2023 жылдың 23 қыркүйегінде болған арнайы кездесуде Анголадағы филиал комитетінің мүшесі Йоханнес Де Ягер бауырлас Матай мен Елшілердің істері кітаптарының ангол ым тілінде шыққанын хабарлады. Анголаның Луанда қаласындағы Конгресс сарайында өткен бұл кездесуге шамамен 1881 адам қатысты. Жаңадан шыққан бұл кітаптар бірден jw.org сайты мен JW Library Sign Language қосымшасына салынды.

Анголада шамамен 360 000 құлағы естімейтін адам тұрады. 2010 жылы алғаш рет ангол ым тілінде конгресс өткізілді. Бүгінде сол елде 1000-нан аса жариялаушы 37 ангол ым тіліндегі қауымда, 7 топта және 1 сынама топта қызмет етуде.

Бұл екі кітап — ангол ым тіліне аударылған алғашқы кітаптар. Елшілердің істері кітабын ашып көргеннен кейін бір ер бауырлас былай деп бөлісті: “Елшілердің істері 8:26—30 тармақтарда Філіптің эфиопиялық қызметкердің артынан қуып жеткені жайлы оқиға әдемі аударылған. Бұл маған қызметте әрі қарай да көп күш сала беруге көмектесті”.

Ангол ым тіліндегі осы екі кітап адамдарға Ехобаның сүйіспеншілігін сезінуге көмектесетініне сенімдіміз. Ал ол мұндай адамдарға “жүзінің нұрын төгеді” (Мұсаның 4-жазбасы 6:25).