكتەسەمىز (ەلشىلەردىڭ ىستەرى 11:27—30).
ٴبىزدىڭ ۇيىم. ٴبىز قاۋىمدارعا بولىنگەنبىز، ٵر قاۋىمعا رۋحاني تولىسقان بىرنەشە ەر ادام جەتەكشىلىك ەتەدى. ولار ٴدىنباسىلاردان تۇراتىن توپ ەمەس، ٵرى قىزمەتتەرى ٷشىن اقى المايدى (ماتاي 10:8؛ 23:8). ٴبىزدىڭ قاۋىمداردا اقشا نەمەسە مال-مۇلىكتىڭ وننان ٴبىر بولىگى جينالمايدى (قورىنتتىقتارعا 2-حات 9:7). بارلىق ٸسىمىز ەرىكتى ساداقانىڭ ارقاسىندا ٴجۇرىپ جاتىر.
باسقارۋشى كەڭەس — رۋحاني تولىسقان ەر ادامداردان تۇراتىن كىشىگىرىم توپ. ول دۇنيەجۇزىندەگى ەحوبا كۋاگەرلەرىنە باسشىلىق بەرەدى (ماتاي 24:45).
بىرلىگىمىز. دۇنيەجۇزىندەگى ەحوبا كۋاگەرلەرىن بىرىكتىرەتىن نارسە — ۇستاناتىن ىلىمدەرى (قورىنتتىقتارعا 1-حات 1:10). ارامىزدا ۇلت پەن ناسىلگە، تاپقا بولىنۋشىلىك بولماۋ ٷشىن كوپ كۇش سالامىز (ەلشىلەردىڭ ىستەرى 10:34، 35؛ جاقىپ 2:4). ايتكەنمەن، اركىمنىڭ تاڭداۋ ەركىندىگى بار. ٵر ەحوبا كۋاگەرى كيەلى كىتاپ بويىنشا تاربيەلەنگەن ار-ۇجدانىنا ساي جەكە شەشىم قابىلدايدى (ريمدىكتەرگە 14:1—4؛ ەۆرەيلەرگە 5:14).
ٴجۇرىس-تۇرىسىمىز. ٴبىز ٵربىر ٸسىمىزدى رياسىز سۇيىسپەنشىلىكپەن اتقارۋعا تىرىسامىز (جوحان 13:34، 35). اللا تاعالاعا ۇنامايتىن ىستەردەن اۋلاق جۇرەمىز، مىسالى قانعا قاتىستى وسيەتتەن اتتاپ، قان قۇيدىرمايمىز (ەلشىلەردىڭ ىستەرى 15:28، 29؛ عالاتتىقتارعا 5:19—21). ٴبىز بەيبىتسۇيگىش ادامدارمىز جانە سوعىسقا قاتىسپايمىز (ماتاي 5:9؛ يشايا 2:4). ٴبىز ٶزىمىز تۇرىپ جاتقان ەلدىڭ قۇدايدىڭ زاڭىنا قايشى كەلمەيتىن بارلىق زاڭدارىنا مويىنسۇنامىز (ماتاي 22:21؛ ەلشىلەردىڭ ىستەرى 5:29).
باسقالارمەن ارا-قاتىناسىمىز. يسا پايعامبار: «وزگە ادامدى ٶزىڭدى سۇيگەندەي ٴسۇي»،— دەپ بۇيىرعان. ول ماسىحشىلەردىڭ «وسى دۇنيەلىك ەمەس» ەكەنىن دە ايتقان (ماتاي 22:39؛ جوحان 17:16). ٴبىز بارىنە جاقسىلىق جاساۋعا تىرىسامىز. دەگەنمەن ساياسي ٸس-شارالاردا بەيتاراپتىق ساقتايمىز جانە باسقا دىندەردىڭ ىسىنە ارالاسپايمىز (عالاتتىقتارعا 6:10؛ قورىنتتىقتارعا 2-حات 6:14). الايدا وزگەلەردىڭ بۇل ماسەلەگە قاتىستى شەشىمدەرىن قۇرمەتتەيمىز (ريمدىكتەرگە 14:12).
ەحوبا كۋاگەرلەرىنىڭ سەنىمى جايىندا سۇراقتارىڭىز بولسا، تور بەكەتىمىزدەن مالىمەت تابا الاسىز نە وفيستەرىمىزدىڭ بىرىنە قوڭىراۋ شالا الاسىز. يا بولماسا جەرگىلىكتى پاتشالىق سارايىندا وتەتىن كەزدەسۋگە قاتىسا الاسىز نە ەحوبا كۋاگەرلەرىنىڭ بىرىمەن اڭگىمەلەسە الاسىز.
a «اۋدارماداعى شىندىق» كىتابىنىڭ 165-بەتىن قاراڭىز («Truth in Translation»).
b زۇلىم پەرىشتەلەر كوكتەن الاستاتىلعان. دەگەنمەن ولار رۋحاني الەمدە تىرشىلىك ەتۋلەرىن جالعاستىرۋدا (ايان 12:7—9).
قىزىقتى بولار مالىمەتتەر
كيەلى كىتاپتى زەرتتەۋ قۇرالدارى
كيەلى كىتاپتىڭ نەگىزگى ىلىمدەرى. بەينەروليكتەر
قىسقا بەينەروليكتەر كيەلى كىتاپقا قاتىستى ماڭىزدى سۇراقتارعا جاۋاپ بەرەدى.
قىزمەتكە ارنالعان العى سوزدەر
ەحوبا كۋاگەرلەرى دەگەن كىمدەر؟
كوپ ادام ەحوبا كۋاگەرلەرىنىڭ كىم ەكەندەرىن ٴبىلۋدى قالايدى. وسى ۆيدەودان كوپ مالىمەت الا الاسىز.
ٴجيى قويىلاتىن سۇراقتار
ەحوبا كۋاگەرلەرىنىڭ وزدەرىنىڭ بولەك كيەلى كىتاپتارى بار ما؟
كيەلى كىتاپتىڭ ٴتۇرلى اۋدارمالارىن قولدانعانىڭىز سىزگە ونى تەرەڭىرەك زەرتتەۋگە كومەكتەسۋى مۇمكىن. «كيەلى جازبالار. جاڭا دۇنيە اۋدارماسىنىڭ» ٷش ەرەكشەلىگى ٴسىزدى زەرتتەۋ كەزىندە وعان جۇگىنۋگە تالپىندىرا الادى.
ٴبىز جونىندە
ەحوبا كۋاگەرلەرىنىڭ كەلۋىن ٶتىنۋ
كيەلى كىتاپقا قاتىستى سۇراقتارىڭىزدىڭ جاۋابىن الىڭىز نەمەسە ەحوبا كۋاگەرلەرى جايلى كوبىرەك ٴبىلىڭىز.